അന്വേഷണം വാർത്തകൾ ലഭിക്കാന്‍ വാട്സാപ്പ് ചാനലില്‍ ചേരൂ.ബിജെപി, സംഘപരിവാർ സംഘടനകൾ ഇ ഡിയെ ദുരുപയോഗം ചെയ്യുന്നുവെന്ന് സിപിഐഎം സംസ്ഥാന സെക്രട്ടറി എം വി ഗോവിന്ദൻ. സ്വതന്ത്രമായി പ്രവർത്തിക്കേണ്ട സ്ഥാപനങ്ങളെ ആർഎസ്എസ് കയ്യാളുകയാണെന്നും അദ്ദേഹം വിമർശിച്ചു. യഥാർത്ഥ പ്രതികളെ മാപ്പ് സാക്ഷികളാക്കുന്നു. അവർ ഉന്നം വയ്ക്കുന്നവരെ പ്രതികളാക്കുന്നു. കേന്ദ്ര ഏജൻസികളുടെ രാഷ്ട്രീയ വേട്ട എന്ന വിഷയത്തിൽ സംഘടിപ്പിച്ച സെമിനാറിൽ സംസാരിക്കുകയായിരുന്നു എം വി ഗോവിന്ദൻ.
കേരളത്തിൽ സംഭവിക്കുന്നതും ഇതാണ്. കെജരിവാളിന്റെ കാര്യത്തിൽ സംഭവിച്ചതും ഇത് തന്നെ. ഇതിന്റെ ഭാഗമായാണ് പിണറായി ഉൾപ്പടെയുള്ളവർക്ക് എതിരെ വന്ന കേസ്. ഇ ഡി ഉന്നം വയ്ക്കുന്നത് പാർട്ടിയെ. പിണറായി വിജയനെ കേസിൽ ഉന്നം വയ്ക്കുന്നതിന്റെ കാരണവും അത് തന്നെ. ഉന്നം വച്ചു കൊണ്ട് നടക്കുന്ന പ്രക്രിയയെ രാഷ്ട്രീയമായും നിയമപരമായും നേരിടും.CMRL ന്റെ ഭാഗമായി കിട്ടി എന്ന് പറയുന്ന ഡയറിയിൽ ചിലരുടെ പേരുണ്ട്. പണം വാങ്ങി എന്ന് സമ്മതിച്ചവരാണ് രമേശ്‌ ചെന്നിത്തലയും, കുഞ്ഞാലിക്കുട്ടിയും.
പിണറായിയെ മാസപ്പടിക്കേസിൽ കുരുക്കാനാകില്ലെന്ന് ഇഡിക്ക് ഉറപ്പ്. അതിനാണ് സർക്കാരിനെ കൊണ്ട് എഫ്ഐആർ ഇടാൻ നിർബന്ഥിച്ചത്. കല്യാണം നടക്കുന്നതിന് മുൻപാണ് എക്സാലോജിക് കേസ്. 85 ലക്ഷം ഹവാല പണമായി കൊടുത്തു എന്നതിന് എന്താണ് തെളിവ്. മകളെ കരുവാക്കി പിണറായി കൈക്കൂലി വാങിയെന്ന ആരോപണം കേരളത്തെ അപമാനിക്കുന്നത്.ഇതിനെ ശക്തമായിട്ടാണ് പാർട്ടി എതിർക്കുന്നത്. ആരെയും പ്രതിയാക്കാം എന്ന കേന്ദ്ര സർക്കാരിന്റെ ഇഷ്ടത്തിന് നിന്ന് കൊടുക്കുന്ന സർക്കാർ ആണ് കേരളത്തിലെ യുഡിഎഫ് സർക്കാരെന്നും എം വി ഗോവിന്ദൻ വിമർശിച്ചു.
Story Highlights : mv govindan against rss ed misuse
