അന്വേഷണം വാർത്തകൾ ലഭിക്കാന്‍ വാട്സാപ്പ് ഗ്രൂപ്പില്‍ ചേരൂ.ദിവസങ്ങളോളം വെക്കുന്നതിലൂടെ ചില ഭക്ഷ്യ വസ്തുക്കള്‍ക്ക് രാസമാററം സംഭവിച്ച്‌ ആരോഗ്യത്തിന് ഹാനികരമായി തീരാം. ചിലതില്‍ ബാക്ടീരിയകള്‍ വളരാം. അത് പിന്നീട് ഭക്ഷ്യ വിഷബാധയ്ക്ക് കാരണമാവും. അതിനാലാണ് ഭക്ഷ്യവസ്തുക്കള്‍ ഫ്രിഡ്ജില്‍ വെക്കുന്ന സമയ പരിധി അറിയണമെന്ന് നിഷ്ക്കര്‍ഷിക്കുന്നത്.
മാസം ,മത്സ്യം എന്നിവയും പാചകം ചെയ്യുന്നതിന് മുന്‍പ് നാം ശീതീകരിച്ചു സൂക്ഷിക്കാറുണ്ട് .ഇതില്‍ ഏറ്റവും ശ്രദ്ധ നല്‍കേണ്ടത് ഇറച്ചിയുടെ കാര്യത്തിലാണ്. സൂക്ഷിക്കുന്നതില്‍ എന്തെങ്കിലും പാകപ്പിഴവ സംഭവിച്ചാല്‍ ഭക്ഷ്യ വിഷബാധ ഉണ്ടാവും. ഇറച്ചി എത്രകാലം ശീതീകരിച്ചു സൂക്ഷിക്കാനാവുമെന്ന് നോക്കാം.
സോസേജുകൾ : സംസ്കരിക്കാത്ത സോസേജുകള്‍ ഒരു ദിവസത്തിനുള്ളിലും സംസ്കരിച്ചവ ഒരാഴ്ചയ്ക്കുള്ളിലും കഴിക്കണം. എന്നാല്‍ ഫ്രീസ് ചെയ്താണ് വെക്കുന്നതെങ്കില്‍ ഒരു വര്‍ഷം വരെ കേടാകാതിരിക്കും
ഹോട്ട് ഡോഗ്സ് : ഹോട്ട് ഡോഗ്സ് രണ്ടാഴ്ച്ചയോളം കേടു കൂടാതെ ഫ്രിഡ്ജില്‍ സൂക്ഷിക്കാം. ഫ്രീസറിലാണെങ്കില്‍ ഒരു മാസം വരെ വെക്കാന്‍ കഴിയും
ഗ്രൗണ്ട് മീറ്റ്‌ : പൗള്‍ട്രി പോര്‍ക്ക്‌, ഇളം മാംസം എന്നിവയാണ് ഗ്രൗണ്ട് മീറ്റില്‍ ഉള്‍പ്പെടുന്നത്. ഇവ കൂടിയാല്‍ രണ്ടു ദിവസം മാത്രമേ ഫ്രിഡ്ജില്‍ സൂക്ഷിക്കാന്‍ പാടുള്ളൂ. പാകം ചെയ്ത ശേഷമാണെങ്കില്‍ നാലു ദിവസം വരെ വെക്കാം.
റോ പൗള്‍ട്രി : ഇത് ഒരു ദിവസത്തില്‍ കൂടുതല്‍ ഫ്രിഡ്ജില്‍ സൂക്ഷിക്കാന്‍ പാടില്ല. എന്നാല്‍ സീറോ ഡിഗ്രിയില്‍ ഇവ ഒരു വര്‍ഷം വരെ ഫ്രീസ് ചെയ്ത് സൂക്ഷിക്കാവുന്നതാണ്
