അന്വേഷണം വാർത്തകൾ ലഭിക്കാന്‍ വാട്സാപ്പ് ഗ്രൂപ്പില്‍ ചേരൂ.‘സത്യം’, ‘ധന 51’ തുടങ്ങിയ ചിത്രങ്ങൾ സംവിധാനം ചെയ്ത തെലുങ്ക് ബാലതാരവും സംവിധായകനുമായ സൂര്യ കിരൺ ചെന്നൈയിലെ വസതിയിൽ അന്തരിച്ചു. 48 വയസ്സായിരുന്നു.
മഞ്ഞപ്പിത്തം ബാധിച്ച് തിങ്കളാഴ്ചയാണ് സൂര്യ മരണത്തിനു കീഴടങ്ങിയത്. ചെന്നൈയിലെ ജെഇഎം ആശുപത്രിയിൽ ചികിത്സയിലായിരുന്നു.
ബാലതാരമായാണ് കിരൺ സിനിമയിൽ അരങ്ങേറ്റം കുറിച്ചത്. ബാലതാരമായി ‘മൗനഗീതങ്ങൾ’, ‘പദുകതവൻ’ തുടങ്ങി 200-ലധികം സിനിമകളിൽ അദ്ദേഹം പ്രവർത്തിച്ചു. 2003ൽ ‘സത്യം’ എന്ന ചിത്രത്തിലൂടെയാണ് സൂര്യ സംവിധായകനായി അരങ്ങേറ്റം കുറിച്ചത്. സുമന്ത് അക്കിനേനിയും ജെനീലിയയുമാണ് ചിത്രത്തിൽ പ്രധാന കഥാപാത്രങ്ങളെ അവതരിപ്പിച്ചത്.
Director #SuryaKiran has passed away due to jaundice.
He directed telugu films, Satyam, Raju Bhai and a few others. He was also a former contestant on Biggboss Telugu.
Om Shanti. pic.twitter.com/CrDctCs9UZ
— Suresh PRO (@SureshPRO_) March 11, 2024
‘സത്യം’ അദ്ദേഹത്തിന് പെട്ടെന്ന് പ്രശസ്തിയും വിജയവും നൽകി. 2005ൽ സുമന്തിനൊപ്പം ‘ധന 51’ ചെയ്തു. അത് മാത്രമല്ല, ‘ബ്രഹ്മാസ്ത്രം’ (2006), ‘രാജു ഭായ്’ (2007), ‘ചാപ്റ്റർ 6’ (2010) തുടങ്ങിയ സിനിമകളും അദ്ദേഹം സംവിധാനം ചെയ്തു.
ഇതുകൂടാതെ തെലുങ്ക് റിയാലിറ്റി ടിവി ഷോയായ ‘ബിഗ് ബോസ് 4’ൽ പങ്കെടുത്തവരിൽ സുരേഷും ഉണ്ടായിരുന്നു. എലിമിനേറ്റ് ചെയ്യപ്പെടുന്ന ആദ്യ മത്സരാർത്ഥി അദ്ദേഹമായിരുന്നു എന്നതാണ് ശ്രദ്ധേയം.
Read More…….
- വെബ് സീരിസിലും ഒരു കൈ നോക്കാൻ മീന: ജിത്തു ജോസഫിന്റെ സീക്രട്ട് സ്റ്റോറീസ്
- തെന്നിന്ത്യ ഒട്ടാകെ മലയാള സിനിമ തരംഗം: റെക്കോർഡുകൾ തകർത്തു നൂറ് കോടി ക്ലബിൽ ‘പ്രേമലു’വും
- യഥാർത്ഥ മഞ്ഞുമ്മൽ ബോയ്സിൽ നടന്ന ഒരു സംഭവം ചിത്രത്തിൽ നിന്നും ഒഴിവാക്കി: വെളിപ്പെടുത്തലുമായി ചിദംബരം
- റിലീസ് ചെയ്‌ത്‌ ദിവസങ്ങൾക്കുള്ളിൽ ബോക്സ് ഓഫീസിൽ വമ്പൻ കളക്ഷൻ സ്വന്തമാക്കി ‘ശൈത്താൻ’
- ‘നെഞ്ചിലെ എൻ നെഞ്ചിലേ: ശ്രദ്ധനേടി ‘ഒരു കട്ടിൽ ഒരു മുറി’യിലെ പ്രണയഗാനം
കുറച്ച് വർഷങ്ങൾക്ക് മുൻപാണ് സൂര്യ കിരണും കല്യാണി കാവേരിയും വിവാഹമോചിതരായത്. അദ്ദേഹത്തിൻ്റെ ഇളയ സഹോദരി സുജാത ധനുഷും ദക്ഷിണ ചലച്ചിത്ര മേഖലയിൽ പ്രവർത്തിക്കുന്ന ഒരു അഭിനേതാവാണ്.
കല്യാണിയുമായുള്ള വിവാഹമോചനത്തിന് ശേഷം, അദ്ദേഹം സാമൂഹിക ഇടപെടലുകളിൽ നിന്ന് പിന്മാറുകയും ‘ബിഗ് ബോസ് 4’ ൽ എത്തുന്നതുവരെ പൊതുജനങ്ങളിൽ നിന്ന് വിട്ടുനിൽക്കുകയും ചെയ്തു. അടുത്തിടെ, അദ്ദേഹം തൻ്റെ സിനിമാ ജീവിതം പുനരാരംഭിക്കുകയും ഒരു യുട്യൂബ് അഭിമുഖത്തിൽ അത് ചർച്ച ചെയ്യുകയും ചെയ്തു.
ഹാസ്യനടനും നടനുമായ സപ്തഗിരിയുമായി സഹകരിക്കുന്നതിനെ കുറിച്ച് പരാമർശിച്ച അദ്ദേഹം തങ്ങളുടെ സിനിമ ഉടൻ തിയറ്ററുകളിലെത്തുമെന്നും പറഞ്ഞു.
വരലക്ഷ്മി ശരത്കുമാർ അവതരിപ്പിക്കുന്ന ‘അരസി’ എന്ന അദ്ദേഹത്തിൻ്റെ ഏറ്റവും പുതിയ ചിത്രം തിയേറ്ററുകളിൽ എത്താൻ ഒരുങ്ങുകയാണ്.
