‘ഗോവിന്ദൻ മാസ്റ്ററോട് പോയി സഹായം ചോദിക്കൂ ‘:അപ്പൂർവ്വരോഗം ബാധിച്ച കുഞ്ഞിന് സഹായം ചോദിച്ചെത്തിയ അമ്മയെ പരിഹസിച്ച് സുരേഷ് ഗോപി

Mar 2, 2024, 02:53 pm IST

അപൂർവ രോഗമുള്ള രണ്ടു വയസുകാരന് ചികിത്സാ സഹായം ചോദിച്ചെത്തിയ അമ്മയെയും കുഞ്ഞിനെയും നടനും ബിജെപി നേതാവുമായ സുരേഷ് ഗോപി അപമാനിച്ചതായി പരാതി. ചികിത്സക്കായി സഹായം അഭ്യർഥിച്ചപ്പോൾ കളിയാക്കി ‘ഗോവിന്ദൻ മാസ്റ്ററെ പോയി കാണൂ’ എന്നായിരുന്നു സുരേഷ് ഗോപിയുടെ മറുപടി.

കോയമ്പത്തൂരിൽ താമസിക്കുന്ന സിന്ധുവാണ് അപമാനിതയായത്. സുരേഷ്ഗോ ഗോപി ഗോവിന്ദൻ മാസ്റ്ററെ പോയി കാണാൻ പറഞ്ഞപ്പോൾ കളിയാക്കിയതാണെന്ന് മനസിലാകാതെ ക്ഷേത്ര നടയിലുണ്ടായിരുന്നവരോട് ആരാണ് ഗോവിന്ദൻ മാസ്റ്ററെന്ന് സിന്ധു തിരക്കി. പിന്നീട് ക്ഷേത്രത്തിൽ ഉണ്ടായിരുന്നവരാണ് കളിയാക്കിയതാണെന്ന് അവരെ പറഞ്ഞു മനസിലാക്കിയത്. ഇതോടെ ആൾക്കൂട്ടത്തിന് നടുവിൽ നിന്ന് കൈക്കുഞ്ഞുമായി സിന്ധു കരഞ്ഞു.

Read More :

സിന്ധുവിന്റെ മകൻ അശ്വിന് മാസ്റ്റോസൈറ്റോസിസ് എന്ന അപൂർവ രോഗമാണുള്ളത്. മകന് ചികിത്സക്കായി ആണ് സിന്ധു സഹായം അഭ്യർഥിച്ചത്. തമിഴ്നാട് സ്വദേശിനിയായ സിന്ധു കോടീശ്വരൻ സ്ഥിരമായി കാണുക വഴിയാണ് സുരേഷ് ഗോപിയെ അറിയുന്നത്. ഗുരുവായൂർ ക്ഷേത്രദർശനത്തിനിടെ സുരേഷ് ഗോപിയേയും സംഘത്തേയും കണ്ടപ്പോൾ രണ്ടു വയസ്സുള്ള മകൻ അശ്വിനേയും എടുത്ത് സഹായം ചോദിക്കുകയായിരുന്നു. ഒരു മാസം മരുന്നിന് മാത്രം 50,000 രൂപയോളം ചെലവ് വരുമെന്നാണ് സിന്ധു പറയുന്നത്.

അന്വേഷണം വാർത്തകൾ വാട്ട്സപ്പിൽ ലഭിക്കാൻ ഇവിടെ ക്ലിക്ക് ചെയ്യൂ

Web Desk

Mar 2, 2024, 02:53 pm IST