അന്വേഷണം വാർത്തകൾ ലഭിക്കാന്‍ വാട്സാപ്പ് ഗ്രൂപ്പില്‍ ചേരൂ.ഹൂസ്റ്റണ്‍ ∙ മുന്‍ പ്രസിഡന്റ് ജോ ബൈഡന്റെ ദാമ്പത്യ വിജയത്തിന്റെ കാരണമെന്താണ്? അത് തന്റെ വിജയകരമായ സെക്സ് ലൈഫ് ആണെന്നാണ് പ്രസിഡന്റിന്റെ പക്ഷം. അദ്ദേഹം തന്നെയാണ് തന്റെ ദാമ്പത്യ ജീവിതത്തിന്റെ വിജയത്തിന് പിന്നിലെ പ്രധാന കാരണം വെളിപ്പെടുത്തിയത്. കേറ്റി റോജേഴ്സിന്റെ വരാനിരിക്കുന്ന ‘അമേരിക്കന്‍ വുമണ്‍: ദി ട്രാന്‍സ്‌ഫോര്‍മേഷന്‍ ഓഫ് ദി മോഡേണ്‍ ഫസ്റ്റ് ലേഡി, ഹിലറി ക്ലിന്റണ്‍ ടു ജില്‍ ബൈഡന്‍’ എന്ന പുസ്തകത്തിലാണ് ബൈഡന്റെ വെളിപ്പെടുത്തല്‍.
ശാശ്വതമായ ബന്ധം ‘നല്ല ലൈംഗികത’യെ ആശ്രയിച്ചിരിക്കുന്നുവെന്ന് അദ്ദേഹം പറയുന്നു. എന്നാല്‍ ബൈഡന്റെ പരാമര്‍ശം അദ്ദേഹത്തിന്റെ ഭാര്യ ജില്‍ ബൈഡനെ പ്രകോപിപ്പിച്ചതായി റിപ്പോര്‍ട്ടുണ്ട്. ഡെയ്ലി മെയിലില്‍ ഏതാനും ഭാഗങ്ങള്‍ പ്രസിദ്ധീകരിച്ച റോജേഴ്സിന്റെ പുസ്തകത്തിലെ ഉള്ളടക്കം ഇതിനോടകം വലിയ ചര്‍ച്ചയായിരിക്കുകയാണ്. ന്യൂയോര്‍ക്ക് ടൈംസിലെ പരിചയസമ്പന്നനായ റിപ്പോര്‍ട്ടറാണ് റോജേഴ്‌സ്.
ജില്ലിനോടുള്ള വാത്സല്യത്തിന്റെ പൊതു പ്രകടനങ്ങള്‍ക്ക് പേരുകേട്ട ജോ ബൈഡന്‍, എയര്‍ഫോഴ്സ് വണ്ണില്‍ കയറുന്നതിന് മുമ്പുള്ള ചുംബനങ്ങള്‍ മുതല്‍ ഡേറ്റ് നൈറ്റ് ആസ്വദിക്കുന്നത് വരെയുള്ള പ്രണയത്തിന്റെ നിമിഷങ്ങള്‍ പതിവായി പങ്കിടുന്നു. ‘ജില്ലിന്റെ ഭര്‍ത്താവ്’ എന്നാണ് അദ്ദേഹം പലപ്പോഴും സ്വയം പരിചയപ്പെടുത്തുന്നത്.
2006-ല്‍, ഡെമോക്രാറ്റിക് നാമനിര്‍ദ്ദേശം സമര്‍പ്പിക്കുന്ന വേളയില്‍ രാഷ്ട്രീയ അഭിലാഷങ്ങളേക്കാള്‍ കുടുംബത്തിനും ദാമ്പത്യ ബന്ധത്തിനും മുന്‍ഗണന നല്‍കുന്ന ബൈഡനെയാണ് അമേരിക്ക കണ്ട്ത്. ‘കുട്ടികള്‍ ഉറങ്ങുമ്പോള്‍ എന്റെ ഭാര്യയെ സ്‌നേഹിച്ച് വീട്ടിലിരിക്കാനാണ് ഞാന്‍ ആഗ്രഹിക്കുന്നത് എന്നാണ് അന്ന് അദ്ദേഹം പറഞ്ഞത്. ബൈഡന്റെ രാഷ്ട്രീയ പ്രവര്‍ത്തനങ്ങളില്‍ അഹംഭാവപരമായ ഉദ്ദേശ്യങ്ങള്‍ ഇല്ലെന്നതിന്റെ തെളിവാണിതെന്ന് അദ്ദേഹത്തിന്റെ വക്താവ് പിന്നീട് വിശദീകരിച്ചു. അദ്ദേഹം ജില്ലുമായി പൂര്‍ണ്ണമായും പ്രണയത്തിലാണെന്നും ഇത് വ്യക്തമാക്കുന്നതായി അദ്ദേഹത്തിന്റെ വക്താവ് കൂട്ടിച്ചേര്‍ത്തു.
അതേസമയം ജോ ബൈഡന്റെ ‘നല്ല സെക്സ്’ കമന്റിനോട് നെറ്റിസണ്‍സ് വ്യത്യസ്തമായാണ് പ്രതികരിച്ചത്. ‘വീഴാതെ പടികള്‍ കയറാന്‍ കഴിയാത്ത ജോ ബൈഡന്‍, തന്റെ വിവാഹത്തിന്റെ രഹസ്യം ‘നല്ല ലൈംഗികത’ ആണെന്ന് പറയുന്നു. ശരിക്കും,” എക്സിലെ ഒരു ഉപയോക്താവ് പരിഹാസ രൂപേണ പറഞ്ഞു.
അന്വേഷണം വാർത്തകൾ വാട്ട്സപ്പിൽ ലഭിക്കാൻ ഇവിടെ ക്ലിക്ക് ചെയ്യൂ
