മുംബൈ: എൻ.സി.പി സ്ഥാപക നേതാവ് ശരദ് പവാർ പാർട്ടിയുടെ പുതിയ തെരഞ്ഞെടുപ്പ് ചിഹ്നം പ്രഖ്യാപിച്ചു. ‘കൊമ്പു വിളിക്കുന്ന മനുഷ്യൻ’ ആണ് ശരദ് പവാറിന്റെ ‘എൻ.സി.പി -ശരദ്ചന്ദ്ര പവാർ’ പാർട്ടിയുടെ ചിഹ്നം. മഹാരാഷ്ട്രയിലെ റായ്ഗഡ് കോട്ടയിൽ നടന്ന ചടങ്ങിൽ ശരദ് പവാർ പുതിയ ചിഹ്നം അനാവരണം ചെയ്തു. പുതിയ പോരാട്ടങ്ങൾക്കും ജനക്ഷേമം നിറവേറ്റുന്ന സർക്കാറിനും വേണ്ടി പാർട്ടി മുന്നിട്ടിറങ്ങുമെന്ന് ശരദ് പവാർ പറഞ്ഞു.