ഗോദ്സെയുടെ പാര്‍ട്ടി വിളിച്ചാല്‍ ഗാന്ധിയുടെ പാര്‍ട്ടിക്ക് ചാഞ്ചാട്ടം : ബിനോയ് വിശ്വം

കൽപറ്റ: ബി.ജെ.പിക്ക് ഒരു സീറ്റ് പോലും ഇല്ലാത്ത വയനാട്ടിൽ വന്നാണോ രാഹുൽ ഗാന്ധി രാഷ്ട്രീയ പോരാട്ടം നടത്തുന്നതെന്ന് സി.പി.ഐ സംസ്ഥാന സെക്രട്ടറി ബിനോയ് വിശ്വം. കൽപറ്റയിൽ മാധ്യമപ്രവർത്തകരോട് സംസാരിക്കുകയായിരുന്നു അദ്ദേഹം. പ്രധാന സമരകേന്ദ്രം കേരളമാണോ നോർത്ത് ഇന്ത്യയാണോയെന്നും മുഖ്യ എതിരാളി ഇടതുപക്ഷമാണോ ബി.ജെ.പിയാണോ എന്നും കോൺഗ്രസ് തീരുമാനിക്കണമെന്നും ബിനോയ് വിശ്വം ആവശ്യപ്പെട്ടു.