കോയമ്പത്തൂർ : ഗ്രാമീണ കാർഷിക പ്രവർത്തി പരിചയ മേളയുടെ ഭാഗമായി സിറുകളന്തയ് പഞ്ചായത്തിൽ അമൃത കാർഷിക കോളേജിലെ അവസാന വർഷ വിദ്യാർത്ഥികൾ നിരവധി ക്ലാസ്സ് നടത്തി. അതിന്റെ ഭാഗമായി പ്ലാന്റിക്സ് ആപ്പ് വിദ്യാർത്ഥികൾ കർഷകർക്ക് പരിചയപ്പെടുത്തി.
വിളകളുടെ പ്രശ്നങ്ങൾ കണ്ടുപിടിക്കുന്നതിനും, അവ പരിചരിക്കുന്നതിനും, ഉല്പാദനക്ഷമത മെച്ചപ്പെടുത്തുന്നതിനും, കൃഷിയെകുറിച്ചുള്ള അറിവ് പ്രദാനം ചെയ്യുന്നതിനും കർഷകരെ സഹായിക്കുന്നതാണ് പ്ലാന്റിക്സ്. കാർഷിക അനുഭവം മെച്ചപ്പെടുത്താനും, കാർഷിക ലക്ഷ്യങ്ങൾ കൈവരിക്കാനും ഇത് സഹായിക്കുന്നു.
Read more ….
ഈ ആപ്പ് ഉപയോഗിക്കുന്നത് കൊണ്ട് കൃഷിയിടത്തിലേക്ക് ഒരു പ്രൊഫഷണൽ വിദഗ്ദനെ വിളിക്കേണ്ടതില്ല. സൗജന്യ ആപ്പ് ആയതുകൊണ്ട് തന്നെ ഇത് സാധാരണക്കാരായ കർഷകർക്കും ഉപയോഗിക്കാം. കോളേജ് ഡീൻ ഡോ : സുധീഷ് മണലിന്റെ നേതൃത്വത്തിൽ വിദ്യാർത്ഥികളായ അബർണ,അലീന, ദേവി , ഗോകുൽ, കാവ്യാ,നന്ദന, സമിക്ഷ, അഭിരാമി, ആർദ്ര, ആതിര, ഹരി, കാശ്മീര, മരിയ,നമിത,രേഷ്മൻ എന്നിവർ ആണ് ക്ലാസ്സ് നയിച്ചത്