അന്വേഷണം വാർത്തകൾ ലഭിക്കാന്‍ വാട്സാപ്പ് ഗ്രൂപ്പില്‍ ചേരൂ.ഹാരിസ് കൗണ്ടി (ടെക്‌സസ്) ∙ വടക്കുകിഴക്കൻ ഹാരിസ് കൗണ്ടിയിലെ താമസസ്ഥലത്തേക്ക് അതിക്രമിച്ചുകയറിയെന്നു സംശയിക്കുന്ന യുവാവിനെ 14 വയസ്സുകാരൻ വെടിവെച്ചു കൊലപ്പെടുത്തി. ബ്രൗൺസ്‌വില്ലെ സ്ട്രീറ്റിലെ 14400 ബ്ലോക്കിൽ രാവിലെ 6:55 ഓടെയാണ് സംഭവമുണ്ടായത്. വീടിന്‍റെ മുൻവശത്ത് ഒരാളെ വെടിവച്ച് കൊന്ന സംഭവത്തിൽ അന്വേഷണം നടത്തിവരികയാണെന്ന് ഹാരിസ് കൗണ്ടി ഷെരീഫ് ഓഫിസ് അറിയിച്ചു.
5 മുതൽ 6 തവണ വരെ കുട്ടി വെടിയുതിർത്തതായിട്ടാണ് റിപ്പോർട്ടുകൾ. പരുക്കേറ്റയാൾ സംഭവസ്ഥലത്ത് തന്നെ മരിച്ചു. ഈ സമയം കുട്ടിയുടെ മാതാപിതാക്കളും സഹോദരങ്ങളും വീട്ടിലില്ലായിരുന്നു. വീട്ടിൽ അതിക്രമിച്ച് കയറി കവർച്ച നടത്തുന്ന വ്യക്തിയാണെന്ന് സംശയിച്ചാണ് കുട്ടി വെടിയുതിർത്ത് എന്നാണ് സൂചന. സംഭവത്തിൽ പൊലീസ് അന്വേഷണം പുരോഗമിക്കുകയാണ്.
അന്വേഷണം വാർത്തകൾ വാട്സാപ്പിൽ ലഭിക്കാൻ ഇവിടെ ക്ലിക്ക് ചെയ്യുക
