അന്വേഷണം വാർത്തകൾ ലഭിക്കാന്‍ വാട്സാപ്പ് ഗ്രൂപ്പില്‍ ചേരൂ.ഏതൊരു പേയ്മെന്റ് സംവിധാനത്തിലും OTP ഓതന്റിക്കേഷനാണ് ഉപയോഗിക്കാറുള്ളത്. നമ്മുടെ മൊബൈല്‍ ഫോണിലേക്ക് നാലക്ക ഒടിപി അയച്ചാണ് പണം ട്രാൻസ്ഫർ സ്ഥിരീകരിക്കുന്നത്. ഇത് വർഷങ്ങളായി RBI നടത്തിവരുന്ന പേയ്മെന്റ് സംവിധാനമാണ്. എന്നാല്‍ ഇതിലും മാറ്റം വരുത്താൻ റിസർവ് ബാങ്ക് ഓഫ് ഇന്ത്യ പദ്ധതിയിടുന്നു.
OTP ഓതന്റിക്കേഷൻ ഒഴിവാക്കുമോ?
ഒടിപി അഥവാ വണ്‍ ടൈം പാസ്സ്‌വേർഡാണ് ഇന്നത്തെ മികച്ച സുരക്ഷാ ഫീച്ചർ. ഈ ഒടിപി സംവിധാനത്തില്‍ മാറ്റം വരുത്താനാണ് ആർബിഐ തീരുമാനിച്ചിട്ടുള്ളത്. ഈ ആവശ്യം RBI രാജ്യത്തെ ബാങ്കുകളെ അറിയിക്കുകയും ചെയ്തു. ഇന്ത്യ ടുഡേ, ഇന്ത്യ ടിവി ന്യൂസ് എന്നിവരാണ് ഇതിനെ കുറിച്ച്‌ റിപ്പോർട്ട് ചെയ്തിട്ടുള്ളത്.
ഒടിപി സ്ഥിരീകരണം പരമ്പരാഗത എസ്‌എംഎസ് അടിസ്ഥാനമാക്കിയുള്ള സെക്കൻഡ് ഫാക്ടർ സിസ്റ്റമാണ്. ഇത് ഉപേക്ഷിച്ച്‌ കൂടുതല്‍ സുരക്ഷിതവും നൂതനവുമായ മാർഗം തേടാനാണ് സെൻട്രല്‍ ബാങ്ക് പദ്ധതിയിടുന്നത്.
ഫെബ്രുവരി 8 ന് ആർബിഐ തങ്ങളുടെ വെബ്‌സൈറ്റില്‍ ഡെവലപ്‌മെന്റ് ആന്റ് റെഗുലേറ്ററി പോളിസികളെ കുറിച്ച്‌ ഒരു പ്രസ്താവന പുറത്തിറക്കി. എന്നാല്‍ ഇത് സംബന്ധിച്ച്‌ ബാങ്ക് പുതിയ നിർദേശങ്ങള്‍ നല്‍കിയിട്ടില്ല.
OTP എന്ന വന്മരം വീഴുമോ?
നിലവില്‍ ഡിജിറ്റല്‍ സാമ്ബത്തിക ഇടപാടിനെല്ലാം ഒടിപി വേരിഫിക്കേഷനാണ് നടത്തുന്നത്. ഓണ്‍ലൈനിലെ തട്ടിപ്പുകള്‍ ഒഴിവാക്കാനാണ് ഇങ്ങനെ ഒടിപി ഉപയോഗിക്കുന്നത്. ഫിൻടെക് സ്ഥാപനമോ ബാങ്കോ സാധാരണയായി അക്കൗണ്ടുമായി ലിങ്ക് ചെയ്‌തിരിക്കുന്ന മൊബൈല്‍ നമ്ബറിലേക്കാണ് ഒടിപി വരുന്നത്.
ഇത് ഓതന്റിക്കേഷന്റെ ഒരു എക്സ്ട്രാ ഘടകമാണെന്ന് പറയാം. ഇങ്ങനെ ലഭിക്കുന്ന ഒടിപി നല്‍കി ബാങ്ക് അക്കൗണ്ടുകളുടെ സുരക്ഷ ഉറപ്പാക്കാം. ഒടിപി നല്‍കി കഴിഞ്ഞാല്‍ പേയ്മെന്റ് പൂർണമാകുന്നു.
എന്നാല്‍ മുതിർന്നവരെയും മറ്റും കബളിപ്പിക്കുന്നതിന് ഒടിപി ഓതന്റിക്കേഷൻ ഇരയാകാറുണ്ട്. ഈ സാഹചര്യത്തിലാണ് ഒടിപി സിസ്റ്റം ഒഴിവാക്കാൻ ആർബിഐ ആലോചിക്കുന്നതെന്നാണ് സൂചന.
പകരം ആര്?
എന്നാല്‍ ആധികാരികത ഉറപ്പാക്കുന്നതിനുള്ള പ്രക്രിയ പൂർണമായും ഒഴിവാക്കാൻ അധികൃതർ തയ്യാറല്ല. പകരം AFA പ്രക്രിയ ആക്ടീവാക്കാനാണ് ആർബിഐയുടെ പദ്ധതി. അഡീഷണല്‍ ഫാക്ടർ ഓഫ് ഓതന്റിഫിക്കേഷൻ എന്നാണ് AFA-യുടെ അർഥം.
എസ്‌എംഎസ് അടിസ്ഥാനമാക്കിയുള്ളതാണ് OTP പേയ്മെന്റ്. എന്നാല്‍ പുതിയ ടെക്നോളജികള്‍ ഒടിപിയ്ക്ക് പകരക്കാരായി ഇതിനകം ഉപയോഗിച്ചുതുടങ്ങി. അതായത് ഡിജിറ്റല്‍ സെക്യൂരിറ്റിയ്ക്കായി AePS സംവിധാനം ഉപയോഗിക്കുന്നതിന്റെ ആവശ്യകതയും ആർബിഐ എടുത്തുപറയുന്നു.
ആധാർ ഇനെബിള്‍ഡ് പേയ്മെന്റ് സിസ്റ്റത്തെയാണ് എഇപിഎസ് എന്ന് പറയുന്നത്. ആധാർ അടിസ്ഥാനമാക്കിയുള്ള പേയ്മെന്റ് സംവിധാനമാണിത്. ഓണ്‍ലൈൻ ഹാക്കിങ്ങും മറ്റ് അപകടങ്ങളും കുറയ്ക്കാൻ ഇത് സഹായിക്കും.
റൂട്ട് മൊബൈലിന്റെ ഏറ്റവും പുതിയ സംരംഭമായ OTP ലെസ് ഓതന്റിക്കേഷനും ഉപയോഗിക്കാം. ഉപയോക്താക്കളുടെ ഉപകരണങ്ങളുമായി നേരിട്ട് ഡാറ്റ കണക്ഷൻ സ്ഥാപിക്കുന്നതിന് ഈ സംവിധാനം ഉപകരിക്കും. കൂടാതെ ഉപയോക്താക്കളില്‍ നിന്ന് OTP ഇൻപുട്ട് ആവശ്യമില്ലാതെ തന്നെ തിരിച്ചറിയല്‍ സാധ്യമാകും. ഇതില്‍ പണം ട്രാൻസ്ഫർ പോലുള്ളവയും സുഗമമായിരിക്കും.
അന്വേഷണം വാർത്തകൾ വാട്സാപ്പിൽ ലഭിക്കാൻ ഇവിടെ ക്ലിക്ക് ചെയ്യുക
