അന്വേഷണം വാർത്തകൾ ലഭിക്കാന്‍ വാട്സാപ്പ് ഗ്രൂപ്പില്‍ ചേരൂ.ആരാധകർ ഏറെ പ്രതീക്ഷയോടെ കാത്തിരിക്കുന്ന ചിത്രമായ ‘ഭ്രമയുഗ’ത്തിന്റെ ഏറ്റവും പുതിയ വിവരങ്ങൾ പുറത്തുവിട്ടു. ഫെബ്രുവരി പതിനഞ്ചിനാണ്‌ ചിത്രം തിയറ്ററുകളിൽ എത്തുന്നത്.
റിലീസ് ചെയ്യുന്ന തിയറ്ററുകളുടെ എണ്ണത്തിൽ സർവ്വകാല റെക്കോർഡാണ് മമ്മൂട്ടി പ്രധാന വേഷത്തിൽ എത്തുന്ന ഭ്രമയുഗം നേടിയിരിക്കുന്നത്. ഓസ്ട്രേലിയയിലും ന്യൂസ്‌ലൻഡിലും ആദ്യം ദിനം തന്നെ ചിത്രം പ്രദർശനത്തിനെത്തുന്നു എന്നതാണ് ഏറ്റവും പുതിയ വിവരം.
ഓസ്ട്രേലിയയിൽ മാത്രം 42 തിയറ്ററുകളാണ് ഇതിനോടകം ചിത്രം ചാർട്ട് ചെയ്തുകഴിഞ്ഞിരിക്കുന്നത്.ഫെബ്രുവരി പതിനഞ്ചിന്റെ ആഗോള റിലീസ് സമയത്ത് അൻപതിലധികം തീയറ്ററുകളിൽ എങ്കിലും ഓസ്ട്രേലിയയിൽ ചിത്രം പ്രദർശിപ്പിക്കുമെന്നാണ് വിതരണക്കാർ ഉറപ്പ് പറയുന്നത്.
വമ്പൻ സിനിമകൾ പോലും പരമാവധി ആറോ എഴോ തീയറ്ററുകളിൽ റിലീസ് ചെയ്യുന്ന ന്യൂസീലൻഡിൽ ഇതിനോടകം പതിനേഴു തീയറ്ററുകൾ ചാർട്ട് ചെയ്യപ്പെട്ടു കഴിഞ്ഞത് ന്യൂസീലൻഡിലെ സിനിമ പ്രേക്ഷകരിലും ചിത്രത്തെക്കുറിച്ചു ആവേശം നിറച്ചിട്ടുണ്ട്.
ആദ്യ ദിനങ്ങളിൽ തന്നെ പ്രേക്ഷകർക്ക് ഈ ദൃശ്യവിസ്മയം പരമാവധി പ്രേക്ഷകരിലേക്ക് എത്തിക്കുകയാണ് തങ്ങളുടെ ലക്ഷ്യമെന്ന് സിനിമയുടെ വിതരണക്കാരായ സതേൺ സ്റ്റാർ ഇന്റർനാഷണൽ പറഞ്ഞു.
Read more……
. കെ.എസ്‌.ആര്‍.ടി.സിയിലെ പെൻഷൻ കുടിശ്ശിക രണ്ടാഴ്ചക്കകം നല്‍കുമെന്ന് സര്‍ക്കാര്‍ ഹൈക്കോടതിയിൽ
. ഗസ്സയിൽ വെടിനിർത്തൽ ചർച്ച പുരോഗമിക്കുന്നുവെന്ന് ജോ ബൈഡൻ
. ബിലാവൽ ഭൂട്ടോ പിന്മാറി; നവാസ് ശരീഫ് പാക് പ്രധാനമന്ത്രിയാകും
അതേസമയം ഓസ്ട്രേലിയയിലും ന്യൂസീലൻഡിലും മലയാളികളുള്ള സ്ഥലങ്ങളിൽ എല്ലാം ഭ്രമയുഗം പ്രദർശിപ്പിക്കുമെന്ന് മമ്മൂട്ടി ഫാൻസ്‌ ആൻഡ് വെൽഫയർ അസോസിയേഷൻ ഇന്റർനാഷണൽ ഓസ്ട്രേലിയ പ്രസിഡന്റ് മദനൻ ചെല്ലപ്പനും ന്യൂസീലൻഡ് പ്രസിഡന്റ് അരുൺ ബേബിയും പറഞ്ഞു.
അതേ സമയം ഓസ്ട്രേലയയിലെ നിരവധി പ്രമുഖ മലയാളി സംരംഭങ്ങളും മലയാളി സംഘടനകളും സിനിമക്ക്‌ പിന്തുണയുമായി എത്തിയിട്ടുണ്ട്. മെൽബൺ ആസ്ഥാനമായ ഫ്‌ളൈ വേൾഡ് ഇന്റർനാഷണൽ ഗ്രൂപ്പ്, ക്യാൻബറ ആസ്ഥാനമായ പ്രിന്റ് ആൻഡ് സൈൻ ഗ്രൂപ്പ്, സിഡ്‌നി ആസ്ഥാനമായ മെട്രോ മലയാളം, പെർത്ത് കേന്ദ്രീകരിച്ചു പ്രവർത്തിക്കുന്ന കേരള ന്യൂസ്‌, പെർത്ത് യുണൈറ്റഡ് മലയാളി അസോസിയേഷൻ, ടാസ്മാനിയ ആസ്ഥാനമായ ഹോബാർട്ട് മലയാളി അസോസിയേഷൻ, ഡാർവിൻ ആസ്ഥാനമായ ഡാർവിൻ മലയാളി അസോസിയേഷൻ തുടങ്ങിയ ഗ്രൂപ്പുകളും സംഘടനകളും സിനിമയുടെ പ്രചാരണവുമായി ബന്ധപ്പെട്ട് അതാത് സംസ്ഥാനങ്ങളിൽ സജീവമാണ്.
ക്യുൻസ്ലാൻഡ് ആസ്ഥാനമായി പ്രവർത്തിക്കുന്ന ഗോൾഡ് കോസ്റ്റ് ഇവന്റ്സ് എന്ന മലയാളി യുവജന സാംസ്‌കാരിക സംഘടനയും ദേശീയതലത്തിൽ സിനിമയുടെ പ്രചാരണം ഏറ്റെടുത്ത് സജീവമായി തന്നെ രംഗത്തുണ്ട്.
