അന്വേഷണം വാർത്തകൾ ലഭിക്കാന്‍ വാട്സാപ്പ് ഗ്രൂപ്പില്‍ ചേരൂ.പത്തനം തിട്ട: ശശികുമാര വര്‍മ്മ പുരോഗമന ആശയത്തിന്റെ വക്താവ് എന്ന് ദേവസ്വം മന്ത്രി കെ രാധാകൃഷ്ണന്‍. അന്തരിച്ച പന്തളം കൊട്ടാരം നിര്‍വാഹക സമിതി അംഗം ശശികുമാര വര്‍മ്മയ്ക്ക് ആദരാഞ്ജലി അര്‍പ്പിച്ച ശേഷം സംസാരിക്കുകയായിരുന്നു മന്ത്രി. ശബരിമല മണ്ഡല മകരവിളക്ക് കാലത്തും സജീവമായി തീര്‍ഥാടന ഒരുക്കങ്ങളില്‍ എല്ലാം അദ്ദേഹം പങ്കെടുത്തിരുന്നു. 1996 മുതല്‍ അദ്ദേഹത്തെ നേരിട്ട് അറിയാം. പാലോളി മുഹമ്മദ് കുട്ടി തദ്ദേശ സ്വയംഭരണവകുപ്പ് മന്ത്രി ആയിരുന്ന കാലത്ത് ശശികുമാരവര്‍മ അഡിഷണല്‍ പ്രൈവറ്റ് സെക്രട്ടറി ആയിരുന്നു.
അവിചാരിതമായുള്ള അദ്ദേഹത്തിന്റെ വിട്ടുപിരിയല്‍ ഏറെ ദുഃഖകരമാണ് എന്നും ആ ദുഃഖത്തില്‍ പങ്കാളികളാകുന്നു എന്നും മന്ത്രി പറഞ്ഞു.
എം എല്‍ എ മാരായ അഡ്വ. കെ യു ജനീഷ് കുമാര്‍, അഡ്വ.പ്രമോദ് നാരായണ്‍ , മുന്‍ എം എല്‍ എ എ. പദ്മകുമാര്‍, തുടങ്ങിയവര്‍ മന്ത്രിക്കൊപ്പം ആദരാഞ്ജലി അര്‍പ്പിച്ചു.
അന്വേഷണം വാർത്തകൾ വാട്സാപ്പിൽ ലഭിക്കാൻ ഇവിടെ ക്ലിക്ക് ചെയ്യുക
