നല്ല ആരോഗ്യത്തിനും ആയുസ്സിനുമായി ആഹാരത്തില്‍ ഉള്‍പ്പെടുത്തേണ്ട ഭക്ഷണങ്ങള്‍ എന്തെല്ലാമെന്ന് നോക്കാം.
1. ഓട്സ്
പെട്ടെന്ന് തയ്യാറാക്കാൻ പറ്റുന്ന ഒന്നാണ് ഓട്സ്. വിറ്റാമിന്‍ ബി, അയേണ്‍, ഫൈബര്‍, മഗ്നീഷ്യം, സിങ്ക്, സെലേനിയം എന്നിവയെല്ലാം ഇതിലൂടെ നമ്മുടെ ശരീരത്തിൽ എത്തുന്നു. അതിനാല്‍ രാവിലെ ആഹാരത്തില്‍ ഓട്സ് ഉള്‍പ്പെടുത്തുന്നത് നല്ലതാണ്.
2. മുട്ട
പ്രോട്ടീന്‍ റിച്ചായിട്ടുള്ള മുട്ട ആഹാരത്തില്‍ ചേര്‍ക്കുന്നത് വളരെ നല്ലതാണ്. രാവിലെതന്നെ മുട്ട പുഴുങ്ങി ഒന്നോ രണ്ടോ കഴിക്കുന്നത് ആരോഗ്യം നിലനിര്‍ത്താന്‍ സഹായിക്കുന്ന ഘടകമാണ്.
3. പച്ചക്കറി സാലഡുകള്‍
പ്രഭാത ഭക്ഷണത്തില്‍ നല്ല ഗുണമുള്ള പച്ചക്കറികള്‍ ഉപയോഗിച്ച് സാലഡ് തയ്യാറാക്കി കഴിക്കുന്നത് നല്ലതാണ്. സാലഡ് തയ്യാറാക്കുമ്പോള്‍ നല്ല പച്ചിലകളും അതുപോലെ, പോഷകങ്ങള്‍ അടങ്ങിയ പച്ചക്കറികളും ചേര്‍ക്കുന്നത് കൂടുതല്‍ ഗുണം നല്‍കും. പ്രത്യേകിച്ച് വിറ്റാമിന്‍സും പ്രോട്ടീനും അടങ്ങിയ പച്ചക്കറികള്‍ തിരഞ്ഞെടുക്കാം.
4. ധാന്യങ്ങള്‍
ഗോതമ്പ്, റാഗി എന്നിവയെല്ലാം ചേര്‍ത്ത് തയ്യാറാക്കുന്ന ഭക്ഷണങ്ങള്‍ കഴിക്കുന്നത് വളരെ നല്ലതാണ്. പ്രത്യേകിച്ച് ഇവ പൊടിക്കാതെ മുഴുവനോടെ ആഹാരത്തില്‍ ചേര്‍ക്കുകയാണെങ്കില്‍ കൂടുതല്‍ ഗുണം ലഭിക്കുന്നതായിരിക്കും. ഇതില്‍ ധാരാളം നാരുകളും കാര്‍ബ്‌സും അടങ്ങിയിരിക്കുന്നതിനാൽ വേഗത്തിൽ ദഹനം നടക്കുന്നതിനു സഹായിക്കും.
5. പഴങ്ങള്‍
പ്രഭാത ഭക്ഷണത്തില്‍ ചേര്‍ക്കാവുന്ന ഏറ്റവും നല്ല ചോയ്‌സുകളില്‍ ഒന്നാണ് പഴങ്ങള്‍. രാവിലെ തന്നെ വെറും വയറ്റില്‍ പഴങ്ങള്‍ കഴിച്ചാല്‍ പഴങ്ങളുടെ ഗുണങ്ങള്‍ പൂര്‍ണ്ണമായും ലഭിക്കും എന്നാണ് പറയുന്നത്. അതിനാല്‍ പഴങ്ങള്‍ രാവിലത്തെ ഭക്ഷണത്തില്‍ ചേര്‍ക്കുന്നത് നല്ല ആരോഗ്യം നേടിത്തരുന്നതിന് സഹായിക്കും.
6. ചിയ സീഡ്‌സ്
ചിയ സീഡ്‌സ് അടുപ്പിച്ച് കഴിച്ചാല്‍ നല്ല ആരോഗ്യം ലഭിക്കും. ഇതില്‍ ധാരാളം പ്രോട്ടീന്‍ കണ്ടന്റ് അടങ്ങിയിരിക്കുന്നതിനാല്‍ ഷേയ്ക്കിലും സ്മൂത്തിയിലും ചേര്‍ത്ത് കഴിക്കാവുന്നതാണ്.
അന്വേഷണം വാർത്തകൾ വാട്സാപ്പിൽ ലഭിക്കാൻ ഇവിടെ ക്ലിക്ക് ചെയ്യുക