അന്വേഷണം വാർത്തകൾ ലഭിക്കാന്‍ വാട്സാപ്പ് ഗ്രൂപ്പില്‍ ചേരൂ.അർജുൻ അശോകനും പുതുമുഖം മുബിൻ.എം. റാഫിയുമാണ് കേന്ദ്ര കഥാപാത്രങ്ങലായി എത്തുന്ന ചിത്രം ‘വൺസ് അപ്പോൺ എ ടൈം ഇൻ കൊച്ചി’ ചിത്രീകരണം പൂർത്തിയായി.
റാഫിയുടെ തിരക്കഥയിൽ നാദിർഷ ആണ് ചിത്രം സംവിധാനം ചെയ്യുന്നത്. കലന്തൂർ എൻ്റർടൈൻമെൻ്റിൻ്റെ ബാനറിൽ കലന്തൂർ ആണ് ഈ ചിത്രം നിർമ്മിക്കുന്നത്.
ഇക്കുറി ഗൗരവമുള്ള ഒരു വിഷയമായിട്ടാണ് നാദിർഷായും-റാഫിയും പ്രേക്ഷകരിലേക്കെത്തുന്നത്.ഇരുട്ടിൻ്റെ ലോകത്തിലൂടെയുള്ള സംഭവവികാസങ്ങളെകുറിച്ചാണ് ചിത്രം പറയുന്നത്. ഒരു ദിവസത്തിന് രാത്രിയും പകലുമുണ്ട്.
പകൽ പോലെ തന്നെ രാത്രിയിലും സജീവമാകുന്നവർ നമ്മുടെ സമൂഹത്തിലുണ്ട്. രാത്രിജീവിതം നയിക്കുന്നവർ പലതും കാണും. കേൾക്കും പക്ഷെ അതിൽ പലതും പുറത്തു പറയാൻ പറ്റാത്തതാകും അത്തരം ചില സംഭവങ്ങളിലേക്കാണ് ഈ ചിത്രം കടന്നു ചെല്ലുന്നത്.
ഞാൻ പ്രകാശൻ, മകൾ എന്നീ ചിത്രങ്ങളിലൂടെ ശ്രദ്ധേയയായ ദേവികസഞ്ജയ് ആണ് ചിത്രത്തിലെ നായിക. ഷൈൻ ടോം ചാക്കോ, ബൈജു സന്തോഷ്, ജോണി ആൻ്റണി, സുധീർ കരമന, ജാഫർ ഇടുക്കി, അശ്വത്ത് ലാൽ, വിശ്വജിത്ത്, ഡ്രാക്കുള സുധീർ, സമദ്, ഏലൂർ ജോർജ്, കലാഭവൻ റഹ്മാൻ, കലാഭവൻ ജിന്റോ, മാളവിക മേനോൻ, നേഹസക്സേന എന്നിവരും സിനിമയിൽ അഭിനയിക്കുന്നുണ്ട്.
READ MORE: ഫസ്റ്റ് നൈറ്റിൽ അടിപൊളി പണി വാങ്ങിച്ചു സ്വാസികയും പ്രേമും: വൈറലായി വീഡിയോ
ബി. കെ. ഹരിനാരായണന്റെ വരികൾക്ക് ഹിഷാം അബ്ദുൾ വഹാബ് ഈണം പകർന്നിരിക്കുന്നു. ഛായാഗ്രഹണം -ഷാജികുമാർ. എഡിറ്റിംഗ്‌ -ഷമീർ മുഹമ്മദ്. കലാസംവിധാനം – സന്തോഷ് രാമൻ. മേക്കപ്പ് -റോണക്സ് സേവ്യർ. കോസ്റ്റ്യൂം ഡിസൈൻ – അരുൺ മനോഹർ.
ചീഫ് അസോസിയേറ്റ് ഡയറക്ടർ ദീപക് നാരായണൻ. അസോസിയേറ്റ് ഡയറക്ടർ -വിജീഷ് പിള്ള. പ്രൊജക്റ്റ് ഡിസൈനർ – സൈലക്സ് എബ്രഹാം. പ്രൊഡക്ഷൻ മാനേജർ -ആന്റണി. പ്രൊഡക്ഷൻ എക്സിക്യൂട്ടീവ് -അപ്പു ഫഹദ്. പ്രൊഡക്ഷൻ കൺട്രോളർ -ശ്രീകുമാർ ചെന്നിത്തല. പി.ആർ.ഒ -വാഴൂർ ജോസ്
അന്വേഷണം വാർത്തകൾ വാട്ട്സപ്പിൽ ലഭിക്കാൻ ഇവിടെ ക്ലിക്ക് ചെയ്യൂ
