അന്വേഷണം വാർത്തകൾ ലഭിക്കാന്‍ വാട്സാപ്പ് ചാനലില്‍ ചേരൂ.ജിപിയുടെയും ഗോപികയുടെയും ഹൽദി ആഘോഷം കളർഫുൾ ആക്കി സുഹൃത്തുക്കൾ. നിരവധി താരസുഹൃത്തുക്കളാണ് ഇരുവരുടെയും ഹൽദി ആഘോഷങ്ങൾക്ക് ഭാഗമാകാൻ എത്തിയത്.
ചടങ്ങിന്റെയും ആഘോഷങ്ങളുടെയും ചിത്രങ്ങൾ ഇരുവരും സമൂഹ മാധ്യമങ്ങൾ വഴി പങ്കുവെച്ചിട്ടുണ്ട്. സ്വാസിക, മിയ, പൂജിത, ഷഫ്‌ന, കുക്കു തുടങ്ങിയ താരങ്ങളാണ് ഹൽദിയിൽ പങ്കെടുക്കാനെത്തിയത്.
ആരാധകർ കാത്തിരിക്കുന്ന ഗോപിക അനിലിന്റേയും ഗോവിന്ദ് പത്മസൂര്യയുടെയും വിവാഹം ജനുവരി 28നാണ്. വിവാഹ ആഘോഷങ്ങൾക്ക് ആദ്യം തുടക്കമിട്ടത് ഗോപികയാണ്.
വിവാഹത്തിനു ദിവസങ്ങൾ മാത്രം ശേഷിക്കെ കുടുംബത്തിനും ബന്ധുക്കൾക്കും സുഹൃത്തുക്കൾക്കും ഒപ്പമാണ് ബ്രൈഡ് ടു ബി ഗോപിക ആഘോഷമാക്കിയത്.
ഗോപികയുടെ അനിയത്തിയും നടിയുമായ കീർത്തന അനിലാണ് ഗോപികയുടെ ബ്രൈഡ് ടു ബി ആഘോഷങ്ങളുടെ ചിത്രങ്ങൾ സമൂഹ മാധ്യമത്തിൽ പങ്കുവെച്ചത് .
കുടുംബാഗങ്ങൾക്കും ബന്ധുക്കൾക്കും സുഹൃത്തുക്കൾക്കും ഒപ്പം കേക്ക് മുറിച്ചും പാർട്ടി നടത്തിയുമാണ് ഗോപിക ബ്രൈഡ് ടു ബി ആഘോഷിച്ചത്. സിൽവർ നിറത്തിലുള്ള ബോഡി കോൺ ഷിമറി ഡ്രസ്സായിരുന്നു ഗോപികയുടെ വേഷം.
മ്യൂസിക് വിഡിയോകളില്‍ അഭിനയിച്ച് കരിയര്‍ ആരംഭിച്ച ജിപി അവതാരകനായും നടനായും മലയാളികളുടെ ഇടയിൽ ശ്രദ്ധ നേടിയ താരമാണ്. ബാലതാരമായാണ്‌ ഗോപിക അഭിനയരംഗത്തേക്ക് എത്തുന്നത്.
അന്വേഷണം വാർത്തകൾ വാട്ട്സപ്പിൽ ലഭിക്കാൻ ഇവിടെ ക്ലിക്ക് ചെയ്യൂ
