അന്വേഷണം വാർത്തകൾ ലഭിക്കാന്‍ വാട്സാപ്പ് ഗ്രൂപ്പില്‍ ചേരൂ.ഇന്ന് നമ്മൾ തയാറാക്കുന്നത് എളുപ്പത്തിൽ ഉണ്ടാക്കാൻ പറ്റുന്ന ഒരു റെസിപ്പി ആണ്. ഇത് എവെനിംഗ് സ്നാക്ക് ആയോ ,കുട്ടികൾക്ക് ലഞ്ച് ബോക്സിൽ കൊടുത്തുവിടാനോ ഒക്കെ പറ്റുന്ന ഒരു റെസിപ്പി ആണ്. ദൂരയാത്ര ചെയ്യുന്നവർക്കൊക്കെ ഉപകാരമാവുന്ന ഇത് തയാറാക്കാനും എളുപ്പമാണ്.
ആവശ്യമായ ചേരുവകൾ
- വറുത്ത അരിപ്പൊടി – 1 കപ്പ്
- ഉപ്പ്
- തിളച്ച വെള്ളം – 1 അര കപ്പ്
- വെളിച്ചെണ്ണ – 2 ടേബിൾസ്പൂൺ
- ചിരകിയ തേങ്ങാ – 1 അര കപ്പ്
- വെളുത്തുള്ളി – 3,4 എണ്ണം
- മുളകുപൊടി – 1 അര ടീസ്പൂൺ
- കടുക് – അര ടീസ്പൂൺ
- വറ്റൽമുളക് – 2 എണ്ണം
- കറിവേപ്പില
തയ്യാറാക്കുന്ന വിധം
ആദ്യം തന്നെ വറുത്ത അരിപൊടിയുടെ കൂടെ ഉപ്പും തിളച്ച വെള്ളവും ചേർത്ത് പത്തിരിക്ക് കുഴക്കുന്ന പരുവത്തിൽ ആക്കിയെടുക്കുക. ആറിയ ശേഷം നന്നായി കുഴച്ചെടുക്കുക. അതിലേക്ക് കുറച്ചു വെളിച്ചെണ്ണയും കൂടെ ചേർത്ത് കുഴക്കണം .ഇതിലേക്ക് 3 ടേബിൾസ്പൂൺ തേങ്ങാ ഇട്ടുകൊടുക്കണം. എന്നിട്ടൊന്നും കൂടെ മിക്സ് ചെയ്യണം. ശേഷം ചെറിയ ഉരുളകൾ ആക്കി എടുക്കണം. അതൊന്നു ആവി കേറ്റി എടുക്കണം.
READ ALSO:മാവ് കുഴയ്ക്കാതെയും പരത്താതെയും 5 മിനിറ്റിൽ തയ്യാറാക്കാം നല്ല കിടിലൻ സോഫ്റ്റ് പൂരി !!
മിക്സിയുടെ ജാറിലേക്ക് ബാക്കി തേങ്ങയും , വെളുത്തുള്ളിയും ,ഒന്നര ടീസ്പൂൺ മുളകുപൊടി , ഉപ്പ് എന്നിവ ചേർത്ത് അടിച്ചെടുക്കുക. വെള്ളം ചേർക്കേണ്ട. അടുപ്പിൽ ഒരു ചീനച്ചട്ടി വെച്ച ലേശം എണ്ണ ഒഴിച്ച് കൊടുക്കുക . അതിലേക്ക് കടുകും ,വറ്റൽ മുളകും ചേർക്കുക. ശേഷം നേരത്തെ അരച്ച് വെച്ച തേങ്ങയും ,ആവികെട്ടിയ ഉണ്ടയും ഘട്ടം ഘട്ടമായി ചേർത്ത് കൊടുത്തു തീ ഓഫ് ചെയ്യുക .ശേഷം നല്ലപോലെ ഇളക്കി കൊടുക്കണം. നമ്മുടെ പലഹാരം തയ്യാർ.
https://www.youtube.com/watch?v=ZwTRIAcB0wg
കടപ്പാട്: ചിക്കൂസ് ഡൈൻ യൂട്യൂബ്
അന്വേഷണം വാർത്തകൾ വാട്സ്ആപ്പിലൂടെ ലഭിക്കാൻ ക്ലിക്ക് ചെയ്യു
