അന്വേഷണം വാർത്തകൾ ലഭിക്കാന്‍ വാട്സാപ്പ് ഗ്രൂപ്പില്‍ ചേരൂ.കൊച്ചി: എറണാകുളം തൃപ്പൂണിത്തുറയിൽ നാലംഗ സംഘം തോക്ക് ചൂണ്ടി ഭീഷണിപ്പെടുത്തിയെന്ന് പരാതി. അപ്പാർട്ട്മെന്റിലെ താമസക്കാരനെയാണ് തോക്ക് ചൂണ്ടി ഭീഷണിപ്പെടുത്തിയത്. സിബിഐ ഉദ്യോഗസ്ഥർ ആണെന്ന് പറഞ്ഞായിരുന്നു സംഘം അപ്പാർട്ട്‌മെന്റിൽ എത്തിയത്.
ഇന്ന് വൈകീട്ടാണ് സംഭവം. ഇരുമ്പനത്തുള്ള വാലി ഹൈറ്റ്‌സ് എന്ന അപ്പാർട്ട്‌മെന്റിൽ എത്തിയ നാലംഗ സംഘം സുരക്ഷാ ജീവനക്കാരനോട് ഇവിടെ താമസിക്കുന്ന രാമകൃഷ്ണനെ കുറിച്ച് അന്വേഷിക്കുകയും വിളിക്കാൻ ആവശ്യപ്പെടുകയുമായിരുന്നു. ഇദ്ദേഹം താഴെയെത്തിയതോടെ വാക്കുതർക്കത്തിലേർപ്പെട്ട സംഘം തങ്ങൾ സിബിഐ അംഗങ്ങളാണെന്ന് പറയുകയുമായിരുന്നു.
read also….കുന്നംകുളത്ത് സഹോദരിമാർ പാറക്കുളത്തിൽ വീണ് മരിച്ചു
സംശയം തോന്നിയ രാമകൃഷ്ണൻ ഇവരെത്തിയ വാഹനത്തിന്റെ താക്കോൽ പിടിച്ചുവാങ്ങിയപ്പോഴാണ് തോക്ക് ചൂണ്ടി ഭീഷണിപ്പെടുത്തിയത്. സമീപത്തുണ്ടായിരുന്നവരെയും സംഘം ഭീഷണിപ്പെടുത്തി.സംഭവത്തിൽ രാമകൃഷ്ണൻ ഹിൽപാലസ് പൊലീസ് സ്റ്റേഷനിൽ പരാതി നൽകി. അന്വേഷണം ആരംഭിച്ച പൊലീസ് സംഭവത്തിൽ ദുരൂഹതയുണ്ടെന്നും വ്യക്താക്കി.
അന്വേഷണം വാർത്തകൾ വാട്സ്ആപ്പിലൂടെ ലഭിക്കാൻ ക്ലിക്ക് ചെയ്യു
