മാങ്ങാ ചമ്മന്തി കൂട്ടി കഞ്ഞി കുടിച്ചാലോ

രാവിലെ മുതലുള്ള   നെട്ടോട്ടങ്ങൾ കഴിഞ്ഞു  വീട്ടിൽ വരുമ്പോൾ ചൂടുകഞ്ഞിയും രുചിയൂറും മാങ്ങാച്ചമ്മന്തിയുമാണെങ്കിലോ.വീട്ടിൽ തന്നെ വളരെ എളുപ്പത്തിൽ തയാറാക്കാൻ കഴിയുന്നതാണ് ഈ മാങ്ങാച്ചമ്മന്തി.

ചേരുവകൾ

.മാങ്ങ- ഒന്ന്

.പച്ചമുളക്- 5

.തേങ്ങ – പകുതി ചിരവിയത്

.ഇഞ്ചി -ചെറിയ കഷണം

.ചുവന്നുള്ളി – 3 അല്ലി

.വേപ്പില – 2 തണ്ട്

.ഉപ്പ് – ആവശ്യത്തിന്

തയ്യാറാക്കുന്ന വിധം

മാങ്ങ നന്നായി വൃത്തിയാക്കി തൊലി ചെത്തി ചെറുതായി അരിയുക. ഇതിലേക്ക് ആവശ്യത്തിന് ഉപ്പ് ചേർത്ത് ഇഞ്ചിയും ചുവന്നുള്ളിയും പച്ചമുളകും യോജിപ്പിച്ച് ഇടിച്ചെടുത്ത ശേഷം തേങ്ങ ചേർത്ത് മയത്തില് അരക്കുക. മാങ്ങ ചമ്മന്തി തയ്യാർ.