അന്വേഷണം വാർത്തകൾ ലഭിക്കാന്‍ വാട്സാപ്പ് ഗ്രൂപ്പില്‍ ചേരൂ.കാഞ്ഞങ്ങാട്:ജില്ലാ ലൈബ്രറി കൗൺസിൽ കുട്ടികൾക്കായി നടത്തിയ സർഗോത്സവത്തിൽ ഹൊസ്ദുർഗ് താലൂക്ക് 232 പോയന്റ് നേടി ഓവറോൾ ചാമ്പ്യൻമാരായി.218 പോയിന്റ് നേടി കാസർകോട് താലൂക്കിന് രണ്ടാം സ്ഥാനം ലഭിച്ചു. പത്തിനങ്ങളിലായിരുന്നു മത്സരം.നാല്‌ താലൂക്കുകളിൽ നിന്നായി 300 പേർ മത്സരിച്ചു.
മേലാങ്കോട് എ.സി. കണ്ണൻ നായർ സ്മാരക ഗവ. യു.പി. സ്‌കൂളിൽ കാഞ്ഞങ്ങാട് നഗരസഭാധ്യക്ഷ കെ.വി. സുജാത ഉദ്ഘാടനം ചെയ്തു.നടി അനു ജോസഫ് മുഖ്യാതിഥിയായി. ജില്ലാ ലൈബ്രറി കൗൺസിൽ പ്രസിഡന്റ് കെ.വി. കുഞ്ഞിരാമൻ അധ്യക്ഷനായി.
സ്വാഗതസംഘം ചെയർമാൻ എം. രാഘവൻ, പി. വേണുഗോപാലൻ, ജി. ജയൻ, പപ്പൻ കുട്ടമത്ത് എന്നിവർ സംസാരിച്ചു. സമാപന സമ്മേളനത്തിൽ എഴുത്തുകാരൻ പി.വി.കെ. പനയാൽ സമ്മാനദാനം നടത്തി. അഡ്വ. പി അപ്പുക്കുട്ടൻ അധ്യക്ഷനായി.
ജില്ലാ ലൈബ്രറി കൗൺസിൽ സെക്രട്ടറി ഡോ. പി. പ്രഭാകരൻ, ടി. രാജൻ, വി. ചന്ദ്രൻ, എ.ആർ. സോമൻ, ഡി. കമലാക്ഷ, പ്രൊഫ. വി. കരുണാകരൻ എന്നിവർ സംസാരിച്ചു.
