മ​ക്ക​യി​ലേ​ക്കുള്ള പാതയിൽ ക​ർ​ണാ​ട​ക​യി​ൽനി​ന്നൊ​രു യു​വാ​വ്

റി​യാ​ദ്​: ഉ​മ്മ​യു​ടെ ആ​ഗ്ര​ഹ​മാ​യി​രു​ന്നു, മ​ക​ൻ മ​ക്ക​യി​ലെ​ത്തി ഉം​റ​യും ഹ​ജ്ജും നി​ർ​വ​ഹി​ക്ക​ണം. ക​ഷ്​​ട​ത​ക​ളും​ വൈ​ഷ​മ്യ​ങ്ങ​ളും താ​ണ്ടി കാ​ൽ​ന​ട​യാ​യി ത​ന്നെ പോ​യി നി​ർ​വ​ഹി​ക്ക​ണം. കേ​ട്ട​പ്പോ​ൾ യു​വ​ത്വ​ത്തി​​ന്റെ പ്ര​സ​രി​പ്പി​ലാ​യ മ​ക​നും മ​റ്റൊ​ര​ഭി​പ്രാ​യ​മു​ണ്ടാ​യി​ല്ല. പു​ണ്യ​ഭൂ​മി​യി​ലേ​ക്ക്​ ന​ട​ക്ക​ണ​മെ​ന്ന​ത്​ അ​വ​ന്റെ​യും അ​ഭി​ലാ​ഷ​മാ​യി​രു​ന്നു.

ഉ​മ്മ​യു​ടെ​ ആ​ഗ്ര​ഹ​വു​മ​റി​ഞ്ഞ​​പ്പോ​ൾ സ​ന്തോ​ഷ​വും ആ​വേ​ശ​വു​മാ​യി. പി​ന്നെ വൈ​കാ​തെ ദൃ​ഢ​നി​ശ്ച​യ​മെ​ടു​ത്തു, ആ​യി​രം കാ​ത​ങ്ങ​ൾ താ​ണ്ടി വൈ​ത​ര​ണി​ക​ൾ ക​ട​ന്ന്​ പു​ണ്യ​ഭൂ​മി​യി​ലെ​ത്തി ഹ​ജ്ജും ഉം​റ​യും നി​ർ​വ​ഹി​ച്ച്​ ത​നി​ക്കും ഉ​മ്മ​ക്കും വേ​ണ്ടി തീ​ർ​ഥാ​ട​ന പു​ണ്യം നേ​ടും. ദൃ​ഢ​നി​ശ്ച​യ​ത്തി​​ന്റെ ബ​ല​ത്തി​ൽ ന​ട​ത്തം തു​ട​ങ്ങി​യി​ട്ട്​ ഒ​രു വ​ർ​ഷ​മാ​കു​ന്നു.

നൗ​ഷാ​ദ്​ എ​ന്നാ​ണ്​​ ആ ​മ​ക​​ന്റെ പേ​ര്. ഇ​പ്പോ​ൾ വ​യ​സ്സ്​ 25. ക​ർ​ണാ​ട​ക സ്വ​ദേ​ശി​യാ​ണ്. ഉ​മ്മ ന​ഫീ​സ​യു​ടെ പ്രാ​ർ​ഥ​ന ഊ​ർ​ജ​മാ​ക്കി ക​ഴി​ഞ്ഞ ജ​നു​വ​രി 30ന്​ ​ദ​ക്ഷി​ണ ക​ന്ന​ഡ​യി​ലെ മം​ഗ​ളൂ​രു പു​ത്തൂ​ർ പെ​രി​യ​ടു​ക്ക ഉ​പ്പി​ന​ങ്ങാ​ടി​യെ​ന്ന സ്വ​ന്തം നാ​ട്ടി​ൽ​നി​ന്ന്​ ന​ട​ത്തം ആ​രം​ഭി​ച്ചു. മ​ക്ക​യി​ലേ​ക്ക്​ ആ​കെ​യു​ള്ള 8,000ത്തോ​ളം കി​ലോ​മീ​റ്റ​റി​ൽ 6500ഉം ​പി​ന്നി​ട്ട്​ ഡി​സം​ബ​ർ 21ന്​ ​റി​യാ​ദി​ലെ​ത്തി. ഇ​നി​യു​ള്ള​ത്​ ​1500ഓ​ളം കി​ലോ​മീ​റ്റ​റാ​ണ്. വ​ലി​യ ക​ട​മ്പ​ക​ൾ നി​യ​മ രൂ​പ​ത്തി​ൽ മു​ന്നി​ൽ നി​ൽ​ക്കു​ന്നു. അ​ത്​ മ​റി​ക​ട​ക്കാ​നാ​വി​ല്ലേ എ​ന്ന ആ​ശ​ങ്ക​യാ​ണ് അ​ല​ട്ടു​ന്ന​ത്​.

ര​ണ്ടു​വ​ർ​ഷം മു​മ്പ് ഇ​തു​പോ​ലൊ​രു ശ്ര​മം പ​രാ​ജ​യ​പ്പെ​ട്ടി​രു​ന്നു. ​2021 ആ​ഗ​സ്​​റ്റി​ൽ യാ​ത്ര പു​റ​പ്പെ​ട്ടു. മൂ​ന്ന​ര​മാ​സം കൊ​ണ്ട്​ ന​ട​ന്ന്​ ക​ശ്​​മീ​രി​ലെ​ത്തി. അ​വി​ടെ ത​ട​സ്സ​മാ​യ​ത്​ പാ​കി​സ്​​താ​നി​ലേ​ക്കുള്ള വി​സ​യാ​യി​രു​ന്നു. ര​ണ്ടു​മാ​സം അ​വി​ടെ ത​ങ്ങിയെങ്കി​ലും നി​രാ​ശ​യാ​യി​രു​ന്നു ഫ​ലം. ഡി​സം​ബ​റി​ൽ തി​രി​ച്ചു​പോ​ന്നു.

മ​ല​യാ​ളി​യാ​യ ശി​ഹാ​ബ്​ ചോ​റ്റൂ​രി​​ന്റെ ഹ​ജ്ജ്​ യാ​ത്ര​യെ കു​റി​ച്ച്​ അ​റി​ഞ്ഞ​ത്. അ​ടു​ത്ത യാ​ത്രക്കുള്ള പ്രേ​ര​ണ​യാ​യി. 2023 ജ​നു​വ​രി 30ന്​ ​യാ​ത്ര പു​റ​പ്പെ​ട്ട്​ ജൂ​ലൈ​യി​ൽ ഡ​ൽ​ഹി​യി​ലെ പാ​ക്​​സി​താ​ൻ എം​ബ​സി​യി​ലെ​ത്തി. ര​ണ്ട​ര മാ​സം കൊണ്ട് വി​സ കി​ട്ടി. പ​ഞ്ചാ​ബി​ലൂ​ടെ വാ​ഗ അ​തി​ർ​ത്തി വ​ഴി ഓ​ക്​​ടോ​ബ​റി​ൽ പാ​കി​സ്​​താ​നി​ലേ​ക്ക്​. മൂ​ന്നു ദി​വ​സ വി​സ​യാ​ണ്​ ന​ൽ​കി​യ​ത്. ആ ​സ​മ​യ​ത്തി​നു​ള്ളി​ൽ രാ​ജ്യാ​തി​ർ​ത്തി ക​ട​ക്ക​​െമന്ന കാ​ര​ണം കൊ​ണ്ട്​ ലാ​ഹോ​റി​ൽ​നി​ന്ന് വി​മാ​ന​ത്തി​ൽ മ​സ്​​ക​ത്തി​ലാ​ണ്​ ഇ​റ​ങ്ങി​യ​ത്.​കാ​ൽ​ന​ട​യാ​യി ഹ​ത്ത അ​തി​ർ​ത്തി​യി​ലൂ​ടെ​ യു.​എ.​ഇ​യി​ലേ​ക്ക്​ അ​വി​ടെ എ​ല്ലാ എ​മി​റേ​റ്റു​ക​ളി​ലും പോ​യി. ശേ​ഷം ഡി​സം​ബ​ർ എ​ട്ടി​ന്​ ബ​ത്​​ഹ അ​തി​ർ​ത്തി വ​ഴി സൗ​ദി ​അ​റേ​ബ്യ​യി​ലേ​ക്കെ​ത്തി. തു​ട​ർ​ന്ന്​ അ​ൽ​അ​ഹ്​​സ വ​ഴി ഡി​സം​ബ​ർ 21ന്​ ​റി​യാ​ദി​ലെ​ത്തി.

ഇ​വി​ടെ നേ​രി​ടു​ന്ന പ്ര​തി​സ​ന്ധി ഹ​ജ്ജി​നു​ള്ള അ​നു​മ​തി​യാ​ണ്. ഇ​പ്പോ​ൾ സൗ​ദി​യി​​ലെ​ത്തി​യി​രി​ക്കു​ന്ന​ത്​ മൂ​ന്നു​മാ​സ കാ​ലാ​വ​ധി​യു​ള്ള ഉം​റ വി​സ​യി​ലാ​ണ്. മ​ക്ക​യി​ലെ​ത്തി ഉം​റ നി​ർ​വ​ഹി​ക്കാ​നാ​വും. എ​ന്നാ​ൽ, ഹ​ജ്ജി​നു​ള്ള അ​നു​മ​തി കി​ട്ടു​മോ എ​ന്ന​ത്​ ചെ​റു​ത​ല്ലാ​ത്ത പ്ര​തി​സ​ന്ധി​യാ​ണ്. കൂ​ടാ​തെ സൗ​ദി യാ​ത്ര തു​ട​ര​ണ​മെ​ങ്കി​ൽ പൊ​ലീ​സ് സു​ര​ക്ഷ ഉ​റ​പ്പു​വ​രു​ത്ത​ണം. അ​വ​രു​ടെ അ​നു​മ​തി പ​ത്രം (ത​സ്​​രീ​ഹ്) വേ​ണം. അ​ൽ​അ​ഹ്​​സ​യി​ൽ​നി​ന്ന്​ റി​യാ​ദി​ലേ​ക്കു​ള്ള വ​ഴി​മ​ധ്യേ പൊ​ലീ​സ്​ ഇ​ക്കാ​ര്യം ആ​വ​ശ്യ​പ്പെ​ട്ടി​രു​ന്നു.

റി​യാ​ദിലേ​ക്ക്​ ക​ട​ക്കു​ന്ന​തി​ന്​ മു​മ്പ്​ 40 കി.​മീ. പൊ​ലീ​സ്​ എ​സ്​​കോ​ർ​ട്ട്​ ന​ൽ​കി​യി​രു​ന്നു. ഹ​ജ്ജ്​ അ​നു​മ​തി​ക്കും പൊ​ലീ​സ്​ സു​ര​ക്ഷ​ക്കും വേ​ണ്ടി ഇ​ന്ത്യ​ൻ എം​ബ​സി വ​ഴി റി​യാ​ദ്​ ഗ​വ​ർ​ണ​റേ​റ്റി​ലും പൊ​ലീ​സ്​ മേ​ധാ​വി​ക്കും അ​പേ​ക്ഷ ന​ൽ​കി​യി​ട്ടു​ണ്ട്. യാ​ത്ര​യു​ടെ തു​ട​ക്ക​ത്തി​ൽ​ത​ന്നെ ക​ർ​ണാ​ട​ക സ്​​പീ​ക്ക​ർ യു.​ടി. ഖാ​ദ​റി​​​ന്റെ പി​ന്തു​ണ ല​ഭി​ച്ചി​രു​ന്നു.

റി​യാ​ദി​ൽ ക​ർ​ണാ​ട​ക എ​ൻ.​ആ​ർ.​ഐ ഫോ​റം പ്ര​സി​ഡ​ൻ​റ്​ സ​ന്തോ​ഷ്​ ഷെ​ട്ടി താ​മ​സ​മെ​ാരു​ക്കി ഒ​പ്പ​മു​ണ്ട്. ശി​ഹാ​ബ്​ കൊ​ട്ടു​കാ​ട്, അ​ഷ്​​റ​ഫ്, ലൈ​ജു, സ​ൽ​മാ​ൻ നൂ​ർ, പ്ര​സ​ന്ന റാ​വു, മു​ഹ​മ്മ​ദ്​ സ​മീ​ഉ​ദ്ദീ​ൻ, മു​ഹ​മ്മ​ദ്​ ഷാ​ഹി​ദ്​ ഉ​ൾ​പ്പെ​ടെ​യു​ള്ള സാ​മൂ​ഹി​ക​പ്ര​വ​ർ​ത്ത​ക​രും സൗ​ദി അ​റേ​ബ്യ​ൻ തെ​ലു​ങ്ക്​ അ​സോ​സി​യേ​ഷ​ൻ, ക​ർ​ണാ​ട​ക ക​ൾ​ച്ച​റ​ൽ ഫൗ​ണ്ടേ​ഷ​ൻ, ഐ.​സി.​എ​ഫ് തു​ട​ങ്ങി​യ സം​ഘ​ട​ന​ക​ളും പി​ന്തു​ണ​യു​മാ​യി ഒ​പ്പ​മു​ണ്ട്. ക​ഴി​ഞ്ഞ​ദി​വ​സം റി​യാ​ദി​ലെ ഇ​ന്ത്യ​ൻ എം​ബ​സി സ​ന്ദ​ർ​ശി​ച്ചി​രു​ന്നു. സാ​മൂ​ഹി​ക​ക്ഷേ​മ വി​ഭാ​ഗം മേ​ധാ​വി മോ​യി​ൻ അ​ക്ത​റി​​ന്റെ നേ​തൃ​ത്വ​ത്തി​ൽ ഊ​ഷ്​​മ​ള സ്വീ​ക​ര​ണ​മാ​ണ്​ ല​ഭി​ച്ച​ത്.

വൈ​കാ​തെ റി​യാ​ദി​ൽ​നി​ന്ന്​ ബു​റൈ​ദ വ​ഴി മ​ദീ​ന സ​ന്ദ​ർ​ശ​നം പൂ​ർ​ത്തി​യാ​ക്കി മ​ക്ക​യി​ലെ​ത്തി ഉം​റ നി​ർ​വ​ഹി​ക്കും. അ​പ്പോ​ഴേ​ക്കും ഹ​ജ്ജി​നു​ള്ള അ​നു​മ​തി തീ​രു​മാ​ന​മാ​കു​മെ​ന്നാ​ണ്​ പ്ര​തീ​ക്ഷ. ഇ​തി​നി​ടെ ഒ​രു ദു​ര​നു​ഭ​വം നേ​രി​ട്ടു. റി​യാ​ദി​ലെ​ത്തി​യ ശേ​ഷം ആ​ദ്യം താ​മ​സി​ച്ച​ത്​ മ​ല​സി​ലു​ള്ള നാ​ട്ടു​കാ​ര​ൻ റ​ഊ​ഫി​​ന്റെ മു​റി​യി​ലാ​ണ്. രാ​ത്രി പ​ള്ളി​യി​ൽ പോ​യി വ​രു​​മ്പോ​ൾ സ്​​കൂ​ട്ട​റി​ലെ​ത്തി​യ അ​ജ്ഞാ​ത​സം​ഘം ര​ണ്ട്​ ഫോ​ണു​ക​ളും 2,000 റി​യാ​ലും പി​ടി​ച്ചു​പ​റി​ച്ചു. റി​യാ​ദി​ലു​ള്ള​വ​ർ സ​ഹാ​യി​ച്ച​ത്​ കൊ​ണ്ട്​ പു​തി​യ ഫോ​ൺ വാ​ങ്ങാ​നാ​യി. നൗ​ഷാ​ദ്​ മം​ഗ​ളൂ​രു​വി​ൽ​ ഒ​രു ഗി​ഫ്​​റ്റ്​ ഷോ​പ്പ്​ ന​ട​ത്തു​ക​യാ​ണ്. അ​നു​ജ​നെ ഏ​ൽ​പി​ച്ചി​ട്ടാ​ണ്​ യാ​ത്ര​ക്കി​റ​ങ്ങി​യ​ത്. മു​ഹ​മ്മ​ദ് എ​ന്നാ​ണ്​ ഉ​പ്പ​യു​ടെ പേ​ര്​. അ​ഞ്ച്​ സ​ഹോ​ദ​ര​ങ്ങ​ളു​ണ്ട്.

അന്വേഷണം വാർത്തകൾ വാട്സ്ആപ്പിലൂടെ ലഭിക്കാൻ ക്ലിക്ക് ചെയ്യു