അന്വേഷണം വാർത്തകൾ ലഭിക്കാന്‍ വാട്സാപ്പ് ഗ്രൂപ്പില്‍ ചേരൂ.Largecap Multibaggers: നിക്ഷേപകർക്ക് കഴിഞ്ഞ 1 വർഷത്തിൽ 221% വരെ മൾട്ടിബാഗർ (Multibagger) നേട്ടം നൽകിയിട്ടുള്ള, 130 രൂപയിൽ താഴെ വിലയുള്ള 2 ലാർജ്ക്യാപ് ഓഹരികളുടെ (Largecap Stocks) വിവരങ്ങളാണ് നൽകിയിരിക്കുന്നത്. ഇന്ത്യൻ റെയിൽവെ ഫിനാൻസ് കോർപ്പറേഷൻ (Indian Railway Finance Corporation -IRFC), സൊമാറ്റോ (Zomato) എന്നിവയാണ് ഓഹരികൾ
ഇന്ത്യൻ റെയിൽവെ ഫിനാൻസ് കോർപ്പറേഷൻ
(Indian Railway Finance Corporation -IRFC) കേന്ദ്ര റെയിൽവെ മന്ത്രാലയത്തിന്റെ സാമ്പത്തിക കാര്യങ്ങൾ കൈകാര്യം ചെയ്യുന്ന, സ്പെഷ്യലൈസ്ഡ് ഫിനാൻസ് വിഭാഗത്തിൽ ഉൾപ്പെട്ടിരിക്കുന്ന കമ്പനിയാണിത്.
കഴിഞ്ഞ ഒരു വർഷത്തിൽ 220.92% മൾട്ടിബാഗർ നേട്ടമാണ് നൽകിയിരിക്കുന്നത്. ഒരു മാസത്തിൽ 27.95% നേട്ടവും നൽകിയിട്ടുണ്ട്. കഴിഞ്ഞ 6 മാസങ്ങളിൽ ഏകദേശം 204% ഉയർച്ചയാണ് ഓഹരിവിലയിൽ ഉണ്ടായിരിക്കുന്നത്.
ഡിസംബർ 26 പ്രകാരം എൻഎസ്ഇയിലെ ക്ലോസിങ് ഓഹരിവില 97.40 രൂപയാണ്. 52 ആഴ്ച്ചകളിലെ ഉയർന്ന/താഴ്ന്ന നിലവാരങ്ങൾ (52 Week High/Low) യഥാക്രമം 104.10/25.40 രൂപ എന്നിങ്ങനെയാണ്.
കഴിഞ്ഞ വർഷം, സെപ്തംബർ പാദത്തിൽ (Q2FY23) കമ്പനിയുടെ വരുമാനം 5810 കോടി രൂപയായിരുന്നു. ഇക്കഴിഞ്ഞ സെപ്തംബറിൽ (Q2FY24) ഇത് 16% വർധിച്ച് 6763 കോടി രൂപയിലെത്തി. ഇതേ കാലയളവിൽ അറ്റാദായം 1550 കോടിയിൽ നിന്ന് 9.5% ഉയർന്ന് 1714 കോടി രൂപയായി മാറി
സൊമാറ്റോ (Zomato)
ഇന്റർനെറ്റ് പോർട്ടൽ അധിഷ്ഠിത ഫുഡ് ഡെലിവറി ബിസിനസ് നടത്തുന്ന കമ്പനിയാണിത്. മെനു, കോൺടാക്ട്സ്, ഡിസ്കൗണ്ട് ഓഫറുകൾ അടക്കമുള്ള സേവനങ്ങൾ നൽകുന്നു.
2010ൽ സ്ഥാപിതമായ കമ്പനിയാണിത്. കഴിഞ്ഞ ഒരു വർഷം ഏകദേശം 118% മൾട്ടിബാഗർ നേട്ടമാണ് ഈ ഓഹരി നൽകിയിരിക്കുന്നത്. ഒരു മാസത്തിൽ ഏകദേശം 11% ലാഭം നൽകി. 6 മാസത്തിൽ 70% ഉയർച്ചയാണ് നേടിയത്.
ഡിസംബർ 26 പ്രകാരം എൻഎസ്ഇയിലെ ക്ലോസിങ് ഓഹരിവില 125 രൂപയാണ്. 52 ആഴ്ച്ചകളിലെ ഉയർന്ന/താഴ്ന്ന നിലവാരങ്ങൾ (52 Week High/Low) യഥാക്രമം 131.75/44.35 രൂപ എന്നിങ്ങനെയാണ്. 2023 സെപ്തംബർ പാദത്തിൽ (Q2FY23) കമ്പനിയുടെ വരുമാനം 1661.30 കോടി രൂപയായിരുന്നു.
ഈ സെപ്തംബറിൽ (Q2FY24) ഇത് 71% വർധിച്ച് 2848 കോടി രൂപയിലെത്തി. ഇതേ കാലയളവിൽ അറ്റാദായം 250.8 കോടി രൂപ നഷ്ടം എന്ന നിലയിൽ നിന്ന് 114% ഉയർന്ന് 36 കോടി രൂപ ലാഭം എന്ന നിലയിലെത്തി.
