അന്വേഷണം വാർത്തകൾ ലഭിക്കാന് വാട്സാപ്പ് ചാനലില് ചേരൂ.ഗർഭധാരണത്തിന് പിന്നാലെ പലപ്പോഴും സ്ത്രീകളെ വലയ്ക്കുന്ന പ്രശ്നമാണ് രാവിലെ അനുഭവപ്പെടുന്ന ഛർദ്ദിലും തലകറക്കവും. ചിലർക്ക് ദിവസം മുഴുവൻ ഛർദ്ദി ആയിരിക്കും. എന്ത് കഴിച്ചാലും ഛർദ്ദിക്കുന്ന അവസ്ഥ. ചിലർക്ക് ആദ്യ മൂന്ന് മാസം കൊണ്ട് ഇത്തരം പ്രശ്നങ്ങൾ അവസാനിക്കുമെങ്കിലും ചിലർക്ക് ഗർഭകാലം മുഴുവനും ഈ ബുദ്ധിമുട്ടുകൾ അനുഭവപ്പെടാറുണ്ട്. മോണിംഗ് സിക്ക്നെസ് എന്ന പേരിൽ അറിയപ്പെടുന്ന ഛർദ്ദിലും തലകറക്കവും യഥാർത്ഥത്തിൽ മോണിംഗ് മാത്രം ആയിരിക്കില്ല. പലരുടെയും ശാരീരികാവസ്ഥ അനുസരിച്ചിരിക്കും ഇത്. ഇതിന്റെ കാരണം എന്താണെന്ന് അറിയാമോ?
നീണ്ട പഠനങ്ങൾക്കൊടുവിൽ ഗർഭസ്ഥ ശിശുവിൽ നിന്നുള്ള ഒരു ഹോർമോണാണ് ഇതിന് കാരണമെന്ന് കണ്ടെത്തിയിരിക്കുകയാണ് ഗവേഷകർ. ജിഡിഎഫ് 15 എന്ന ഗ്രോത്ത് ഡിഫറന്സിയേൽന് ഫാക്ടർ 15 എന്ന മോണിംഗ് സിക്ക്നെസിന്റെ കാരണക്കാരനായ ഹോർമോണിന്റെ പങ്കിനേക്കുറിച്ച് നാച്ചുർ ജേണലിലാണ് പഠനം പ്രസിദ്ധീകരിച്ചിരിക്കുന്നത്. കേംബ്രിഡ്ജ് സർവ്വകലാശാലയിലേയും സ്കോട്ട്ലാന്ഡിലേയും അമേരിക്കയിലേയും ശ്രീലങ്കയിലേയും ഗവേഷകരുടെ സംയുക്ത സംഘമാണ് നിർണായകമായ കണ്ടെത്തൽ നടത്തിയിരിക്കുന്നത്.
ഭ്രൂണത്തിൽ നിന്ന് അമ്മയുടെ രക്തത്തിലൂടെ അമ്മയുടെ തലച്ചോറിലെത്തുന്ന ഈ ഹോർമോൺ അമ്മയുടെ തലച്ചോർ ഏത് വിധത്തിൽ സ്വീകരിക്കുന്നുവെന്നതിനെ അടിസ്ഥാനമാക്കിയാണ് ഗർഭിണികളിൽ മോണിംഗ് സിക്ക്നെസിന്റെ ഏറ്റക്കുറച്ചിൽ അനുഭവപ്പെടുക. ജനിതകപരമായ അസ്ഥമൂലം ജിഡിഎഫ് 15 ഉയർന്ന അളവിൽ ശരീരത്തിലുള്ളവർക്ക് മോണിംഗ് സിക്ക്നെസ് അനുഭവപ്പെടുന്നത് കുറവായിരിക്കുമെന്നും പഠനം വിശദമാക്കുന്നു. ലോകത്തിലെ 70% ഗർഭിണികളും എൻവിപിയെ അഭിമുഖീകരിക്കുന്നു. രോഗലക്ഷണങ്ങൾ വളരെ കഠിനമാവുകയും അവരുടെ വിശപ്പിനെയും ദൈനംദിന പ്രവർത്തനത്തെയും തടസ്സപ്പെടുത്തുകയും ചെയ്യുമ്പോൾ, എച്ച്.ജി.എച്ച്ജിയുമായി ബന്ധപ്പെട്ട ശരീരഭാരം കുറയ്ക്കലും ഇലക്ട്രോലൈറ്റ് അസന്തുലിതാവസ്ഥയും അമ്മയെയും കുഞ്ഞിനെയും തളർത്തും. ഇരുവരുടെയും ആരോഗ്യത്തിന് ദീർഘകാല പ്രത്യാഘാതങ്ങൾ ഉണ്ടാക്കും.
ഗർഭാവസ്ഥയിൽ ഗർഭപിണ്ഡവും പ്ലാസന്റൽ ടിഷ്യൂകളും ഉത്പാദിപ്പിക്കുന്ന മസ്തിഷ്ക വ്യവസ്ഥയെ ബാധിക്കുന്ന ഒരു ഹോർമോണാണ് GDF15. ഗർഭിണികളല്ലാത്ത വ്യക്തികളിൽ, സമ്മർദ്ദത്തിന് പ്രതികരണമായി GDF15 ഉത്പാദിപ്പിക്കപ്പെട്ടേക്കാം. മാതൃ രക്തചംക്രമണത്തിലെ ഉയർന്ന GDF15 ലെവലുകൾ എച്ച്ജി കേസുകളിൽ മുൻ പഠനങ്ങളിൽ നിരീക്ഷിക്കപ്പെട്ടിട്ടുണ്ട്. ജനിതക പഠനങ്ങൾ HG സപ്സിബിലിറ്റിയിൽ GDF15-ന്റെ പങ്കാളിത്തത്തെ പിന്തുണയ്ക്കുന്നു. ഇത്തരത്തിൽ ജിഡിഎഫ് 15 ഉയർന്ന നിലയിൽ കാണുന്ന അവസ്ഥയെ ബീറ്റ തലാസിമിയ എന്നാണ് അറിയപ്പെടുന്നത്. ചില മരുന്നുകളും ഈ ഹോർമോണിനെ ശരീരത്തിൽ ഉൽപാദിപ്പിക്കുന്നുണ്ട്.
ഗർഭിണികളായ പത്ത് പേരിൽ ഏഴ് പേർക്കും ഛർദ്ദിയും തല കറക്കവും അടക്കമുള്ള മോണിംഗ് സിക്ക്നെസ് അനുഭവപ്പെടാറുണ്ട് എന്നാണ് പഠനം വിശദമാക്കുന്നത്. ചിലരിൽ മോണിംഗ് സിക്ക്നെസ് അതിഭീകരമായ രീതിയിലുള്ള നിർജ്ജലീകരണത്തിലേക്ക് വരെ എത്താറുണ്ട്. അടുത്ത കാലം വരെ കാരണമെന്താണെന്ന് അറിയാതിരുന്നതായിരുന്നു മോണിംഗ് സിക്ക്നെസിന് പരിഹാരം കണ്ടെത്താൻ ശാസ്ത്രലോകത്തിന് സാധ്യമാകാതിരുന്നത്. വില്ലനെ കണ്ടെത്തിയത് മോണിംഗ് സിക്ക്നെസിന് പരിഹാരം കണ്ടെത്താനുള്ള സൂചനകളിലേക്കാണ് വിരൽ ചൂണ്ടുന്നത്.
