അന്വേഷണം വാർത്തകൾ ലഭിക്കാന് വാട്സാപ്പ് ചാനലില് ചേരൂ.പമ്പയിൽ ലക്ഷങ്ങൾ ചിലവഴിച്ച് നിർമ്മിച്ച ബാത്ത്റൂമുകൾ എന്ന രീതിയിൽ സോഷ്യൽ മീഡിയയിൽ വ്യാപകമായി ഒരു ചിത്രം പ്രചരിക്കുന്നു . മേൽക്കൂരയോ വാതിലുകളോ ഇല്ലാത്ത തകരഷീറ്റുകൾ കൊണ്ട് നിർമ്മിച്ച മുറികളുടെ ചിത്രമാണ് ഇത്തരത്തിൽ പ്രചരിക്കുന്നത്.
“പമ്പയിലെ 4 ലക്ഷം രൂപയുടേ ആധുനിക ബാത്ത്റൂം, വെള്ളമില്ല വാതിലില്ല മേൽക്കൂരയുമില്ല” എന്നെഴുതിയ ചിത്രമാണ് ഇപ്പോൾ പ്രചരിക്കുന്നത്. ഈ പോസ്റ്റിന്റെ പൂർണ രൂപം ചുവടെ കാണാം.
എന്നാൽ പ്രചാരത്തിലുള്ള ചിത്രം ഇപ്പോഴത്തെതല്ലെന്നും 2020ൽ കൊവിഡ് പ്രൊട്ടോക്കോൾ പാലിക്കുന്നതിനായി നിർമ്മിച്ച താല്കാലിക ഷവർ റൂമുകളാണെന്നും അന്വേഷണത്തിൽ കണ്ടെത്തി.
വൈറൽ ചിത്രം റിവേഴ്സ് ഇമേജ് സെർച്ചിന്റെ സഹായത്തോടെ പരിശോധിച്ചപ്പോൾ സമാനമായ ചിത്രം ഉൾപ്പെടുന്ന വാർത്തകൾ ലഭ്യമായി. ഇതിൽ നിന്നും 2020ൽ കൊവിഡ് പ്രൊട്ടോക്കോൾ പാലിച്ച് ശബരിമല ദർശനം അനുവദിച്ച അവസരത്തിൽ ദേവസ്വം ബോർഡ് നിർമ്മിച്ച താല്കാലിക ഷവർ റൂമുകളാണ് ഇവയെന്ന് വ്യക്തമായി. ഷവർ റൂമുകൾ സംബന്ധിച്ച് മലയാളത്തിലെ നിരവധി മാധ്യമങ്ങൾ വാർത്ത നല്കിയിരുന്നു.
2020ലെ മണ്ഡലകാലത്താണ് പമ്പയിൽ താല്കാലികമായി ഷവർ റൂമുകൾ സ്ഥാപിച്ചത്. പമ്പാ നദിയിൽ കുളിച്ചതിന് ശേഷം ശബരിമലയിലേക്ക് പോകുന്ന ചടങ്ങ് കൊവിഡ് മാനദണ്ഡങ്ങളുടെ ലംഘനമാകും എന്നതിനാൽ പുഴയിൽ കുളിക്കാനുള്ള അനുമതി നിഷേധിക്കുകയും പകരം ഷവർ റൂമുകൾ ഒരുക്കുകയും ചെയ്തു.
2020ൽ പമ്പയിൽ നിർമ്മിച്ച ഷവർ റൂമുകൾ കൊവിഡ് മാനദണ്ഡങ്ങൾ പാലിക്കുന്നതിനായി താല്കാലികമായി നിർമ്മിച്ചതാണ്, ഇതിൽ ഒരു ഭാഗം ഷവർ റൂമുകൾ നീക്കം ചെയ്തിട്ടുമുണ്ട്. ബാക്കിയുള്ളവ ഉപയോഗിക്കുന്നില്ല. ദർശനത്തിന് എത്തുന്ന ആളുകൾക്ക് സ്ഥിരമായ ശൗചാലയ സംവിധാനങ്ങൾ പമ്പയിൽ വേറെയുണ്ട്” ദേവസ്വം ബോർഡ് വ്യക്തമാക്കി.
ലഭ്യമായ വിവരങ്ങളിൽ നിന്നും പമ്പയിലെ ഇപ്പോഴത്തെ ബാത്ത്റൂമുകൾ എന്ന രീതിയിൽ പ്രചരിക്കുന്ന ചിത്രം 2020ൽ കൊവിഡ് മാനദണ്ഡങ്ങൾ പാലിക്കുന്നതിന്റെ ഭാഗമായി താല്കാലികമായി നിർമ്മിച്ച ഷവർ റൂമുകളാണെന്ന് വ്യക്തമായി.
അന്വേഷണം വാർത്തകൾ വാട്സ്ആപ്പിലൂടെ ലഭിക്കാൻ ക്ലിക്ക് ചെയ്യു
