അന്വേഷണം വാർത്തകൾ ലഭിക്കാന്‍ വാട്സാപ്പ് ഗ്രൂപ്പില്‍ ചേരൂ.സ്ത്രീകൾക്കെതിരെയുള്ള ആക്രമണങ്ങൾ ഇന്നും ഇന്നലെയുമൊന്നും തുടങ്ങിയതല്ല അവ പുരാതന കിആലം മുതൽ തന്നെ നിലവിലുണ്ട്. മാനസികമായും ശരീരവുമായും സ്ത്രീകൾ ലോകത്തിന്റെ പലയിടങ്ങളിൽ ആക്രമണം നേരിടുന്നു.ഗാര്‍ഹിക പീഡനത്തിനിരയായ അല്ലെങ്കില്‍ ദുരിതമനുഭവിക്കുന്ന സ്ത്രീകള്‍ക്കായി, ഏകദേശം 738 വര്‍ഷങ്ങള്‍ക്കു മുമ്പാണ് വിവാഹ മോചന ക്ഷേത്രം നിർമ്മിച്ചത് . ഇതൊരു ബുദ്ധ വിശ്വാസ ക്ഷേത്രം കൂടിയാണ് .
ക്ഷേത്രങ്ങളുടെ ചുറ്റും പ്രാർഥന മന്ത്രങ്ങൾ നിറയും, പൂജ ദ്രവ്യങ്ങളുടെ ഗന്ധം പരക്കും. നിരന്തരം പ്രാർഥനകളും വഴിപാടുകളുമായി ഭക്തർ നിറയും എന്നാൽ ഈ ക്ഷേത്രം അങ്ങനെയല്ല. ഏഴ് നൂറ്റാണ്ടുകള്‍ക്ക് മുമ്പ് പണികഴിപ്പിച്ച ഈ ബുദ്ധ ക്ഷേത്രം അല്പം വ്യത്യസ്തമാണ്. ഈ ക്ഷേത്രം അറിയപ്പെടുന്നത് ‘വിവാഹമോചിതരുടെ ക്ഷേത്രം’, ‘വിവാഹമോചന ക്ഷേത്രം’ (The Divorce Temple) എന്നൊക്കെയാണ്. വിചിത്രമായി തോന്നുന്നുവല്ലേ, സ്വഭാവികം. ഈ ക്ഷേത്രം വിവാഹ മോചിതരായ അല്ലെങ്കില്‍ വിധവകളായ സ്ത്രീകള്‍ക്ക് പല നൂറ്റാണ്ടുകളോളം ഒരു അഭയകേന്ദ്രമായിരുന്നു.പഠനത്തിനുള്ള ഒരു കേന്ദ്രം കൂടിയായിരുന്നു ഇത്
ജപ്പാനിലെ കനഗാവയിലുള്ള കാമകുര നഗരത്തില്‍ ഏകദേശം 738 വര്‍ഷങ്ങള്‍ക്ക് മുമ്പാണ് ഈ ക്ഷേത്രം സ്ഥാപിതമായത്. മാറ്റ്സുഗോക്ക ടകെയ്-ജി എന്ന ഈ ക്ഷേത്രം സ്ഥാപിക്കുന്നതിന് പിന്നിലെ പ്രധാന ഉദ്ദേശം, ഗാര്‍ഹിക പീഡനത്തിന് ഇരയായ സ്ത്രീകള്‍ അല്ലെങ്കില്‍ വിവാഹമോചിതരായ, വിധവകളായവര്‍ക്കുള്ള ഒരു അഭയകേന്ദ്രമെന്ന നിലയിലാണ്. അത് കാലഘട്ടത്തിന്റെ ആവശ്യമായിരുന്നു. കാരണം ആ കാലഘട്ടത്തിലെ സ്ത്രീകളുടെ അവസ്ഥ സങ്കടകരവും ഹൃദയഭേദകവുമായിരുന്നു. അവര്‍ക്ക് ഭര്‍തൃഗൃഹത്തില്‍ നിന്നായാലും സമൂഹത്തില്‍ നിന്നായാലും പലതരത്തിലുള്ള പീഡനങ്ങള്‍ ഏറ്റുവാങ്ങേണ്ടി വന്നിരുന്നു.
ജപ്പാനില്‍ സ്ത്രീകള്‍ക്ക് യാതൊരു അവകാശവും ഇല്ലാതിരുന്ന, വിവാഹമോചനത്തിനുള്ള വ്യവസ്ഥകളൊന്നും ഇല്ലാതിരുന്നതുമായ ഒരു കാലഘട്ടത്തില്‍ വളരെ വിപ്ലവകരമായിട്ടാണ് ഇത് സ്ഥാപിതമായത്. ആ കാലഘട്ടത്തില്‍, പീഡിപ്പിക്കുന്ന ഭര്‍ത്താക്കന്മാരില്‍ നിന്ന് അല്ലെങ്കില്‍ കുടുംബത്തില്‍ നിന്ന് അഭയം തേടുന്ന സ്ത്രീകള്‍ ഈ ക്ഷേത്രം ഒരു ആശ്വാസമായി. പലപ്പോഴും പൊതു സമൂഹത്തിലെ ആര്‍ക്കും, പ്രത്യേകിച്ച് പുരുഷന്മാര്‍ക്ക് ഈ ബുദ്ധ ക്ഷേത്രത്തിലേക്ക് പ്രവേശിക്കാന്‍ അനുമതിയുണ്ടായിരുന്നില്ല എന്നതും ഇവിടെയുള്ളവര്‍ക്ക് മറ്റൊരു ആശ്വാസമായിരുന്നു.
ക്ഷേത്രത്തിന്റെ ചരിത്രം
കാകൂസന്‍ ഷിഡോ-നി എന്ന ബുദ്ധ സന്യാസിനി, 1285ല്‍ ആണ് ഈ ക്ഷേത്രം സ്ഥാപിച്ചത്. അക്കാലത്ത്, (1185-നും 1333-നും ഇടയില്‍), ജപ്പാനിലെ സ്ത്രീകള്‍ പരിമിതമായ നിയമപരമായ അവകാശങ്ങളാലും നിരവധി സാമൂഹിക നിയന്ത്രണങ്ങളാലു ദുരിതമനുഭവിച്ചുക്കൊണ്ടിരിക്കുരയായിരുന്നു. ഈ ക്ഷേത്രം സ്ഥാപിതമായതോടെ, ഗതിയില്ലാതെ അല്ലെങ്കില്‍ വിവാഹജീവിതത്തില്‍ ദുരിതമനുഭവിക്കുന്ന സ്ത്രീകള്‍ ഇവിടെ വന്ന് താമസിച്ചു തുടങ്ങി. കാലക്രമേണ, ക്ഷേത്രം ഒരു സുരക്ഷിത സങ്കേതമായും പീഡിതരമായ സ്ത്രീകള്‍ സംരക്ഷണം തേടാനും, ദുരിതപൂര്‍ണ്ണമായ വിവാഹ ബന്ധങ്ങളില്‍ നിന്ന് സ്വാതന്ത്ര്യം നേടാനുമുള്ള സ്ഥാപനമായും ഇവിടം മാറി.
തുടര്‍ന്ന് ടകെയ്-ജിയില്‍ അത്തരം സ്ത്രീകള്‍ക്ക് ഔദ്യോഗിക വിവാഹമോചന സര്‍ട്ടിഫിക്കറ്റുകള്‍ നല്‍കാന്‍ തുടങ്ങി. ഈ സര്‍ട്ടിഫിക്കറ്റ് അവര്‍ക്ക് വിവാഹത്തില്‍ നിന്ന് നിയമപരമായ മോചനവും സ്വാതന്ത്ര്യവും അനുവദിച്ചു. ഈ സ്ത്രീകള്‍, സുഫുകു-ജി എന്ന് അറിയപ്പെട്ടു. നിസ്വാര്‍ത്ഥവും അനുകമ്പപൂര്‍ണ്ണവുമായ ഈ നടപടികളിലൂടെ ഈ ബുദ്ധക്ഷേത്രം വളരെ ശ്രദ്ധേ നേടി. തുടര്‍ന്ന് ആളുകള്‍ ഈ ക്ഷേത്രത്തെ – ബന്ധം വിച്ഛേദിക്കുന്ന ക്ഷേത്രം, ഓടിപ്പോയ സ്ത്രീകള്‍ക്കുള്ള ക്ഷേത്രം അല്ലെങ്കില്‍ വിവാഹമോചന ക്ഷേത്രം എന്നിങ്ങനെയുള്ള അര്‍ത്ഥത്തില്‍ ജാപ്പനീസി ഭാഷയില്‍ കകെകോമി-ദേര എന്ന് വിളിക്കാന്‍ തുടങ്ങി.
ഇന്ന് ക്ഷേത്ര പരിസരത്തിലേക്ക് സന്ദര്‍ശക അനുവദിക്കുന്നുണ്ട്. ഗംഭീരമായ വാസ്തുവിദ്യകള്‍ക്ക് അകമ്പടിയായി മനോഹരമായ പൂന്തോട്ടങ്ങളാലും മറ്റും നന്നായി സംരക്ഷിക്കപ്പെട്ട ഈ ക്ഷേത്രം ദൃശ്യമനോഹരമാണ്. വളയരെ ദയനീയമായ അവസ്ഥകളിലൂടെ തരണം ചെയ്ത് എത്തിയ സ്ത്രീകള്‍ക്ക്, ഈ അന്തരീക്ഷത്തിലൂടെ ഒരു ആശ്വാസം പകരട്ടെയെന്നാകും ഇത് സ്ഥാപിച്ചവരുടെ ഉദ്ദേശം. ഇന്നത്തെ കാലത്ത് വിവാഹമോചനവുമായി ബന്ധപ്പെട്ട പ്രശ്നങ്ങളൊന്നും ക്ഷേത്രം പരിഗണിക്കുന്നില്ലെങ്കിലും, പഴയ കാലഘട്ടത്തിലെ സ്ത്രീകളുടെ ഹൃദയഭേദകമായ കഥകളുടെ ഓര്‍മ്മപ്പെടുത്തലാണ് ഈ ബുദ്ധക്ഷേത്രം. ഒപ്പം, ജാപ്പനീസ് ചരിത്രത്തില്‍ സ്ത്രീകളുടെ ശാക്തീകരണത്തിന്റെയും
READ ALSO കൊടയിലേക്ക് ട്രിപ്പ് പോകുന്നുണ്ടോ? ഇനി ഹോട്ടൽ തപ്പി സമയം കളയണ്ട
