താൻ ദേശഭക്തനാണ് ഉപദ്രവിക്കരുത്; ലോക്സഭയിൽ ഭീകരാന്തരീക്ഷം സൃഷ്ടിച്ച ഉത്തർപ്രദേശ് സ്വദേശി സാഗർ ശർമ

ന്യൂഡൽഹി: താൻ ദേശഭക്തനാണെന്നും ഉപദ്രവിക്കരുതെന്നും ലോക്സഭയിൽ എം.പിമാർക്കിടയിലേക്ക് ചാടിക്കയറി ഭീകരാന്തരീക്ഷം സൃഷ്ടിച്ച ഉത്തർപ്രദേശ് സ്വദേശി സാഗർ ശർമ. ഇ​തെ​ന്ത് ദേ​ശ​ഭ​ക്തി​യാ​ണെ​ന്ന് ചോ​ദി​ച്ച് ചു​റ്റു​മു​ള്ള എം.​പി​മാ​ർ അ​ടി​ച്ചും തൊ​ഴി​ച്ചും  ബ​ലം പ്ര​യോ​ഗി​ച്ച് കീ​ഴ്പ്പെ​ടു​ത്തു​മ്പോ​ഴാണ് സാഗർ ഇങ്ങനെ വിളിച്ചുപറഞ്ഞത്. തു​ട​ർ​ന്ന് സാ​ഗ​റി​നെ ര​ണ്ടാ​മ​ത് പി​റ​കി​ൽ​നി​ന്ന് പി​ടി​ച്ച മ​നോ​ര​ഞ്ജ​ന് അ​ടു​ത്തേ​ക്ക് കൊ​ണ്ടു​പോ​യി ഇ​രു​വ​രെ​യും ഒ​രു​മി​ച്ച് കൈ​കാ​ര്യം ചെ​യ്താ​ണ് എം.​പി​മാ​ർ സു​ര​ക്ഷാ സൈ​നി​ക​ർ​ക്ക് കൈ​മാ​റി​യ​ത്. പ്ര​തി​ഷേ​ധി​ക്കാ​നു​ള്ള അ​വ​കാ​ശം വ​ക​വെ​ച്ചു​ത​ര​ണ​മെ​ന്ന് മ​നോ​ര​ഞ്ജ​ൻ പ​റ​യു​ന്നു​ണ്ടാ​യി​രു​ന്നു.

സാഗർ ശർമ ഈ സർക്കാർ നടപ്പാക്കുന്ന നല്ല പ്രവർത്തനങ്ങളിൽ ഏറെ സന്തുഷ്ടനായിരുന്നെന്നും ഈ സർക്കാരിന് വോട്ട് ചെയ്യുമെന്നും പറയാറുണ്ടായിരുന്നു​വെന്ന് അമ്മാവൻ പ്രദീപ് ശർമ്മ ‘ദി പ്രിന്റി’നോട് പറഞ്ഞു. എന്തുകൊണ്ടാണ് അവൻ ഇത് ചെയ്തതെന്ന് എനിക്കറിയി​ല്ലെന്നും അദ്ദേഹം പറഞ്ഞു. തന്റെ അനന്തരവനെ ആരോ സ്വാധീനിച്ചതായി സംശയിക്കുന്നതായി പ്രദീപ് പറയുന്നു.

“അവന് ക്രിമിനൽ പശ്ചാത്തലമുണ്ടായിരുന്നെങ്കിൽ, ലോക്കൽ പോലീസ് സ്റ്റേഷനിൽ എന്തെങ്കിലും ക്രിമിനൽ റെക്കോർഡ് ഉണ്ടാകണമായിരുന്നു. ആരോ അവനെ സ്വാധീനിച്ചതാവാനാണ് സാധ്യത. വർഷങ്ങളായി ഇവിടെയാണ് (ലഖ്‌നൗവിൽ) താമസിക്കുന്നത്. പൊലീസ് സ്റ്റേഷനിൽ അവനെതിരെ ഒരു കേസും ഇതുവരെ ഇല്ല’ -അദ്ദേഹം പറഞ്ഞു.

പ്ര​തി​രോ​ധ മ​ന്ത്രി രാ​ജ്നാ​ഥ് സി​ങ് മു​ൻ​നി​ര​യി​ലേ​ക്ക് വ​ന്നി​രു​ന്ന​തേ​യു​ള്ളൂ. ഇ​ക്ക​ഴി​ഞ്ഞ രാ​ജ​സ്ഥാ​ൻ നി​യ​മ​സ​ഭ തെ​ര​ഞ്ഞെ​ടു​പ്പി​ൽ ജ​യി​ച്ച് എം.​എ​ൽ.​എ​യാ​യ രാ​ഷ്ട്രീ​യ ലോ​ക് താ​ന്ത്രി​ക് പാ​ർ​ട്ടി നേ​താ​വ് ഹ​നു​മാ​ൻ ബെ​നി​വാ​ൾ എം.​പി സ്ഥാ​നം രാ​ജി​വെ​ക്കു​ന്ന​തി​ന് മു​മ്പാ​യി ഓ​രോ​രു​ത്ത​രെ​യും ക​ണ്ട് യാ​ത്ര പ​റ​യു​ന്നു. ഈ ​സ​മ​യ​ത്താ​ണ് സ​ന്ദ​ർ​ശ​ക​ർ​ക്കു​ള്ള നാ​ലാം ന​മ്പ​ർ ഗാ​ല​റി​യി​ൽ​നി​ന്ന് ആ​ദ്യ​ത്തെ അ​ക്ര​മിയായ സാ​ഗ​ർ ശ​ർ​മ എം.​പി​മാ​രു​ടെ ബെ​ഞ്ചി​ലേ​ക്ക് ചാ​ടി​വീ​ഴു​ന്ന​ത്.

പാ​ർ​ല​മെ​ന്റി​നു​ള്ളി​ൽ ഇ​ത്ര​യും ന​ട​ക്കു​ന്ന​തി​ന് അ​ര​മ​ണി​ക്കൂ​ർ മു​മ്പാ​ണ് ഇ​തേ സം​ഘ​ത്തി​ൽ​പെ​ട്ട ര​ണ്ടു​പേ​ർ പാ​ർ​ല​മെ​ന്റ് ക​വാ​ട​ത്തി​ന് മു​മ്പി​ൽ ഇ​തേ പ്ര​തി​ഷേ​ധം പു​ക​ത്തോ​ക്ക് പൊ​ട്ടി​ച്ച് ന​ട​ത്തി​യ​ത്. അ​ര​മ​ണി​ക്കൂ​ർ ക​ഴി​ഞ്ഞ് അ​ക​ത്ത് സ​മാ​ന സം​ഭ​വം ആ​വ​ർ​ത്തി​ച്ച​ത് അ​തീ​വ ഗു​രു​ത​ര​മാ​യ സു​ര​ക്ഷാ വീ​ഴ്ച​യാ​യി. ഭാ​ര​ത് മാ​താ കീ ​ജ​യ്, ജ​യ് ഭീം, ​ജ​യ് ഭാ​ര​ത്, ഏ​കാ​ധി​പ​ത്യം ന​ട​പ്പി​ല്ല എ​ന്നീ മു​ദ്ര​വാ​ക്യ​ങ്ങ​ളു​മാ​യി ഉ​ച്ച​ക്ക് 12.33ന് ​ട്രാ​ൻ​സ്​​പോ​ർ​ട്ട് ഭ​വ​ന് മു​ന്നി​ൽ​നി​ന്ന് പാ​ർ​ല​മെ​ന്റ് ക​വാ​ട​ത്തി​ലേ​ക്ക് നീ​ങ്ങു​ന്ന​തി​നി​ട​യി​ൽ ഹി​സാ​റി​ൽ​നി​ന്നു​ള്ള നീ​ല​വും മ​ഹാ​രാ​ഷ്​​ട്ര​യി​ൽ​നി​ന്നു​ള്ള അ​മോ​ൾ ഷി​ൻ​​ഡെ​യും പി​ടി​യി​ലാ​യി അ​ര​മ​ണി​ക്കൂ​​ർ ക​ഴി​ഞ്ഞാ​ണ് സാ​ഗ​ർ ശ​ർ​മ​യും മ​​നോ​ര​ഞ്ജ​നും ലോ​ക്സ​ഭ​യി​ൽ ക​യ​റി ഭീ​ക​രാ​ന്ത​രീ​ക്ഷം സൃ​ഷ്ടി​ച്ച​ത്.

അന്വേഷണം വാർത്തകൾ വാട്സ്ആപ്പിലൂടെ ലഭിക്കാൻ ക്ലിക്ക് ചെയ്യു