അന്വേഷണം വാർത്തകൾ ലഭിക്കാന് വാട്സാപ്പ് ചാനലില് ചേരൂ.ഗുജറാത്ത് ഹൈവേയിൽ വ്യാജ ടോൾ പ്ലാസ പ്രവർത്തിക്കുന്നു. പ്രദേശത്തെ കരുത്തരായ വ്യക്തികളാണ് വ്യാജ ടോൾ പ്ലാസ നിയന്ത്രിക്കുന്നത്. ജില്ലാ ഭരണകൂടം, പ്രാദേശിക പൊലിസ്, ദേശീയ ഹൈവേ അതോരിറ്റി തുടങ്ങിയ സർക്കാർ സംവിധാനങ്ങളെ നോക്കു കുത്തിയാക്കി ട്രക്ക് ഡ്രൈവർമാരിൽ നിന്നുൾപ്പെടെ പണം പിരിച്ചെടുക്കുന്ന ടോൾ പ്ലാസ പ്രവർത്തിയ്ക്കാൻ തുടങ്ങിയിട്ട് ഒന്നര വർഷത്തിലേറെയായി.
ഈ വ്യാജ ടോൾ പ്ലാസ നടത്തിപ്പുക്കാർ പതിനായിരക്കണക്കിന് രൂപയാണ് ദിനേനെ പിരിച്ചെടുക്കുന്നത്. ദേശീയ പാത ടോൾ പ്ലാസ വസൂലാക്കുന്ന ടോളിൻ്റെ പകുതി മാത്രമാണത്രെ ഈ വ്യാജ ടോൾ പ്ലാസക്കാർ ഈടാക്കുന്നത്. അതുകൊണ്ടു തന്നെ ട്രക്കു ഡ്രൈവർമാർ ഈ വ്യാജ റൂട്ടിനാണ് മുൻഗണന നൽകുന്നത്.
ഗുജറാത്തിലെ ബമൻബോർ-കച്ച് ദേശീയ പാതയിലാണ് ഈ വ്യാജ ടോൾ പ്ലാസ. സ്വകാര്യ ഭൂമിയിലൂടെ ദേശീയ പാത തിരിച്ചുവിട്ടാണ് വ്യാജ ടോൾ പ്ലാസ സ്ഥാപിക്കപ്പെട്ടത്. വഗാസിയ ഗ്രാമത്തിൽ പൂട്ടിപ്പോയ
വൈറ്റ് ഹൗസ് സെറാമിക് കമ്പനിയുടെ ഉടമസ്ഥതയിലുള്ള ഭൂമിയിലൂടെയാണ് ദേശീയ പാതയിലെ ഗതാഗതം തിരിച്ചുവിട്ടിരിക്കുന്നത്.
പൊലീസുൾപ്പെടെയുള്ള ഉദ്യോഗസ്ഥർ സ്ഥലത്തെത്തി അന്വേഷണം നടത്തുന്നുണ്ടെന്നാണ് മോർബി ജില്ലാ കളക്ടർ ജിടി പാണ്ഡ്യയുടെ വിശദീകരണം.
അന്വേഷണം വാർത്തകൾ വാട്സ്ആപ്പിലൂടെ ലഭിക്കാൻ ക്ലിക്ക് ചെയ്യു
