അന്വേഷണം വാർത്തകൾ ലഭിക്കാന്‍ വാട്സാപ്പ് ഗ്രൂപ്പില്‍ ചേരൂ.ചെന്നൈ: മാര്‍ക്ക് ആന്റണി സംവിധായകന്‍ ആദിക് രവിചന്ദ്രനും നടന്‍ പ്രഭുവിന്റെ മകള്‍ ഐശ്വര്യയും വിവാഹം കഴിക്കാന്‍ ഒരുങ്ങുന്നതായി റിപ്പോര്‍ട്ടുകള്‍. വിശാല്‍ നായകനായ മാര്‍ക്ക് ആന്റണി ബോക്‌സ് ഓഫീസില്‍ ഗംഭീരവിജയം നേടുന്നതിനിടയിലാണ് റിപ്പോര്‍ട്ടുകള്‍ പുറത്തുവന്നത്. വീട്ടുകാരുടെ സമ്മതത്തോടെയുള്ള ഇരുവരുടെയും വിവാഹം ഡിസംബറില്‍ ഉണ്ടാകുമെന്നാണ് റിപ്പോര്‍ട്ടില്‍ പറയുന്നത്.
ഇരുവരും തമ്മില്‍ ഏറെ നാളായി സുഹൃത്തുക്കളാണ്. ആ സൗഹൃദം പിന്നീട് പ്രണയമാവുകയായിരുന്നു. വിവാഹത്തിന് വീട്ടുകാര്‍ സമ്മതം നല്‍കിയതായും റിപ്പോര്‍ട്ടില്‍ പറയുന്നു. എന്നാല്‍ ഇക്കാര്യത്തില്‍ ഔദ്യോഗിക സ്ഥീരീകരണം ഉണ്ടായിട്ടില്ല. ഐശ്വര്യയുടെ രണ്ടാമത്തെ വിവാഹമാണിത്. 2008ഫ്റ്റ് വെയര്‍ എന്‍ജീനിയറെ വിവാഹം കഴിച്ചിരുന്നെങ്കിലും പിന്നീട് പിരിയുകയായിരുന്നു.
നടന്‍ വിശാലിനെ വമ്പന്‍ തിരിച്ചുവരവ് ചിത്രമായി മാറിയിരുന്നു മാര്‍ക്ക് ആന്റണി. ചിത്രം നൂറ് കോടി ക്ലബില്‍ കടക്കുകയും ചെയ്തു. വേഗതയുളള തിരക്കഥയും അത്രത്തോളം മികച്ച മേക്കിങുമായിരുന്നു സിനിമയുടെ പ്രധാന ആകര്‍ഷണം. സുനില്‍, സെല്‍വരാഘവന്‍, റിതു വര്‍മ, റെഡിന്‍ കിങ്‌സ്‌ലി, നിഴല്‍കള്‍രവി, അഭിനയ, വൈജി മഹേന്ദ്രന്‍ എന്നിവരായിരുന്നു ചിത്രത്തിലെ മറ്റ് അഭിനേതാക്കള്‍.
അന്വേഷണം വാർത്തകൾ വാട്സ്ആപ്പിലൂടെ ലഭിക്കാൻ ക്ലിക്ക് ചെയ്യു
