അന്വേഷണം വാർത്തകൾ ലഭിക്കാന്‍ വാട്സാപ്പ് ഗ്രൂപ്പില്‍ ചേരൂ.ഡാലസ് ∙ നോർത്ത് അമേരിക്കാ യൂറോപ്പ് ഭദ്രാസന യൂത്ത് ഫെല്ലോഷിപ്പ് സൗത്ത് വെസ്റ്റ് ‘സെന്റർ എ’ സ്പോർട്സ് ടൂർണമെന്റ് നവംബർ 11ന് ശനിയാഴ്ച ഡാലസിൽവച്ചു നടത്തപ്പെടുന്നു. മാർത്തോമ്മാ ചർച്ച് ഓഫ് ഫാർമേഴ്സ് ബ്രാഞ്ച് യൂത്ത് ഫെലോഷിപ്പ് സ്പോർട്സ് ടൂർണമെന്റിന് ആതിഥേയത്വം വഹിക്കും. കരോൾട്ടണിൽ ഉള്ള മക്കിന്നിഷ് സ്പോർട്സ് കോംപ്ലക്സി (2335 Sandy Lake Road, Carrollton, TX 75006) ൽ ആണ് കായിക മത്സരങ്ങൾ ക്രമീകരിച്ചിരിക്കുന്നത്. രാവിലെ എട്ടു മണിക്ക് ആരംഭിക്കുന്ന കായികമത്സരങ്ങളിൽ മാർത്തോമ്മാ ചർച്ച് ഓഫ് ഫാർമേഴ്സ് ബ്രാഞ്ച് , സെഹിയോൻ മാർത്തോമ്മാ ചർച്ച്, സെന്റ് പോൾസ് മാർത്തോമ്മാ ചർച്ച്, ഒാക്‌ലഹോമ മാർത്തോമ്മാ ചർച്ച് , ഹ്യൂസ്റ്റൺ ഇമ്മാനുവൽ ചർച്ച് എന്നിവിടങ്ങളിൽനിന്നുള്ള യൂത്ത് ഫെലോഷിപ്പ് അംഗങ്ങൾ പങ്കെടുക്കും.
ടൂർണമെന്റിനോട് അനുബന്ധിച്ച് കരോൾട്ടൺ മാർത്തോമ്മാ ചർച്ച് യൂത്ത് ഫെല്ലോഷിപ്പ് അംഗം സാം സജിയുടെ സാംസ് സോൾ ഓതെന്റിക് ഹോട്ഡോഗ് എന്ന ഭക്ഷണശാല കായിക പ്രേമികൾക്കായി രുചികരമായ ഭക്ഷണങ്ങൾ ക്രമീകരിക്കുന്നതായിരിക്കും. ഭക്ഷണ ശാലയിൽ നിന്നും ലഭിക്കുന്ന തുക നോർത്ത് അമേരിക്കാ യൂറോപ്പ് ഭദ്രാസനത്തിന്റെ മിഷൻ പ്രോജക്റ്റ് ആയ “ലൈറ്റ് ടു ലൈഫ്” എന്ന പദ്ധതിയിലേക്ക് സംഭാവനയായി നൽകുവാൻ ആഗ്രഹിക്കുന്നതായി സാം സജി അറിയിച്ചു.
ടൂർണമെന്റ് ക്രമീകരണങ്ങൾക്കായി “സെന്റർ എ” യൂത്ത് ഫെല്ലോഷിപ്പ് പ്രസിഡന്റ്, റവ: ഷൈജു സി ജോയ്, വൈസ് പ്രസിഡന്റ്: എലീസ ആൻഡ്രൂസ് , കോ ഓർഡിനേറ്റർ സെൻ മത്തായി, എന്നിവർ ഉൾപ്പെട്ട കമ്മിറ്റി പ്രവർത്തിച്ചുവരുന്നു. ടൂർണ്ണമെൻറ് വിജയത്തിനായി ഏവരുടെയും സഹകരണവും, സാന്നിധ്യവും സെന്റർ എ സെക്രട്ടറി ജോതം ബി സൈമൺ അഭ്യർഥിച്ചു. കൂടുതൽ വിവരങ്ങൾക്ക് swr[email protected] ആയി ബന്ധപ്പെടേണ്ടതാണ് ചുമതലക്കാർ അറിയിച്ചു.
അന്വേഷണം വാർത്തകൾ വാട്സ്ആപ്പിലൂടെ ലഭിക്കാൻ ക്ലിക്ക് ചെയ്യു
