അന്വേഷണം വാർത്തകൾ ലഭിക്കാന് വാട്സാപ്പ് ചാനലില് ചേരൂ.ഡല്ഹി: ഭൂകമ്പത്തില് കനത്ത നാശം നേരിട്ട നേപ്പാളിന്റെ ദുഃഖത്തില് പങ്കു ചേരുന്നതായി പ്രധാനമന്ത്രി നരേന്ദ്ര മോദി.ജീവഹാനിയിലും നാശനഷ്ടങ്ങളിലും അതിയായ ദുഃഖം രേഖപ്പെടുത്തുന്നതായി അദ്ദേഹം ഔദ്യോഗിക ട്വിറ്റര് പേജില് കുറിച്ചു. സാധ്യമായ എല്ലാ സഹായവും നേപ്പാളിനു നല്കുമെന്നും അദ്ദേഹം കുറിപ്പില് വ്യക്തമാക്കി.
‘നേപ്പാളില് ഭൂകമ്ബത്തെ തുടര്ന്നുണ്ടായ ജീവഹാനിയിലും നാശനഷ്ടങ്ങളിലും അതിയായ ദുഃഖമുണ്ട്. ഇന്ത്യ നേപ്പാളിലെ ജനങ്ങളോട് ഐക്യദാര്ഢ്യം പ്രകടിപ്പിക്കുന്നു. സാധ്യമായ എല്ലാ സഹായവും നേപ്പാളിനു നല്കും. ഇന്ത്യയുടെ ചിന്തകള് ദുഃഖിതരായ കുടുംബങ്ങള്ക്കൊപ്പമാണ്. പരിക്കേറ്റവര് വേഗത്തില് സുഖം പ്രാപിക്കട്ടെ’- അദ്ദേഹം ട്വിറ്ററില് കുറിച്ചു.
Deeply saddened by loss of lives and damage due to the earthquake in Nepal. India stands in solidarity with the people of Nepal and is ready to extend all possible assistance. Our thoughts are with the bereaved families and we wish the injured a quick recovery. @cmprachanda
— Narendra Modi (@narendramodi) November 4, 2023
വെള്ളിയാഴ്ച രാത്രിയാണ് ഭൂകമ്പമുണ്ടായത്. ദുരന്തത്തില് മരിച്ചവരുടെ എണ്ണം 128 ആയി. നൂറിലേറെ പേര്ക്ക് പരിക്ക് പറ്റി. റിക്ടര് സ്കെയിലില് 6.4 തീവ്രത രേഖപ്പെടുത്തിയ ഭൂചലനത്തില് നിരവധി വീടുകളും കെട്ടിടങ്ങളും തകര്ന്നു. ഡല്ഹി ഉള്പ്പെടെ ഇന്ത്യയുടെ വിവിധ ഭാഗങ്ങളിലും ഭൂചലനം അനുഭവപ്പെട്ടു. രക്ഷാ പ്രവര്ത്തനം പുരോഗമിക്കുകയാണെന്നു അധികൃതര് വ്യക്തമാക്കി.
അന്വേഷണം വാർത്തകൾ വാട്സ്ആപ്പിലൂടെ ലഭിക്കാൻ ക്ലിക്ക് ചെയ്യു
