അന്വേഷണം വാർത്തകൾ ലഭിക്കാന് വാട്സാപ്പ് ചാനലില് ചേരൂ.
കോഴിക്കോട്: കോഴിക്കോട് കുന്ദമംഗലം ഗവണ്മെന്റ് കോളേജിൽ വോട്ടെണ്ണലിനിടെ ഉണ്ടായ സംഘർഷത്തെതുടര്ന്ന് വീണ്ടും തെരഞ്ഞെടുപ്പ് നടത്തും. ഈ ആവശ്യം ഉന്നയിച്ച് കോളജ് അധികൃതര് കാലിക്കറ്റ് സര്വകശാലക്ക് കത്തയച്ചു.
കോളജ് തെരഞ്ഞെടുപ്പിനിടെയുണ്ടായ സംഘർഷത്തിനിടെ ബാലറ്റ് പേപ്പർ കീറിയിരുന്നു. സംഘർഷത്തിൽ ഉൾപ്പെട്ട 10 വിദ്യാർഥികളെ സസ്പെൻഡ് ചെയ്തു. കോളജ് രണ്ട് ദിവസത്തേക്ക് അടച്ചു. സംഘർഷത്തിൽ കണ്ടാലറിയാവുന്ന മുപ്പത് പേർക്കെതിരെ കുന്നമംഗലം പൊലിസ് കേസെടുത്തു.
കുന്നമംഗലം ഗവൺമെന്റ് കോളേജ് തെരഞ്ഞെടുപ്പ് വീണ്ടും നടത്തണം എന്നാവശ്യപ്പെട്ട് കാലിക്കറ്റ് സർവകലാശാലയെ സമീപിച്ചെന്ന് പ്രിൻസിപ്പൽ ജിസ ജോസ് പറഞ്ഞു. എസ്എഫ്ഐ പ്രവര്ത്തകര് ബാലറ്റ് പേപ്പര് കീറിയെറിഞ്ഞുവെന്നായിരുന്നു കെഎസ്യുവിന്റെ ആരോപണം. സംഘര്ഷത്തില് ആറുപേര്ക്ക് പരിക്കേറ്റിരുന്നു. ഇവര് കോഴിക്കോട്ടെ സ്വകാര്യ ആശുപത്രിയില് ചികിത്സ തേടി. വിവരമറിഞ്ഞ് സ്ഥലത്തെത്തിയ പൊലീസ് രണ്ടുപേരെ കസ്റ്റഡിയിലെടുക്കുകയായിരുന്നു. സംഘര്ഷത്തെതുടര്ന്ന് ഫലപ്രഖ്യാപനം നിര്ത്തിവെക്കുകയായിരുന്നു.
ഇന്നലെ വൈകുന്നേരമാണ് കോളജ് യൂണിയൻ തെരഞ്ഞെടുപ്പിനിടെ സംഘർഷമുണ്ടായത്. പോളിങ് സ്റ്റേഷനിൽ ഫോൺ ഉപയോഗിച്ചതുമായി ബന്ധപ്പെട്ട തർക്കമാണ് പ്രശ്നങ്ങൾക്ക് തുടക്കം. അതേസമയം വീണ്ടും തെരഞ്ഞെടുപ്പ് നടത്തരുതെന്നാണ് കെ.എസ്.യു ആവശ്യം.
അന്വേഷണം വാർത്തകൾ വാട്സ്ആപ്പിലൂടെ ലഭിക്കാൻ ക്ലിക്ക് ചെയ്യു
നിങ്ങൾ അറിയാൻ ആഗ്രഹിക്കുന്ന വാർത്തകൾ നിങ്ങളുടെ Facebook Feed ൽ Anweshanam
നിങ്ങൾ അറിയാൻ ആഗ്രഹിക്കുന്ന വാർത്തകൾ നിങ്ങളുടെ ടെലിഗ്രാമിൽ അന്വേഷണം
അന്വേഷണം വാർത്തകൾ അറിയാൻ Threads– ൽ Join ചെയ്യാം
