അന്വേഷണം വാർത്തകൾ ലഭിക്കാന്‍ വാട്സാപ്പ് ഗ്രൂപ്പില്‍ ചേരൂ.
ബെംഗളൂരു: കര്‍ണാടകയില്‍ കോളേജ് വിദ്യാര്‍ഥിനിയെ തട്ടിക്കൊണ്ടുപോയി കൂട്ടബലാത്സംഗം ചെയ്തെന്ന് പരാതി. ബി.കോം വിദ്യാര്‍ഥിനിയായ 20-കാരിയാണ് നാലുപേര്‍ കൂട്ടബലാത്സംഗം ചെയ്തെന്ന് ആരോപിച്ച്‌ പോലീസില്‍ പരാതി നല്‍കിയത്. ബെള്ളാരിയിലാണ് സംഭവം.
പെണ്‍കുട്ടിയുടെ പരാതിയില്‍ ബെള്ളാരി കൗള്‍ബസാര്‍ സ്വദേശികളായ നവീന്‍, സഖീബ്, തനു എന്നിവര്‍ക്കെതിരേയും പേരറിയാത്ത മറ്റൊരാള്‍ക്കെതിരെയുമാണ് പോലീസ് കേസെടുത്തിരിക്കുന്നത്. ഇതില്‍ നവീനെ അറസ്റ്റ് ചെയ്തതായും ബാക്കി പ്രതികള്‍ക്കായി തിരച്ചില്‍ തുടരുകയാണെന്നും പോലീസ് കൂട്ടിച്ചേര്‍ത്തു.
കോളേജില്‍ നിന്ന് തട്ടിക്കൊണ്ടുപോയ വിദ്യാര്‍ഥിനിയെ കോപ്പാളിലെ ഹോട്ടല്‍ മുറിയിലെത്തിച്ച്‌ ബലാത്സംഗം ചെയ്‌തെന്നാണ് ആരോപണം. പരീക്ഷ നടക്കുന്നതിനിടെ പെണ്‍കുട്ടിയുടെ സഹോദരനാണെന്ന് പറഞ്ഞ് പ്രതികളിലൊരാള്‍ കോളേജിലെത്തിയിരുന്നു.
തുടര്‍ന്ന് ഇയാള്‍ കോളേജില്‍നിന്ന് പെണ്‍കുട്ടിയെ വിളിച്ചുവരുത്തി. പിന്നാലെ ബലംപ്രയോഗിച്ച്‌ ഓട്ടോയില്‍ കയറ്റി കൊപ്പാളിലെ ഹോട്ടലിലേക്ക് കൊണ്ടുപോയെന്നാണ് പരാതിയിലുള്ളത്.
ഹോട്ടല്‍ മുറിയില്‍ വെച്ച്‌ പ്രതികള്‍ നിര്‍ബന്ധിച്ച്‌ ബിയര്‍ കുടിപ്പിച്ചു. ബിയറില്‍ മയക്കുമരുന്നും കലര്‍ത്തിയിരുന്നു. ഇത് കുടിച്ചതോടെ പെണ്‍കുട്ടി ബോധരഹിതയായി. പിന്നാലെ നാലുപേരും ചേര്‍ന്ന് ഇരുപതുകാരിയെ കൂട്ടബലാത്സംഗം ചെയ്‌തെന്നാണ് ആരോപണം.
അന്വേഷണം വാർത്തകൾ വാട്സ്ആപ്പിലൂടെ ലഭിക്കാൻ ക്ലിക്ക് ചെയ്യു
നിങ്ങൾ അറിയാൻ ആഗ്രഹിക്കുന്ന വാർത്തകൾ നിങ്ങളുടെ Facebook Feed ൽ Anweshanam
നിങ്ങൾ അറിയാൻ ആഗ്രഹിക്കുന്ന വാർത്തകൾ നിങ്ങളുടെ ടെലിഗ്രാമിൽ അന്വേഷണം
അന്വേഷണം വാർത്തകൾ അറിയാൻ Threads– ൽ Join ചെയ്യാം
