അന്വേഷണം വാർത്തകൾ ലഭിക്കാന് വാട്സാപ്പ് ചാനലില് ചേരൂ.
ഹര്ദീപ് സിംഗ് നിജ്ജാറിന്റെ കൊലപാതകവുമായി ബന്ധപ്പെട്ട കനേഡിയന് പ്രധാനമന്ത്രി ജസ്റ്റിന് ട്രൂഡോയുടെ പ്രസ്താവന ഇൻഡോ -പസഫിക് കോണ്ഫറന്സിൽ കനേഡിയന് സൈന്യത്തിന്റെ പങ്കാളിത്തത്തെ ബാധിക്കില്ലെന്ന് കനേഡിയന് ഡെപ്യൂട്ടി ആര്മി ചീഫ് മേജര് ജനറല് പീറ്റര് സ്കോട്ട്. സൈന്യങ്ങള് തമ്മിലുള്ള ബന്ധം സൃഷ്ടിക്കാനാണ് തങ്ങള് ഇവിടെ എത്തിയതെന്നും അദ്ദേഹം പറഞ്ഞു. ഡൽഹിയിൽ നടക്കുന്ന പതിമൂന്നാമത് ഇന്ഡോ-പസഫിക് ആര്മി ചീഫ്സ് കോണ്ഫറന്സില് (ഐപിഎസിസി) പങ്കെടുക്കാന് എത്തിയതായിരുന്നു അദ്ദേഹം.
”പ്രധാനമന്ത്രി ജസ്റ്റിന് ട്രൂഡോയുടെ പ്രസ്താവനയെക്കുറിച്ച് തനിക്ക് പൂര്ണ്ണ ബോധ്യമുണ്ട്. സര്ക്കാരിന്റെ നിലപാടുകളെക്കുറിച്ചും അന്വേഷണത്തില്(നിജ്ജറിന്റെ കൊലപാതകത്തിന്റെ) ഇന്ത്യ പങ്കെടുക്കണമെന്നും സഹകരിക്കണമെന്നുമുള്ള സര്ക്കാരിന്റെ അഭ്യര്ത്ഥനയെക്കിറിച്ചും അറിയാം. പക്ഷേ, ഇന്ഡോ- പസഫിക് കോണ്ഫറന്സിലെ തങ്ങളുടെ സാന്നിദ്ധ്യത്തെ അത് ബാധിക്കുന്നില്ല. സൈന്യങ്ങള് തമ്മിലുള്ള ബന്ധം സൃഷ്ടിക്കാനാണ് ഞങ്ങള് ശരിക്കും ഇവിടെ എത്തിയിട്ടുള്ളത്. മറ്റ് പ്രശ്നങ്ങള് സര്ക്കാരുകള് സ്വയം കൈകാര്യം ചെയ്യുന്നതായിരിക്കും”- മേജര് ജനറല് സ്കോട്ട് പറഞ്ഞു
ഇന്ഡോ-പസഫിക് മേഖലയിലെ രാജ്യങ്ങളുമായി സൈനിക പരിശീലനത്തിലോ അഭ്യാസങ്ങളിലോ പങ്കെടുക്കാന് കാനഡ ആഗ്രഹിക്കുന്നുവെന്നും സ്കോട്ട് വ്യക്തമാക്കി. ഇന്ഡോ-പസഫിക് ആര്മി ചീഫ്സ് കോണ്ഫറന്സ് (ഐപിഎസി) 2023ന്റെ ഭാഗമായി എത്താന് സാധിച്ചതില് സന്തോഷമുണ്ടെന്നും അദ്ദേഹം അറിയിച്ചു.
സമാന താത്പര്യമുള്ള മറ്റ് രാജ്യങ്ങളിലേ നേതാക്കന്മാരുമായി കൂടിക്കാഴ്ച നടത്താനുള്ള ഒരു വേദി ഈ സമ്മേളനം നല്കുന്നുണ്ടെന്നും മേജര് ജനറല് സ്കോട്ട് പറഞ്ഞു. ഇന്ത്യയില് എത്തിയതില് സന്തോഷം പ്രകടിപ്പിച്ച അദ്ദേഹം, സമ്മേളനത്തിന് ഇന്ത്യ ആതിഥേയത്വം വഹിക്കുന്നത് വളരെ ഉദാരമായ കാര്യമാണെന്നും കൂട്ടിചേർത്തു.
ഫിലാഡൽഫിയയിൽ മുഖംമൂടി ധരിച്ച കൗമാരസംഘം ആപ്പിളിന്റെ സ്റ്റോറിൽ അതിക്രമിച്ചു കയറി കൊള്ളയടിച്ചു
ഇന്ത്യയുടെയും അമേരിക്കയുടെയും സൈന്യങ്ങള് 13-ാമത് ദ്വിവാര്ഷിക ഇന്ഡോ-പസഫിക് ആര്മി ചീഫ്സ് കോണ്ഫറന്സ് (ഐപിഎസിസി), 47-ാമത് വാര്ഷിക ഇന്ഡോ-പസഫിക് ആര്മി മാനേജ്മെന്റ് സെമിനാര് (IPAMS), 9-മത് സീനിയര് എന്ലിസ്റ്റഡ് ഫോറം സെപ്റ്റംബര് 25 മുതല് 27 വരെ ദേശീയ തലസ്ഥാനത്തെ മനേക്ഷാ സെന്ററിലാണ് സംഘടിപ്പിച്ചിരിക്കുന്നത്. ഇന്ത്യയുടെയും അമേരിക്കയുടെയും സൈന്യങ്ങളാണ് ഈ സമ്മേളനങ്ങള്ക്ക് ആതിഥേയത്വം വഹിക്കുന്നത്.
അന്വേഷണം വാർത്തകൾ വാട്സ്ആപ്പിലൂടെ ലഭിക്കാൻ ക്ലിക്ക് ചെയ്യു
നിങ്ങൾ അറിയാൻ ആഗ്രഹിക്കുന്ന വാർത്തകൾ നിങ്ങളുടെ Facebook Feed ൽ Anweshanam
നിങ്ങൾ അറിയാൻ ആഗ്രഹിക്കുന്ന വാർത്തകൾ നിങ്ങളുടെ ടെലിഗ്രാമിൽ അന്വേഷണം
അന്വേഷണം വാർത്തകൾ അറിയാൻ Threads– ൽ Join ചെയ്യാം
