സൗ​ദി യു​വ​തി​ക്കെ​തി​രേ ലൈം​ഗി​കാ​തി​ക്ര​മം; ലുക്ക് ഔട്ട് നോട്ടീസൊന്നും ഇല്ല, എല്ലാം നിയമപരമായി നേരിടുമെന്ന് മല്ലു ട്രാവലർ

കൊച്ചി: ലൈം​ഗി​കാ​തി​ക്ര​മ​ക്കേ​സി​ല്‍ തനിക്കെതിരെ ലൂക്ക് ഔട്ട് നോട്ടീസൊന്നും വന്നിട്ടില്ലെന്ന് വ്ലോ​ഗ​റാ​യ മ​ല്ലു​ട്രാ​വ​ല​ര്‍ എ​ന്ന ഷാക്കിർ സുബ്ഹാൻ. ഒത്തുതീർപ്പിന് ശ്രമിച്ചിട്ടില്ലെന്നും എല്ലാം നിയമപരമായി നേരിടുമെന്നും ഷാക്കിർ സമൂഹ മാധ്യമങ്ങളില്‍ പങ്കുവെച്ച പോസ്റ്റില്‍ പറയുന്നു. ചോദ്യം ചെയ്യലിന് ഹാജരാകാത്തതിനെ തുടർന്ന് എറണാകുളം സെൻട്രൽ പൊലീസ് ഷാക്കിറിനെതിരെ ലുക്ക്ഔട്ട് നോട്ടീസ് പുറപ്പെടുവിച്ചിരുന്നു എന്ന് റിപ്പോർട്ടുകളുണ്ടായിരുന്നു.

ഷാക്കിറിന്‍റെ പോസ്റ്റ്

ഒത്തു തീർപ്പിന് ക്ഷണിച്ചിട്ടില്ല, ശ്രമിക്കുകയും ഇല്ല, ലുക്ക് ഔട്ട് നോട്ടീസ് ഇതുവരെ ഇഷ്യൂ ചെയ്തിട്ടില്ല. ഞാൻ പറഞ്ഞു. നിയമപരമായി നമ്മൾ നേരിടും. പിന്നെ ഒരു വ്യക്തി എനിക്കെതിരെ കള്ളക്കേസ് കൊടുത്തു എന്ന് വെച്ച് ഉടൻ നാട്ടിൽ വരേണ്ട കാര്യം ഉണ്ടെന്ന് എനിക്ക് തോന്നുന്നില്ല. ഞാൻ വീട്ടിൽ നിന്ന് ഇറങ്ങിയത് എന്ത് കാര്യങ്ങൾ ചെയ്യാൻ ആണോ അതൊക്കെ ചെയ്‌തെ വരികയുള്ളൂ അതിനിടയിൽ കേസുമായി ബന്ധപ്പെട്ട് പൊലീസോ കോടതിയോ വരാൻ പറഞ്ഞാൽ മാത്രമെ എനിക്ക് വരേണ്ട കാര്യമുള്ളൂ. കോൺഫിഡന്റോട് കൂടി പറയട്ടെ ഇത് കള്ളക്കേസാണെന്ന് 1000000% തെളിയിക്കുന്ന എല്ലാം ഞങ്ങളുടെ കയ്യിലുണ്ട്. അത് കോടതിയെ ബോധ്യപ്പെടുത്തണം എന്ന കടമ്പ മത്രമെ ഉള്ളൂ. അത് വരെ അവർ ആഘോഷിക്കട്ടെ അതുകഴിഞ്ഞ് നമുക്ക് ആഘോഷിക്കാം.

ഷാക്കിര്‍ വി​ദേ​ശ​ത്താ​യ​തി​നാ​ല്‍ പ​രാ​തി ല​ഭി​ച്ച് ദി​വ​സ​ങ്ങ​ള്‍ പി​ന്നി​ട്ടി​ട്ടും പോ​ലീ​സി​ന് ഇ​യാ​ളെ ചോ​ദ്യം​ചെ​യ്യാ​നോ മ​റ്റു ന​ട​പ​ടി​ക​ളി​ലേ​ക്കു ക​ട​ക്കാ​നോ സാ​ധി​ച്ചി​രു​ന്നി​ല്ല. ഉ​ട​ന്‍ പോ​ലീ​സ് സ്റ്റേ​ഷ​നി​ല്‍ ഹാ​ജ​രാ​ക​ണ​മെ​ന്ന് നി​ര്‍​ദേ​ശം ന​ല്‍​കി​യി​രു​ന്നു.
 
വി​മാ​ന​ത്താ​വ​ള​ത്തി​ല്‍ എ​ത്തു​ക​യാ​ണെ​ങ്കി​ൽ ത​ട​ഞ്ഞു​വ​ച്ച് ത​ങ്ങ​ളെ അ​റി​യി​ക്ക​ണ​മെ​ന്നാ​ണ് പോ​ലീ​സ് നി​ര്‍​ദേ​ശം. കേ​സു​മാ​യി ബ​ന്ധ​പ്പെ​ട്ട ന​ട​പ​ടി​ക്ര​മ​ങ്ങ​ള്‍ പോ​ലീ​സ് ശ​ക്ത​മാ​ക്കി​യി​ട്ടു​ണ്ട്. പ​രാ​തി​ക്കാ​രി​യു​ടെ ര​ഹ​സ്യ​മൊ​ഴി ജി​ല്ലാ മ​ജി​സ്‌​ട്രേ​ട്ട് കോ​ട​തി​യി​ല്‍ ക​ഴി​ഞ്ഞ ദി​വ​സം രേ​ഖ​പ്പെ​ടു​ത്തി​യി​രു​ന്നു.

കോ​ഴി​ക്കോ​ട് സ്വ​ദേ​ശി​യാ​യ പ്ര​തി​ശ്രു​ത​വ​ര​നൊ​പ്പം അ​ഭി​മു​ഖ​വു​മാ​യി ബ​ന്ധ​പ്പെ​ട്ട് എ​ത്തി​യ ത​ന്നെ ഷാ​ക്കീ​ര്‍ കൊ​ച്ചി​യി​ലെ ഹോ​ട്ട​ലി​ല്‍ വ​ച്ച് ലൈം​ഗി​ക​മാ​യി ഉ​പ​ദ്ര​വി​ച്ചെ​ന്നാ​ണ് സൗ​ദി സ്വ​ദേ​ശി​നി​യു​ടെ പ​രാ​തി.

സു​ഹൃ​ത്ത് പു​റ​ത്തേ​ക്ക് പോ​യ സ​മ​യ​ത്താ​യി​രു​ന്നു സം​ഭ​വ​മെ​ന്നും അ​ശ്ലീ​ല ചു​വ​യോ​ടെ സം​സാ​രി​ച്ചെ​ന്നും പ​രാ​തി​യി​ല്‍ പ​റ​യു​ന്നു. ഇ​തി​ന്‍റെ അ​ടി​സ്ഥാ​ന​ത്തി​ലാ​ണ് മ​ല്ലു ട്രാ​വ​ല​ര്‍ ഷാ​ക്കി​ര്‍ സു​ബ്ഹാ​നെ​തി​രേ എ​റ​ണാ​കു​ളം സെ​ന്‍​ട്ര​ല്‍ പോ​ലീ​സ് കേ​സെ​ടു​ത്ത​ത്.

അന്വേഷണം വാർത്തകൾ വാട്സ്ആപ്പിലൂടെ ലഭിക്കാൻ ക്ലിക്ക് ചെയ്യു

നിങ്ങൾ അറിയാൻ ആഗ്രഹിക്കുന്ന വാർത്തകൾ നിങ്ങളുടെ Facebook Feed ൽ Anweshanam

നിങ്ങൾ അറിയാൻ ആഗ്രഹിക്കുന്ന വാർത്തകൾ നിങ്ങളുടെ ടെലിഗ്രാമിൽ അന്വേഷണം

അന്വേഷണം വാർത്തകൾ അറിയാൻ  Threads– ൽ Join ചെയ്യാം