അന്വേഷണം വാർത്തകൾ ലഭിക്കാന് വാട്സാപ്പ് ചാനലില് ചേരൂ.തിരുവനന്തപുരം: സംസ്ഥാനത്തെ മഴമുന്നറിയിപ്പില് മാറ്റം. ജനങ്ങള് ജാഗ്രത പാലിക്കണമെന്ന് കാലാവസ്ഥ വകുപ്പ് നിര്ദ്ദേശിച്ചു. മലയോര മേഖലകളില് പ്രത്യേക ജാഗ്രത നിര്ദേശം പുറപ്പെടുവിച്ചിട്ടുണ്ട്.
read more ഹിന്ദുത്വ രാഷ്ട്രീയം: തിരുവനന്തപുരത്ത് സംവാദം, സി.രവിചന്ദ്രനും സന്ദീപ് വാചസ്പതിയും ഏറ്റുമുട്ടുന്നു
ശക്തമായ മഴ സാധ്യ കണക്കിലെടുത്ത് ആറ് ജില്ലകളില് ഇന്ന് യെല്ലോ അലേര്ട്ട് പ്രഖ്യാപിച്ചിട്ടുണ്ട്. ആലപ്പുഴ, കോട്ടയം, എറണാകുളം, ഇടുക്കി, തൃശ്ശൂര് ,പാലക്കാട് ജില്ലകള്ക്കാണ് മുന്നറിയിപ്പ്.
കേരള തീരത്തും തെക്കന് തമിഴ്നാട് തീരത്തും കടലാക്രമണത്തിന് സാധ്യതയുണ്ട്. ചക്രവാതച്ചുഴിയുടെ സ്വാധീനഫലമായാണ് കേരളത്തില് മഴ കനക്കുന്നത്. തെക്ക്-കിഴക്കന് ഝാര്ഖണ്ഡിന് മുകളില് ന്യൂനമര്ദ്ദം സ്ഥിതി ചെയ്യുന്നുണ്ട്.
കോമോറിയന് തീരത്തായി ചക്രവാതച്ചുഴിയും നിലനില്ക്കുന്നു. സെപ്റ്റംബര് ഇരുപത്തിയഞ്ചോടെ പടിഞ്ഞാറന് രാജസ്ഥാനില് നിന്ന് കാലവര്ഷത്തിന്റെ പിന്വാങ്ങല് ആരംഭിക്കാന് സാധ്യതയെന്ന് കേന്ദ്ര കാലാവസ്ഥ വകുപ്പ് അറിയിച്ചു.
അതിനിടെ ഇടവിട്ടുള്ള മഴ തുടരുന്ന സാഹചര്യത്തില് ഡെങ്കിപ്പനിക്കും എലിപ്പനിക്കുമെതിരെ അതീവ ജാഗ്രത പാലിക്കണമെന്ന് ആരോഗ്യ വകുപ്പ് മന്ത്രി വീണാ ജോര്ജ്.
ഇടവിട്ടുള്ള മഴ തുടരുന്നതിനാല് വീടുകളും സ്ഥാപനങ്ങളും പൊതു ഇടങ്ങളും ഉള്പ്പെടെ രോഗം പരത്തുന്ന കൊതുകുകളുടെ നിയന്ത്രണം സമഗ്രമായ രീതിയില് തുടരേണ്ടത് രോഗപ്പകര്ച്ച തടയുന്നതിനും രോഗനിയന്ത്രണത്തിനും അനിവാര്യമാണ്. ഡെങ്കിപ്പനി പ്രതിരോധത്തില് കൂട്ടായ പ്രവര്ത്തനം അത്യാവശ്യമാണെന്നും മന്ത്രി പറഞ്ഞു.
അന്വേഷണം വാർത്തകൾ വാട്സ്ആപ്പിലൂടെ ലഭിക്കാൻ ക്ലിക്ക് ചെയ്യു
നിങ്ങൾ അറിയാൻ ആഗ്രഹിക്കുന്ന വാർത്തകൾ നിങ്ങളുടെ Facebook Feed ൽ Anweshanam
നിങ്ങൾ അറിയാൻ ആഗ്രഹിക്കുന്ന വാർത്തകൾ നിങ്ങളുടെ ടെലിഗ്രാമിൽ അന്വേഷണം
അന്വേഷണം വാർത്തകൾ അറിയാൻ Threads– ൽ Join ചെയ്യാം
