അന്വേഷണം വാർത്തകൾ ലഭിക്കാന് വാട്സാപ്പ് ചാനലില് ചേരൂ.കോട്ട: നീറ്റ് പരീക്ഷയ്ക്ക് തയ്യാറെടുക്കുകയായിരുന്ന 16 വയസുകാരിയെ ആത്മഹത്യ ചെയ്ത നിലയില് കണ്ടെത്തി. രാജസ്ഥാനിലെ കോട്ടയില് നീറ്റ് പരിശീലന സ്ഥാപനത്തില് പഠിക്കുകയായിരുന്ന പന്ത്രണ്ടാം ക്ലാസ് വിദ്യാര്ത്ഥിനിയാണ് മരിച്ചത്.
ഉത്തര്പ്രദേശ് സ്വദേശിയായ പ്രിയ സിങ് (16) ആണ് ജീവനൊടുക്കിയത്. മുറിയില് വച്ച് കീടനാശിനി കുടിക്കുകയായിരുന്നു എന്നാണ് റിപ്പോര്ട്ടുകള്. കോട്ടയിലെ വിഗ്യാന് നഗറില് പേയിങ് ഗസ്റ്റായി താമസിക്കുകയായിരുന്നു പെണ്കുട്ടി.
തിങ്കളാഴ്ച ഉച്ചയോടെ മുറിയില് വെച്ച് കീടനാശിനി കുടിച്ച് അവശയായ വിദ്യാര്ത്ഥിനി ഛര്ദിക്കാന് തുടങ്ങി. മറ്റ് വിദ്യാര്ത്ഥികളാണ് വിവരമറിഞ്ഞ് പ്രിയയെ ആശുപത്രിയില് എത്തിച്ചത്. എന്നാല് വൈകുന്നേരത്തോടെ മരണം സംഭവിച്ചു.
പ്രിയ സിങിന്റെ മരണത്തിലേക്ക് നയിച്ച കാരണങ്ങള് കണ്ടെത്താന് അന്വേഷണം തുടരുകയാണെന്ന് ഡിഎസ്പി ധരംവീര് സിങ് പറ്ഞു. ആത്മഹത്യാ കുറിപ്പുകളൊന്നും കണ്ടെത്താന് പൊലീസ് അന്വേഷണത്തില് കഴിഞ്ഞിട്ടില്ല.
രാജസ്ഥാനിലെ കോട്ട നഗരത്തില് ഈ വര്ഷം ആത്മഹത്യ ചെയ്യുന്ന 24-ാമത്തെ നീറ്റ് കോച്ചിങ് വിദ്യാര്ത്ഥിനിയാണ് പ്രിയ സിങ്. ഈ മാസം റിപ്പോര്ട്ട് ചെയ്യപ്പെടുന്ന രണ്ടാമത്തെ ആത്മഹത്യയും.
(ഓർക്കുക ആത്മഹത്യ ഒന്നിനും പരിഹാരമല്ല, മാനസികാരോഗ്യ വിദഗ്ധരുടെ സഹായം തേടുക, അതിജീവിക്കാൻ ശ്രമിക്കുക. ഹെൽപ്പ് ലൈൻ നമ്പർ 1056)
അന്വേഷണം വാർത്തകൾ വാട്സ്ആപ്പിലൂടെ ലഭിക്കാൻ ക്ലിക്ക് ചെയ്യു
നിങ്ങൾ അറിയാൻ ആഗ്രഹിക്കുന്ന വാർത്തകൾ നിങ്ങളുടെ Facebook Feed ൽ Anweshanam
നിങ്ങൾ അറിയാൻ ആഗ്രഹിക്കുന്ന വാർത്തകൾ നിങ്ങളുടെ ടെലിഗ്രാമിൽ അന്വേഷണം
അന്വേഷണം വാർത്തകൾ അറിയാൻ Threads– ൽ Join ചെയ്യാം
