ച​ന്ദ്ര​ബാ​ബു നാ​യി​ഡു​വി​ന്‍റെ അ​റ​സ്റ്റ് അ​ന​ധി​കൃ​തം, ഇടപെടണം; രാ​ഷ്ട്ര​പ​തി​ക്കും കേ​ന്ദ്ര​ത്തി​നും ക​ത്തെ​ഴു​തി ടി​ഡി​പി

അ​മ​രാ​വ​തി: തെ​ലു​ങ്ക് ദേ​ശം പാ​ർ​ട്ടി നേ​താ​വും ആ​ന്ധ്രാ പ്ര​ദേ​ശ് മു​ൻ മു​ഖ്യ​മ​ന്ത്രി​യു​മാ​യ എ​ൻ. ച​ന്ദ്ര​ബാ​ബു നാ​യി​ഡു​വി​ന്‍റെ അ​റ​സ്റ്റി​ൽ പ്ര​തി​ഷേ​ധി​ച്ച് രാ​ഷ്ട്ര​പ​തി ദ്രൗ​പ​ദി മു​ർ​മു, പ്ര​ധാ​ന​മ​ന്ത്രി ന​രേ​ന്ദ്ര മോ​ദി, കേ​ന്ദ്ര ആ​ഭ്യ​ന്ത​ര മ​ന്ത്രി അ​മി​ത് ഷാ ​എ​ന്നി​വ​ർ​ക്ക് ക​ത്ത് ന​ൽ​കി ടി​ഡി​പി. നാ​യി​ഡു​വി​ന്‍റെ അ​റ​സ്റ്റ് അ​ന​ധി​കൃ​ത​മാ​ണെ​ന്നും വി​ഷ​യ​ത്തി​ൽ ഇ​ട​പെ​ട​ണ​മെ​ന്നു​മാ​ണ് രാ​ഷ്ട്ര​പ​തി​യോ​ടും കേ​ന്ദ്ര നേ​താ​ക്ക​ളോ​ടും ടി​ഡി​പി പ്ര​വ​ർ​ത്ത​ക​ർ ആ​വ​ശ്യ​പ്പെ​ട്ടി​ട്ടു​ള്ള​ത്.

ക​ഴി​ഞ്ഞ 45 വ​ർ​ഷ​മാ​യി സം​ശു​ദ്ധ രാ​ഷ്ട്രീ​യ​പ്ര​വ​ർ​ത്ത​നം ന​ട​ത്തു​ന്ന നാ​യി​ഡു​വി​നെ അ​റ​സ്റ്റ് ചെ​യ്ത ന​ട​പ​ടി ജ​നാ​ധി​പ​ത്യ​വി​രു​ദ്ധ​മാ​ണെ​ന്നും ഇ​ത് അ​ന​ധി​കൃ​ത ന​ട​പ​ടി​യാ​ണെ​ന്നു​മാ​ണ് പാ​ർ​ട്ടി ആ​രോ​പി​ക്കു​ന്ന​ത്.

ആ​ന്ധ്രാ പ്ര​ദേ​ശ് സ്‌​കി​ൽ ഡെ​വ​ല​പ്‌​മെ​ന്‍റ് കോ​ർ​പ്പ​റേ​ഷ​ൻ അ​ഴി​മ​തി​ക്കേ​സി​ൽ ഇ​ന്ന് പു​ല​ർ​ച്ചെ​യാ​ണ് ജാ​മ്യ​മി​ല്ലാ വ​കു​പ്പു​ക​ൾ ചേ​ർ​ത്ത് ന​ന്ദ്യാ​ൽ പോ​ലീ​സ് നാ​യി​ഡു​വി​നെ അ​റ​സ്റ്റ് ചെ​യ്ത​ത്. പാ​ർ​ട്ടി പ്ര​വ​ർ​ത്ത​ക​രു​ടെ വ​ലി​യ​പ്ര​തി​രോ​ധം ഭേ​ദി​ച്ചാ​ണ് പോ​ലീ​സ് നാ​യി​ഡു​വി​നെ ക​സ്റ്റ​ഡി​യി​ലെ​ടു​ത്ത​ത്.

 
ചന്ദ്രബാബു നായിഡുവിനെ ഇന്ന് വൈകിട്ട് തന്നെ കോടതിയിൽ ഹാജരാക്കിയേക്കും. ആന്ധ്രയിലെ നന്ത്യാലിൽ നിന്നാണ് നായിഡുവിനെ ആന്ധ്ര പൊലീസിന്റെ സിഐഡി വിഭാഗം അറസ്റ്റ് ചെയ്തത്. ആന്ധ്ര മാനവവിഭവ ശേഷി പദ്ധതി അഴിമതിയുമായി ബന്ധപ്പെട്ട കേസിലാണ് അറസ്റ്റ്. 
 
നിലവിൽ നായിഡു ഉള്ളത് ഗുണ്ടൂരിലെ സിഐഡി ഓഫിസിലാണ്. വിജയവാഡയിലെ മെട്രോ പൊളിറ്റൻ മജിസ്ട്രറ്റ് കോടതിയിൽ ആണ് നായിഡുവിനെ ഹാജരാക്കുക. കോടതിക്ക് പുറത്ത് വൻ സുരക്ഷാ സന്നാഹമാണ് നിലയുറപ്പിച്ചിട്ടുള്ളത്. അതേസമയം, ചന്ദ്രബാബു നായിഡുവിന്റെ  അറസ്റ്റിൽ നിയമപോരാട്ടത്തിനുള്ള തയ്യാറെടുപ്പിലാണ് ടിഡിപി. മുതിർന്ന സുപ്രീംകോടതി അഭിഭാഷകൻ സിദ്ധാർഥ് ലുത്രയാണ് നായിഡുവിന് വേണ്ടി മെട്രോ പൊളിറ്റൻ കോടതിയിൽ ഹാജരാകുന്നത്. 
 
അതിനിടെ, സംയമനം പാലിക്കണമെന്നും നിയമം കയ്യിലെടുക്കരുതെന്നും നായിഡു അണികളോട് അഭ്യർത്ഥിച്ചിട്ടുണ്ട്. മുതിർന്ന പല ടിഡിപി നേതാക്കളും വീട്ടു തടങ്കലിലാണ്. പ്രതിഷേധങ്ങൾക്ക് തടയിടാനാണ് ആന്ധ്രാ പൊലീസ് ശ്രമിക്കുന്നതെന്ന് ടിഡിപി പറയുന്നു.