മണിപ്പൂർ കലാപത്തിൽ കേന്ദ്ര സർക്കാരിന്റെ മന്ദഗതിയിലുള്ള പ്രതികരണങ്ങളെക്കുറിച്ച് ആശങ്ക : യു.എൻ വിദഗ്ധ സംഘത്തിന്റെ റിപ്പോർട്ട്

2023 മെയ് മാസത്തിൽ പൊട്ടിപ്പുറപ്പെട്ട കലാപം വലിയ പ്രത്യാഘാതങ്ങളുണ്ടാക്കി. 2023 ആഗസ്റ്റ് പകുതിയോടെ ഏകദേശം 160 പേർ കൊല്ലപ്പെട്ടതായി റിപ്പോർട്ട് ചെയ്യപ്പെട്ടിട്ടുണ്ട്. കൂടുതലും ന്യൂനപക്ഷ ക്രിസ്ത്യൻ വിഭാഗങ്ങൾ ഭൂരിപക്ഷമുള്ള കുക്കി സമുദായത്തിൽ നിന്നാണ്, 300ലധികം പേർക്ക് പരിക്കേറ്റു.

UN special rapporteurs on Manipur- It is particularly concerning that the violence seems 2 have been preceded and incited by hateful and inflammatory speech that spread online and offline to justify the atrocities committed against the Kuki ethnic minority https://t.co/UEQjDyNfgX

— Rana Ayyub (@RanaAyyub) September 5, 2023

 മണിപ്പൂർ കലാപവുമായി ബന്ധപ്പെട്ട് കേന്ദ്ര സർക്കാരിന്റെ മന്ദഗതിയിലുള്ളതും അപര്യാപ്തവുമായ പ്രതികരണങ്ങളെക്കുറിച്ച് ആശങ്കയെന്ന് യു.എൻ വിദഗ്ധ സംഘത്തിന്റെ റിപ്പോർട്ട്. മണിപ്പൂരിൽ നടക്കുന്ന അക്രമങ്ങളും വിദ്വേഷ പ്രസംഗങ്ങളും തടയുന്നതിൽ നിയമപാലകർ ഉൾപ്പെടെയുള്ളർ സ്വീകരിക്കുന്ന മെല്ലപ്പോക്കിനെ യു.എൻ വെബ്സൈറ്റിൽ പ്രസിദ്ധീകരിച്ച റിപ്പോർട്ടിൽ വിമർശിക്കുന്നു.
‘വീടുകൾ നശിപ്പിക്കൽ, നിർബന്ധിത പാലായനം, പീഡനം ഉൾപ്പെടെ ഇന്ത്യയിലെ വടക്കുകിഴക്കൻ സംസ്ഥാനമായ മണിപ്പൂരിൽ നടക്കുന്ന ഗുരുതരമായ മനുഷ്യാവകാശ ലംഘനങ്ങളെക്കുറിച്ച് ആശങ്കയുണ്ട്.

null

നൂറുകണക്കിന് സ്ത്രീകളെയും പെൺകുട്ടികളെയും(പ്രധാനമായും കുക്കികൾ) ലക്ഷ്യമിട്ടുള്ള ലിംഗാധിഷ്ഠിത അക്രമത്തിന്റെ റിപ്പോർട്ടുകളും ചിത്രങ്ങളും ഞെട്ടിച്ചു. കൂട്ടബലാത്സംഗം, സ്ത്രീകളെ നഗ്നരായി തെരുവിൽ പരേഡ് നടത്തുക, കഠിനമായ മർദനങ്ങളിലൂടെ മരണത്തിലേക്ക് നയിക്കുക, അവരെ ജീവനോടെയോ അല്ലാതെയോ ചുട്ടെരിക്കുക എന്നിവ ഉൾപ്പെടെയുള്ള ക്രൂരകൃത്യങ്ങൾ സംസ്ഥാനത്ത് നടന്നെന്ന് മനസിലാക്കുന്നു.

Also Read : മൂന്ന് വയസിനു മുമ്പ് പ്രീ സ്കൂളിൽ ചേർക്കുന്നത് നിയമ വിരുദ്ധം : ഗുജറാത്ത് ഹൈ കോടതി
ഓൺലൈനിലും ഓഫ് ലൈനിലും പ്രചരിക്കുന്ന വിദ്വേഷവും പ്രകോപനപരവുമായ പ്രസംഗങ്ങളാണ് അക്രമത്തിന് പ്രേരിപ്പിച്ചത്. മണിപ്പൂരിലെ സമീപകാല സംഭവങ്ങൾ ഇന്ത്യയിലെ മതപരവും വംശീയവുമായ ന്യൂനപക്ഷങ്ങളുടെ ക്രമാനുഗതമായ അധപതനത്തിന്റെ മറ്റൊരു ദാരുണമായ സംഭവമായി വിലയിരുത്തുന്നു. മണിപ്പൂരിലെ ശാരീരികവും ലൈംഗികവുമായ അക്രമങ്ങളും വിദ്വേഷ പ്രസംഗങ്ങളും തടയുന്നതിന് നിയമപാലകർ ഉൾപ്പെടെയുള്ള ഇന്ത്യൻ ഗവൺമെന്റിന്റെ മന്ദഗതിയിലുള്ളതും അപര്യാപ്തവുമായ പ്രതികരണത്തെക്കുറിച്ച് ഗുരുതരമായ ആശങ്കകളുണ്ടെന്നും സംഘം കുറ്റപ്പെടുത്തി.
 

അന്വേഷണം വാർത്തകൾ വാട്സ്ആപ്പിലൂടെ ലഭിക്കാൻ ക്ലിക്ക് ചെയ്യു

നിങ്ങൾ അറിയാൻ ആഗ്രഹിക്കുന്ന വാർത്തകൾ നിങ്ങളുടെ Facebook Feed ൽ Anweshanam

നിങ്ങൾ അറിയാൻ ആഗ്രഹിക്കുന്ന വാർത്തകൾ നിങ്ങളുടെ ടെലിഗ്രാമിൽ അന്വേഷണം

അന്വേഷണം വാർത്തകൾ അറിയാൻ  Threads– ൽ Join ചെയ്യാം