അന്വേഷണം വാർത്തകൾ ലഭിക്കാന് വാട്സാപ്പ് ചാനലില് ചേരൂ.മുംബൈ: സിനിമയില് അഭിനയിക്കാമെന്ന് പറഞ്ഞ് പറ്റിച്ച് 18കാരിയെ സുഹൃത്തിന്റെ ഫ്ലാറ്റിലേക്ക് വിളിച്ചു വരുത്തി ലൈംഗിക അതിക്രമം നടത്തിയ കേസില് സിനിമ എഡിറ്ററും കാസ്റ്റിങ് ഡയറക്ടറുമായ യുവാവ് അറസ്റ്റില്.
26 വയസ്സുകാരനായ ബിഹാര് സ്വദേശി ദീപക് മലേകറാണ് അറസ്റ്റിലായത്. നേരത്തേ ഫെയ്സ്ബുക്ക് വഴി യുവതിയുമായി പരിചയം സ്ഥാപിച്ച ഇയാള് രണ്ടുമാസം മുൻപ് യുവതിയുമായി വിവാഹാലോചന നടത്തിയിരുന്നു. തുടര്ന്ന് ഇയാള് സുഹൃത്തിന്റെ താമസസ്ഥലത്തേക്ക് യുവതിയെ വിളിച്ചു വരുത്തി ലൈഗികമായി പീഡിപ്പിക്കാൻ ശ്രമിക്കുകയായിരുന്നു. ആക്രമണത്തിനിടയില് ഇയാള് യുവതിയുടെ തല ചുമരിനിടിച്ചു.
ബോധരഹിതയായ യുവതി മരിച്ചെന്നു കരുതിയ പ്രതി ഫ്ലാറ്റു പൂട്ടി രക്ഷപ്പെട്ടു. പിന്നീട് ബോധം വന്ന യുവതി ശബ്ദം വെച്ചതിനെതുടര്ന്ന് പരിസര വാസികള് പൊലീസിനെ അറിയിക്കുകയായിരുന്നു. ഫോണ് സ്വിച്ച് ഓഫ് ചെയ്ത പ്രതി പൊലീസിനെ കബളിപ്പിച്ച് മുങ്ങി നടക്കുകയായിരുന്നു. പ്രതിക്കെതിതെ കൊലപാതകശ്രമമടക്കമുള്ള വകുപ്പുകള് ചേര്ത്ത് കേസെടുത്തതായി പൊലീസ് അറയിച്ചു.
അന്വേഷണം വാർത്തകൾ വാട്സ്ആപ്പിലൂടെ ലഭിക്കാൻ ക്ലിക്ക് ചെയ്യു
നിങ്ങൾ അറിയാൻ ആഗ്രഹിക്കുന്ന വാർത്തകൾ നിങ്ങളുടെ Facebook Feed ൽ Anweshanam
നിങ്ങൾ അറിയാൻ ആഗ്രഹിക്കുന്ന വാർത്തകൾ നിങ്ങളുടെ ടെലിഗ്രാമിൽ അന്വേഷണം
അന്വേഷണം വാർത്തകൾ അറിയാൻ Threads– ൽ Join ചെയ്യാം
