അന്വേഷണം വാർത്തകൾ ലഭിക്കാന് വാട്സാപ്പ് ചാനലില് ചേരൂ.കൊച്ചി : മാമന്നന് സിനിമയിലെ വില്ലന് റോളിലൂടെ ഫഹദ് തമിഴകത്ത് നേടിയ കൈയ്യടി തമിഴ് സോഷ്യൽ മീഡിയ ഹാൻഡിലുകളിൽ കണ്ട് തരിച്ചിരിക്കുകയായിരുന്നു മലയാളികള്.
വില്ലൻ കഥാപാത്രത്തിന് നായകനേക്കാള് പ്രശംസ കിട്ടുന്നത്, അതും ഒരു മലയാള നടന് തമിഴില് കിട്ടുന്നത് സാധാരണയല്ല. ഈ ചര്ച്ചകള് നടന്നുകൊണ്ടിരിക്കുമ്ബോള്ത്തന്നെയാണ് ജയിലറിലെ വേഷത്തിന് വിനായകനും കയ്യടി നേടുന്നത്. രജനികാന്തിന്റെ വില്ലനായെത്തിയ വിനായകന് തമിഴില് വൻ സ്വീകാര്യതയാണ് ലഭിച്ചുകൊണ്ടിരിക്കുന്നത്. ഒരു ഗ്യാംങ് ലീഡറായ, രജനിയുടെ നായക കഥാപാത്രം മുത്തുവേല് പാണ്ഡ്യനെ എതിര്ത്ത് നില്ക്കുന്ന ക്രൂരനായ വര്മ്മന് എന്ന വേഷത്തിലാണ് വിനായകന്.
read more ഏഷ്യന് ചാമ്പ്യന്സ് ട്രോഫി ഹോക്കി; ജപ്പാനെ തകർത്ത് ഇന്ത്യ ഫൈനലില്
അഭിനയത്തിലും മാനറിസത്തിലും ചിലപ്പോള് രജനികാന്തിനേക്കാള് മുകളില് നില്ക്കുന്ന പ്രകടനമാണ് വിനായകന് കാഴ്ചവെച്ചിരിക്കുന്നത് എന്നാണ് പ്രേക്ഷകര് ഒന്നടങ്കം സാക്ഷ്യപ്പെടുത്തുന്നത്. ഇതിനോടകം തന്നെ മികച്ച നടന് എന്ന പേരെടുത്തിട്ടുള്ള വിനായകന്റെ കരിയറിലെ ഏറ്റവും മികച്ച വേഷങ്ങളിലൊന്നായിരിക്കും ഇത് എന്നാണ് പലരുടേയും നിരൂപണം.
വിനായകന് കയ്യടി കിട്ടുമ്പോള് അപ്പുറത്ത് ട്രോള് അടി കിട്ടുന്ന ഒരാളുണ്ട്. അമ്മ ജനറല് സെക്രട്ടറി ഇടവേള ബാബു. മുൻ മുഖ്യമന്ത്രി ഉമ്മന് ചാണ്ടിയുടെ മരണസമയത്ത് വിനായകന് പറഞ്ഞ കാര്യങ്ങള് വിവാദമായിരുന്നു. ഇതിനോട് അനുബന്ധിച്ച് ഇടവേള ബാബു, വിനായകനെ കുറിച്ച് പറഞ്ഞതായുള്ള ഒരു വാട്സാപ്പ് മെസേജിന്റെ സ്ക്രീന്ഷോട്ട് പ്രചരിച്ചിരുന്നു. ‘വിനായകന് അമ്മയിൽ അംഗമല്ല. ഞാന് ഉള്ളയിടത്തോളം കാലം ഇവിടേക്ക് കയറ്റില്ല. അവനുമായി സഹകരിക്കാറില്ല ഇനിയൊട്ടും അടുപ്പിക്കുകയും ഇല്ല’ എന്നായിരുന്നു ഇടവേള ബാബുവിന്റേതായി പ്രചരിച്ച വാട്സാപ്പ് മെസേജിന്റെ സ്ക്രീന്ഷോട്ട്.
സിനിമകളുടെ ബാഹുല്യം കാരണം ഇടവേള ബാബുവിന് ജയിലറിലെ വിനായകന്റെ പ്രകടനത്തെ കുറിച്ച് അഭിപ്രായം പറയാൻ സമയം കിട്ടിയില്ല എന്നാണ് ഒരു ട്രോളന്റെ കമന്റ്. നായകന് അരങ്ങ് വാഴാന് മലയാള സിനിമ തന്നെ വേണമെന്നില്ല എന്നാണ് ജയിലറിന്റെ പ്രകടനം ചൂണ്ടിക്കാട്ടി കൊണ്ട് സോഷ്യൽ മീഡിയ പറയുന്നു. വിനായകനുമായി ഇടവേള ബാബു സഹകരിച്ചില്ലെങ്കില് ഒന്നും സംഭവിക്കാനില്ലെന്നും ചിലര് പറഞ്ഞു. രജനികാന്തിന് മുഖത്തോട് മുഖം നില്ക്കുന്ന വിനായകന്റെ ചിത്രം പങ്ക് വെച്ചാണ് പലരുടേയും പ്രതികരണം.
അന്വേഷണം വാർത്തകൾ വാട്സ്ആപ്പിലൂടെ ലഭിക്കാൻ ക്ലിക്ക് ചെയ്യു,
നിങ്ങൾ അറിയാൻ ആഗ്രഹിക്കുന്ന വാർത്തകൾ നിങ്ങളുടെ Facebook Feed ൽ Anweshanam
നിങ്ങൾ അറിയാൻ ആഗ്രഹിക്കുന്ന വാർത്തകൾ നിങ്ങളുടെ ടെലിഗ്രാമിൽ അന്വേഷണം
അന്വേഷണം വാർത്തകൾ അറിയാൻ Threads– ൽ Join ചെയ്യാം
