അന്വേഷണം വാർത്തകൾ ലഭിക്കാന് വാട്സാപ്പ് ചാനലില് ചേരൂ.
മോഹൻലാൽ നായകനാവുന്ന ബിഗ് ബജറ്റ് പാൻ ഇന്ത്യൻ ചിത്രമാണ് ‘വൃഷഭ’. തെലുങ്ക് – മലയാളം ചിത്രമായ ‘വൃഷഭ’ ഒരു ആക്ഷൻ എന്റർടെയിനറാണ്. നന്ദ കിഷോറാണ് ചിത്രം സംവിധാനം ചെയ്യുന്നത്. ഇപ്പോഴിതാ ചിത്രത്തിന്റെ ഏറ്റവും പുതിയ അപ്ഡേറ്റ് പങ്കുവെച്ചിരിക്കുകയാണ് അണിയറപ്രവർത്തകർ.
ചിത്രത്തിലൂടെ സഞ്ജയ് കപൂറിന്റെ മകൾ ഷനായ കപൂർ പാൻ ഇന്ത്യൻ അരങ്ങേറ്റം കുറിക്കുകയാണ്. റോഷൻ മെകയുടെ പെയർ ആയിട്ടാണ് ചിത്രത്തിൽ ഷനായ എത്തുന്നത്. ചിത്രത്തിൽ വളരെ പ്രധാനപ്പെട്ട കഥാപാത്രത്തെയാണ് ഷനായ അവതരിപ്പിക്കുന്നത്. ബോളിവുഡ് നിർമാതാവും സംവിധായകനുമായ കരൺ ജോഹറാണ് ഇതുസംബന്ധമായ സൂചന നൽകിയിരിക്കുന്നത്. താരപുത്രി നന്ദിയും അറിയിച്ചിട്ടുണ്ട്.
“ചില യാത്രകൾ കുത്തകാവകാശമായി ആളുകൾ കാണുന്നു. ചിലതിന് പാരമ്പര്യത്തിന്റെ ആനുകൂല്യമായി മുദ്രകുത്തപ്പെടുന്നു. അതെല്ലാം ശരിയാണ്, എന്നാൽ ഷനയിൽ മനോഹരമായ സ്വപ്നങ്ങളുളള കലാകാരിയെ മാത്രമേ ഞാൻ കാണുന്നുള്ളൂ. എല്ലാ അഭിനിവേശവും കഠിനാധ്വാനവുമായാണ് നീ കാമറക്ക് മുന്നിൽ എത്തുന്നത്. ഇത് നിനക്ക് ലഭിക്കാവുന്ന മികച്ച അവസരമാണ്. ലക്ഷ്യത്തെ മാത്രം ശ്രദ്ധിച്ച് നീങ്ങുക. വഴിയിലെ തടസങ്ങൾകൊണ്ട് ഒരിക്കലും ലക്ഷ്യത്തിൽ നിന്ന് വ്യതിചലിക്കരുത്! സന്തോഷത്തോടെ മുന്നോട്ട് പോകും” കരൺ ജോഹർ ഇൻസ്റ്റാഗ്രാമിൽ കുറിച്ചു.
“ക്യാമറയുടെ മുന്നിൽ നിൽക്കാനും അഭിനയിക്കാനും ഞാൻ കാത്തിരിക്കുകയാണ്. ഈ ചിത്രത്തിൽ നിന്നും എനിക്ക് ഒരുപാട് പഠിക്കാനുണ്ട്. ഏതൊരു വ്യക്തിക്കും ഇഷ്ടപ്പെടുന്ന തരത്തിലുള്ള കഥാപാത്രമാണിത്. വലിയ താരങ്ങളും വലിയ ബഡ്ജറ്റിൽ ഒരുങ്ങുന്ന ചിത്രത്തിന്റെ ഭാഗമാകാൻ കഴിഞ്ഞതിൽ സന്തോഷം. ഇത് സ്വപ്നം സാക്ഷാത്കരിച്ചത് പോലെയുള്ള നിമിഷമാണ്. മോഹൻലാൽ സർ കൂടി ഉണ്ടാവുന്നതോടെ വൃഷഭ എന്ന ചിത്രത്തിന്റെ ഭാഗമാകാൻ കഴിഞ്ഞതിൽ സന്തോഷം,” ഷനായ കപൂർ പറഞ്ഞു.
എ.വി.എസ് സ്റ്റുഡിയോസിന്റെ ബാനറിൽ അഭിഷേക് വ്യാസ്, ഫസ്റ്റ് സ്റ്റെപ് മൂവീസിന്റെ ബാനറിൽ വിശാൽ ഗുർനാനി, ജൂറി പരേഖ് മെഹ്ത, ശ്യാം സുന്ദർ, ബാലാജി ടെലിഫിലിംസിന്റെ ബാനറിൽ ഏക്ത കപൂർ, ശോഭ കപൂർ, കണക്ട് മീഡിയയുടെ ബാനറിൽ വരുണ് മാതുർ എന്നിവർ ചേർന്നാണ് ചിത്രം നിർമിക്കുന്നത്.
ജൂലൈ അവസാനത്തോട് കൂടി ചിത്രത്തിന്റെ ഷൂട്ടിങ്ങ് ആരംഭിക്കുമെന്നാണ് അണിയറപ്രവർത്തകർ പറയുന്നത്. മലയാളം, തെലുങ്ക്, കന്നഡ, തമിഴ്, ഹിന്ദി ഭാഷകളിൽ ചിത്രം റിലീസിനെത്തും.
അന്വേഷണം വാർത്തകൾ വാട്സ്ആപ്പിലൂടെ ലഭിക്കാൻ ക്ലിക്ക് ചെയ്യു,
നിങ്ങൾ അറിയാൻ ആഗ്രഹിക്കുന്ന വാർത്തകൾ നിങ്ങളുടെ Facebook Feed ൽ Anweshanam
നിങ്ങൾ അറിയാൻ ആഗ്രഹിക്കുന്ന വാർത്തകൾ നിങ്ങളുടെ ടെലിഗ്രാമിൽ അന്വേഷണം
അന്വേഷണം വാർത്തകൾ അറിയാൻ Threads– ൽ Join ചെയ്യാം
