അന്വേഷണം വാർത്തകൾ ലഭിക്കാന് വാട്സാപ്പ് ചാനലില് ചേരൂ.
ന്യൂഡല്ഹി: മുതലപ്പൊഴി തുറമുഖത്തെ നിരന്തര അപകടങ്ങള്ക്ക് പരിഹാരം തേടാന് കേന്ദ്രസംഘം സ്ഥലം സന്ദര്ശിക്കും. തിങ്കളാഴ്ചയാണ് കേന്ദ്രമന്ത്രി വി.മുരളീധരനൊപ്പം വിദഗ്ധസംഘം മുതലപ്പൊഴിയിലെത്തുക. ഫിഷറീസ് ഡെവലപ്പ്മെന്റ് കമ്മീഷണര്, ഫിഷറീസ് അസിസ്റ്റന്റ് കമ്മീഷണര്, സിഐസിഇഎഫ് ഡയറക്ടര് എന്നിവരാണ് സംഘത്തിലുള്ളത്.
അപകടങ്ങള് തുടര്ക്കഥയാകുന്ന മുതലപ്പൊഴിയിലെ സ്ഥിതിഗതികള് വി. മുരളീധരന് കേന്ദ്ര ഫിഷറീസ് മന്ത്രി പര്ഷോത്തം രൂപാലയെ ധരിപ്പിച്ചതിന് പിന്നാലെയാണ് കേന്ദ്ര ഇടപെടല്. കേന്ദ്ര സര്ക്കാര് വിഷയം പഠിക്കുമെന്നും അശാസ്ത്രീമായ നിര്മാണങ്ങള് പരിശോധിക്കുമെന്നും കേന്ദ്രഫിഷറീസ് മന്ത്രി, വി.മുരളീധരനുമായുള്ള കൂടിക്കാഴ്ചയ്ക്ക് ശേഷം വിശദമാക്കിയിരുന്നു.
Read more: ഏക സിവിൽകോഡ്: ബിജെപി ലക്ഷ്യം വർഗീയ ധ്രൂവീകരണം; യുസിസി സെമിനാറിൽ യെച്ചൂരി
മുതലപ്പൊഴിയില് കഴിഞ്ഞയാഴ്ച വള്ളം മറിഞ്ഞ് നാല് മല്സ്യത്തൊഴിലാളികള്ക്ക് ജീവന് നഷ്ടപ്പെട്ടിരുന്നു. പുതുക്കുറിച്ചി സ്വദേശികളായ ചേരിയില് പുരയിടത്തില് സുരേഷ് ഫെര്ണാണ്ടസ് (58), തൈവിളാകം വീട്ടില് ബിജു ആന്റണി (45), തെരുവില് തൈവിളാകത്തില് റോബിൻ എഡ്വിൻ (42), കുഞ്ഞുമോന് (40) എന്നിവരാണ് മരിച്ചത്.
അന്വേഷണം വാർത്തകൾ വാട്സ്ആപ്പിലൂടെ ലഭിക്കാൻ ക്ലിക്ക് ചെയ്യു,
നിങ്ങൾ അറിയാൻ ആഗ്രഹിക്കുന്ന വാർത്തകൾ നിങ്ങളുടെ Facebook Feed ൽ Anweshanam
നിങ്ങൾ അറിയാൻ ആഗ്രഹിക്കുന്ന വാർത്തകൾ നിങ്ങളുടെ ടെലിഗ്രാമിൽ അന്വേഷണം
അന്വേഷണം വാർത്തകൾ അറിയാൻ Threads– ൽ Join ചെയ്യാം
