കെ സുരേന്ദ്രൻ ബിജെപി സംസ്ഥാന അധ്യക്ഷനായി തുടരും

തി​രു​വ​ന​ന്ത​പു​രം: ബി​ജെ​പി സം​സ്ഥാ​ന അ​ധ്യ​ക്ഷ​നാ​യി കെ. ​സു​രേ​ന്ദ്ര​ന്‍ തു​ട​രും. ലോ​ക​സ​ഭാ തെ​ര​ഞ്ഞെ​ടു​പ്പ് ക​ഴി​യു​ന്ന​തു​വ​രെ അധ്യക്ഷ സ്ഥാനത്ത് തു​ട​രാ​ന്‍ സു​രേ​ന്ദ്ര​നോ​ട് കേ​ന്ദ്ര​നേ​തൃ​ത്വം നി​ര്‍​ദേ​ശി​ച്ചു. ഈ മാസം നടക്കുന്ന സംസ്ഥാന അധ്യക്ഷന്മാരുടെ യോഗത്തിൽ സുരേന്ദ്രൻ പങ്കെടുക്കും.

സംസ്ഥാന ഘടകങ്ങളെ പുനഃസംഘടിപ്പിക്കുന്നതിന്റെ ഭാഗമായി കെ.സുരേന്ദ്രനെ മാറ്റി കേന്ദ്രമന്ത്രി വി.മുരളീധരനെ നേതൃത്വത്തിലേക്ക് കൊണ്ടുവരമെന്ന് നേരത്തെ വാര്‍‍ത്തകള്‍ വന്നിരുന്നു.

Read More: ലോകത്തിലെ ഏറ്റവും സമ്പന്നനായ യാചകൻ ഇന്ത്യയിൽ

 
ഇന്ന് തിരുവനന്തപുരത്ത് ചേര്‍ന്ന നേതാക്കളുടെ അനൗദ്യോഗിക യോഗത്തിലേക്കാണ് കേന്ദ്ര നേതൃത്വത്തിന്റെ അറിയിപ്പ് ലഭിച്ചത്. രാജസ്ഥാന്‍, തെലങ്കാന, അടക്കമുള്ള നാല് സംസ്ഥാനങ്ങളിലെ ബിജെപി അദ്ധ്യക്ഷന്മാരെ മാറ്റി നിയമിച്ചിട്ടുണ്ട്. നേതൃമാറ്റത്തെ കുറിച്ച് തനിക്ക് ഒന്നും അറിയില്ലെന്ന് കേന്ദ്ര സഹ മന്ത്രി വി മുരളീധരൻ പറഞ്ഞു.

അതേസമയം വി ​മു​ര​ളീ​ധ​ര​നെ കേ​ന്ദ്ര​മ​ന്ത്രി​സ്ഥാ​ന​ത്തു​നി​ന്നും മാ​റ്റു​ന്ന​ത് തെ​റ്റാ​യ സ​ന്ദേ​ശ​ത്തി​നു വ​ഴി തെ​ളി​ക്കു​മെ​ന്ന വി​ല​യി​രു​ത്ത​ലി​ൽ കൂ​ടി​യാ​ണ് സു​രേ​ന്ദ്ര​നോ​ട് തു​ട​രാ​ൻ ആ​വ​ശ്യ​പ്പെ​ട്ടി​രി​ക്കു​ന്ന​ത്. ഇ​തോ​ടെ വി. ​മു​ര​ളീ​ധ​ര​ൻ കേ​ന്ദ്ര​മ​ന്ത്രി​യാ​യി ത​ന്നെ ആ​റ്റി​ങ്ങ​ലി​ൽ​നി​ന്നും ലോ​ക്സ​ഭ​യി​ലേ​ക്ക് ജ​ന​വി​ധി തേ​ടാ​നാ​ണ് സാ​ധ്യ​ത.

നേ​ര​ത്തെ ആ​ന്ധ്ര​പ്ര​ദേ​ശ്, തെ​ലു​ങ്കാ​ന, പ​ഞ്ചാ​ബ്, ജാ​ർ​ഖ​ണ്ഡ് തു​ട​ങ്ങി​യ സം​സ്ഥാ​ന​ങ്ങ​ളി​ൽ ബി​ജെ​പി അ​ധ്യ​ക്ഷ​ൻ​മാ​രെ മാ​റ്റി​യി​രു​ന്നു. ഇ​തി​നു​പി​ന്നാ​ലെ​യാ​ണ് സു​രേ​ന്ദ്ര​നെ​യും നേ​തൃ​സ്ഥാ​ന​ത്തു​നി​ന്നും മാ​റ്റു​മെ​ന്ന് റി​പ്പോ​ർ​ട്ടു​ക​ൾ പു​റ​ത്തു​വ​ന്ന​ത്.

അന്വേഷണം വാർത്തകൾ വാട്സ്ആപ്പിലൂടെ ലഭിക്കാൻ ക്ലിക്ക് ചെയ്യു, 

നിങ്ങൾ അറിയാൻ ആഗ്രഹിക്കുന്ന വാർത്തകൾ നിങ്ങളുടെ Facebook Feed ൽ Anweshanam

നിങ്ങൾ അറിയാൻ ആഗ്രഹിക്കുന്ന വാർത്തകൾ നിങ്ങളുടെ ടെലിഗ്രാമിൽ അന്വേഷണം

അന്വേഷണം വാർത്തകൾ അറിയാൻ  Threads– ൽ Join ചെയ്യാം