തി​രു​വ​ന​ന്ത​പു​ര​ത്ത് ക​ട​ലാ​ക്ര​മ​ണം രൂ​ക്ഷം; കണ്ണൂരിൽ വീണ്ടും ഉരുൾപൊട്ടൽ; കൊ​ല്ല​ത്ത് ത​ക​ർ​ന്ന​ത് 40 വീ​ടു​ക​ൾ

തി​രു​വ​ന​ന്ത​പു​രം: ത​ല​സ്ഥാ​ന ജി​ല്ല​യി​ലെ തീ​ര​പ്ര​ദേ​ശ​ങ്ങ​ളി​ൽ ക​ട​ൽ​ക്ഷോ​ഭ​വും ക​ട​ലാ​ക്ര​മ​ണ​വും രൂ​ക്ഷ​മാ​കു​ന്നു. വ​ലി​യ​തു​റ, ക​ഠി​നം​കു​ളം, മു​ത​ല​പ്പൊ​ഴി, അ​ഞ്ചു​തെ​ങ്ങ്, വ​ർ​ക്ക​ല മേ​ഖ​ല​ക​ളി​ലാ​ണ് ക​ട​ൽ​ക്ഷോ​ഭ​വും ക​ട​ലാ​ക്ര​മ​ണ​വും രൂ​ക്ഷ​മാ​യി തു​ട​രു​ന്ന​ത്.

അ​ഞ്ചു​തെ​ങ്ങി​ൽ വി​വി​ധ പ്ര​ദേ​ശ​ങ്ങ​ളി​ൽ വെ​ള്ളം ക​യ​റി. പൂ​ത്തു​റ, മാ​ന്പ​ള്ളി, അ​ഞ്ചു​തെ​ങ്ങ് ജം​ഗ്ഷ​ൻ, കാ​യി​ക്ക​ര, വേ​ലി​ക്ക​കം ഉ​ൾ​പ്പെ​ടെ​യു​ള്ള പ്ര​ദേ​ശ​ങ്ങ​ളി​ലാ​ണ് വെ​ള്ളം ക​യ​റി​യ​ത്. മു​ത​ല​പ്പൊ​ഴി- അ​ഞ്ചു​തെ​ങ്ങ് തീ​ര​ദേ​ശ റോ​ഡി​ലും വെ​ള്ളം ക​യ​റി​യി​ട്ടു​ണ്ട്. ഇ​ത് കാ​ര​ണം വാ​ഹ​ന​ഗ​താ​ഗ​തം നേ​രി​യ തോ​തി​ൽ ത​ട​സ​പ്പെ​ട്ടി​രു​ന്നു.

ക​ട​ലി​ലെ കൂ​റ്റ​ൻ തി​ര​മാ​ല​ക​ൾ ക​ര​യി​ലേ​ക്ക് ക​യ​റി​യാ​ണ് റോ​ഡി​ൽ വെ​ള്ളം ക​യ​റി​യ​ത്. ഇ​തി​നെ ചെ​റു​ക്കാ​ൻ നാ​ട്ടു​കാ​ർ തീ​ര​ത്ത് മ​ണ​ൽ​ചാ​ക്കു​ക​ൾ നി​ര​ത്തി​യെ​ങ്കി​ലും പ​രി​ഹാ​ര​മാ​യി​ട്ടി​ല്ല.

കോട്ടയം ജില്ലയുടെ പടിഞ്ഞാറൻ മേഖലയിൽ വെള്ളം ഉയരുകയാണ്. കോട്ടയം–കുമരകം– ചേർത്തല റോഡിൽ ഇല്ലിക്കലിൽ റോഡിൽ വെള്ളം കയറി ഗതാഗതം ഭാഗികമായി തടസ്സപ്പെട്ടു. കോട്ടയം, ഏറ്റുമാനൂർ നഗരസഭയുടെ താഴ്ന്ന പ്രദേശങ്ങളിലേക്കും മീനച്ചിലാർ കരകവിഞ്ഞെത്തി. 

കണ്ണൂരിൽ വീണ്ടും ഉരുൾപൊട്ടൽ ഉണ്ടായി. ചെറുപുഴ ഉദയംകാണാക്കുണ്ടിൽ ഉരുൾപൊട്ടി, റോഡ് ഒലിച്ചുപോയി. വൈതൽക്കുണ്ട് വെള്ളച്ചാട്ടത്തിനു സമീപവും ഉരുൾപൊട്ടി. മുഴപ്പിലാങ്ങാട് വീടുകളിൽ വെള്ളം കയറി. എട്ടു കുടുംബങ്ങളെ മാറ്റിപ്പാർപ്പിച്ചു.

Read more: തിരുവനന്തപുരം മൃഗശാലയില്‍നിന്ന് ചാടിപ്പോയ ഹനുമാന്‍ കുരങ്ങിനെ പിടികൂടി

കൊ​ല്ല​ത്ത് ക​ന​ത്ത മ​ഴ​യി​ൽ ഇ​തു​വ​രെ 40 വീ​ടു​ക​ൾ ത​ക​ർ​ന്നു​വെ​ന്നാ​ണ് ക​ണ​ക്ക്. 38 വീ​ടു​ക​ൾ ഭാ​ഗി​ക​മാ​യും ര​ണ്ട് വീ​ടു​ക​ൾ പൂ​ർ​ണ​മാ​യും ത​ക​ർ​ന്നു. കൊ​ല്ലം ബീ​ച്ചി​ന് സ​മീ​പം ക​ട​ൽ​ക്ഷോ​ഭം രൂ​ക്ഷ​മാ​ണ്. വ​ലി​യ ഉ​യ​ര​ത്തി​ൽ തി​ര​മാ​ല​ക​ൾ ഇ​വി​ടെ വീ​ശി​യ​ടി​ക്കു​ന്നു​ണ്ട്. മു​ണ്ട​യ്ക്ക​ൽ പ്ര​ദേ​ശ​വും ക​ട​ലാ​ക്ര​മ​ണ ഭീ​ഷ​ണി​യി​ലാ​ണ്.

ജി​ല്ല​യി​ൽ ഇ​തു​വ​രെ ദു​രി​താ​ശ്വാ​സ ക്യാ​മ്പു​ക​ളൊ​ന്നും തു​റ​ന്നി​ട്ടി​ല്ല. ക​ട​ലാ​ക്ര​മ​ണം ഇ​നി​യും രൂ​ക്ഷ​മാ​യാ​ൽ പ്ര​ദേ​ശ​ത്ത് താ​മ​സി​ക്കു​ന്ന​വ​രെ മാ​റ്റി പാ​ർ​പ്പി​ക്കേ​ണ്ടി വ​രു​മെ​ന്ന് മേ​യ​ർ പ്ര​സ​ന്ന ഏ​ണ​സ്റ്റ് പ​റ​ഞ്ഞു.

  
പത്തനംതിട്ടയിൽ പമ്പാ നദി കരകവിഞ്ഞു. താഴ്ന്ന പ്രദേശങ്ങൾ വെള്ളത്തിലായി. ഇരവിപേരൂർ ജംക്‌ഷനിൽ വെള്ളം കയറി. ആലപ്പുഴയില്‍ ചമ്പക്കുളം മാനങ്കരി ഇളംപാടത്ത് മട വീണു. സംസ്ഥാനപാതയില്‍ നെടുമ്പ്രത്ത് വെള്ളംകയറി. തിരുവല്ല തിരുമൂലപുരത്ത് എംസി റോഡിലും വെള്ളം കയറി. ഒറ്റപ്പാലം വാണിയംകുളത്ത് കാറ്റിലും മഴയിലും രണ്ടിടങ്ങളിൽ മരങ്ങൾ വീണു ഗതാഗതം തടസ്സപ്പെട്ടു. ‌

കോഴിക്കോട് കരുവഞ്ചാൽ മുണ്ടച്ചാലിൽ മൂന്നു വീടുകളിൽ വെള്ളം കയറി. കടവത്തൂർ ടൗൺ വെള്ളത്തിലാണ്. നിരവധി വീടുകളിൽ വെള്ളം കയറി. തൂവക്കുന്നിൽ മരം വീണ് വീട് ഭാഗികമായി തകർന്നു. മഴയെത്തുടർന്നു മരം വീണ് കൊയിലാണ്ടി ദേശീയപാതയിൽ മൂടാ ടിവി മംഗലം സ്കൂളിനു സമീപം ഗതാഗതം സ്തംഭിച്ചു. കോഴിക്കോട് കാരശേരി ചെറുപുഴ കരകവിഞ്ഞു, വല്ലത്തായിപ്പാറ പാലം മുങ്ങി. ജില്ലയിൽ നൂറോളം വീടുകളിൽ വെള്ളം കയറി. വടകര നഗരസഭ മുതൽ ചോറോട് പഞ്ചായത്ത് അതിർത്തി വരെയാണ് മഴദുരിതം. തളീക്കരയിൽ റോഡുകൾ വെള്ളത്തിൽ മുങ്ങി, ഗതാഗതം മുടങ്ങി.

അന്വേഷണം വാർത്തകൾ വാട്സ്ആപ്പിലൂടെ ലഭിക്കാൻ ക്ലിക്ക് ചെയ്യു, 

നിങ്ങൾ അറിയാൻ ആഗ്രഹിക്കുന്ന വാർത്തകൾ നിങ്ങളുടെ Facebook Feed ൽ Anweshanam

നിങ്ങൾ അറിയാൻ ആഗ്രഹിക്കുന്ന വാർത്തകൾ നിങ്ങളുടെ ടെലിഗ്രാമിൽ അന്വേഷണം