അന്വേഷണം വാർത്തകൾ ലഭിക്കാന്‍ വാട്സാപ്പ് ഗ്രൂപ്പില്‍ ചേരൂ.ബോളിവുഡ് താരങ്ങളായ സൽമാൻ ഖാൻ, ഷാറൂഖ് ഖാനേയും പിന്തള്ളി ഇന്ത്യയിൽ ഏറ്റവും കൂടുതൽ പ്രതിഫലം വാങ്ങുന്ന താരമായി വിജയ്. നടന്റെ 68ാംമത്തെ ചിത്രത്തിൽ 200 കോടിയാണ് പ്രതിഫലമായി വാങ്ങിയിരിക്കുന്നത്. ബോളിവുഡ് മാധ്യമമായ പിങ്ക് വില്ലയാണ് വാർത്ത റിപ്പോർട്ട് ചെയ്തിരിക്കുന്നത്. പുറത്ത് പ്രചരിക്കുന്ന റിപ്പോർട്ട് ശരിയാണെങ്കിൽ രാജ്യത്ത് 200 കോടി രൂപ പ്രതിഫലം വാങ്ങുന്ന ആദ്യ താരമാകും വിജയ്.സൽമാൻ ഖാനും ഷാറൂഖ് ഖാനും അധികവും സിനിമയുടെ ലാഭത്തിന്റെ ഒരു വിഹിതമാണ് പ്രതിഫലമായി വാങ്ങുന്നത്.
ലോകേഷ് കനകരാജ് സംവിധാനം ചെയ്യുന്ന ലിയോയാണ് ഇനി പുറത്ത് ഇറങ്ങാനുള്ള വിജയ് ചിത്രം. തെന്നിന്ത്യൻ പ്രേക്ഷകർ ഏറെ ആകാംക്ഷയോടെ കാത്തിരിക്കുന്ന സിനിമയാണിത്. ഒക്ടോബർ 19 നാണ് തിയറ്ററുകളിൽ എത്തുന്നത്. തൃഷയാണ് ചിത്രത്തിലെ നായിക. സഞ്ജയ് ദത്ത്, തൃഷ, പ്രിയ ആനന്ദ്, അർജുൻ, മൻസൂർ അലി ഖാൻ എന്നിവരാണ് മറ്റുപ്രധാനകഥാപാത്രങ്ങളെ അവതരിപ്പിക്കുന്നത്.
Read More:നതിങ് ഫോൺ 2 ബുക്കിങ് ആരംഭിച്ചു
സംവിധായകൻ ലോകേഷ് കനകരാജ് തന്നെയാണ് ചിത്രത്തിന്റെ രചന നിർവഹിക്കുന്നത്. സംഗീതം: അനിരുദ്ധ് രവിചന്ദർ. ഛായാഗ്രഹണ : മനോജ് പരമഹംസ,ആക്ഷൻ: അൻപറിവ്,എഡിറ്റർ: ഫിലോമിൻ. സെവൻ സ്ക്രീൻ സ്റ്റുഡിയോസിന്റെ ബാനറിൽ ലളിത് കുമാറും: ജഗദീഷ് പളനിസാമിയുമാണ് ചിത്രം നിർമിക്കുന്നത്.
അന്വേഷണം വാർത്തകൾ വാട്സ്ആപ്പിലൂടെ ലഭിക്കാൻ ക്ലിക്ക് ചെയ്യു,
നിങ്ങൾ അറിയാൻ ആഗ്രഹിക്കുന്ന വാർത്തകൾ നിങ്ങളുടെ Facebook Feed ൽ Anweshanam
നിങ്ങൾ അറിയാൻ ആഗ്രഹിക്കുന്ന വാർത്തകൾ നിങ്ങളുടെ ടെലിഗ്രാമിൽ അന്വേഷണം
