അനധികൃത സ്വത്ത് സമ്പാദനം; കസ്റ്റംസ് മുൻ ഡെപ്യൂട്ടി കമ്മീഷണർക്കും കുടുംബത്തിനും തടവ് ശിക്ഷ

എ​റ​ണാ​കു​ളം: അ​ന​ധി​കൃ​ത സ്വത്ത് സമ്പാദ​ന​ക്കേ​സി​ൽ ക​സ്റ്റം​സ് മു​ൻ ഡെ​പ്യൂ​ട്ടി ക​മ്മീ​ഷ​ണ​ർ പി.​ആ​ർ. വി​ജ​യ​നും കു​ടും​ബ​ത്തി​നും ര​ണ്ട് വ​ർ​ഷം ത​ട​വു​ശി​ക്ഷ വി​ധി​ച്ച് കോ​ട​തി. കൊച്ചിയിലെ സിബിഐ കോടതിയുടേത് ആണ് നടപടി.   

വി​ജ​യ​നും ഭാ​ര്യ​യും മൂ​ന്ന് പെൺമ​ക്ക​ളും ത​ട​വു​ശി​ക്ഷ അ​നു​ഭ​വി​ക്ക​ണ​മെ​ന്നും ര​ണ്ട​ര​ക്കോ​ടി രൂ​പ പി​ഴ ഒ​ടു​ക്ക​ണ​മെ​ന്നും എ​റ​ണാ​കു​ളം സി​ബി​ഐ കോ​ട​തി വ്യ​ക്ത​മാ​ക്കി. സിബിഐ സ്പെഷ്യൽ ജഡ്ജ് കെ കെ ബാലകൃഷ്ണൻ ആണ് കേസിൽ വിധി പറഞ്ഞത്. 

Read more : പെരിന്തൽമണ്ണ തെരഞ്ഞെടുപ്പ് ; 482 ബാലറ്റുകൾ കാണാനില്ല; കൃത്രിമം നടന്നതായി തെരഞ്ഞെടുപ്പ് കമ്മീഷൻ

ഡെ​പ്യൂ​ട്ടി ക​മ്മീ​ഷ​ണ​ർ സ്ഥാ​ന​ത്തി​രി​ക്കെ വി​ജ​യ​ൻ 78 ല​ക്ഷം രൂ​പ​ മൂല്യമുള്ള അ​ന​ധി​കൃ​ത സ്വ​ത്തുക്കൾ സ്വ​ന്ത​മാ​ക്കി​യ​താ​യി സി​ബി​ഐ അ​ന്വേ​ഷ​ണ​ത്തി​ൽ വ്യ​ക്ത​മാ​യി​രു​ന്നു. കൂടാതെ തന്റെ ഔദ്യോഗിക പദവി പി ആർ വിജയൻ ദുരുപയോഗം ചെയ്തതായും സിബിഐ കണ്ടെത്തിയിരുന്നു. അ​ന​ധി​കൃ​ത​മാ​യി സ​മ്പാ​ദി​ച്ച സ്വ​ത്ത് ഭാ​ര്യ​യു​ടെ​യും മ​ക്ക​ളു​ടെ​യും പേ​രി​ലേ​ക്ക് മാ​റ്റി​യി​രു​ന്നു. 

കു​റ്റ​കൃ​ത്യ​ത്തി​ലെ ഗൂ​ഢാ​ലോ​ച​ന​യി​ൽ പ​ങ്കാ​ളി​ക​ളാ​യ​തോ​ടെ​യാ​ണ് കു​ടും​ബ​ത്തി​നെ​തി​രെ​യും കോ​ട​തി ശി​ക്ഷ വി​ധി​ച്ച​ത്. അഴിമതി നിരോധന നിയമപ്രകാരം ആയിരുന്നു സിബിഐയുടെ കേസ്.

അന്വേഷണം വാർത്തകൾ വാട്സ്ആപ്പിലൂടെ ലഭിക്കാൻ ക്ലിക്ക് ചെയ്യു, 

നിങ്ങൾ അറിയാൻ ആഗ്രഹിക്കുന്ന വാർത്തകൾ നിങ്ങളുടെ Facebook Feed ൽ Anweshanam