അന്വേഷണം വാർത്തകൾ ലഭിക്കാന്‍ വാട്സാപ്പ് ഗ്രൂപ്പില്‍ ചേരൂ.
മൈസൂരു: മൈസൂരുവിലെ ടി നരസിപുരയിൽ ബസും കാറും കൂട്ടിയിടിച്ച് പത്ത് പേർ മരിച്ചു. ബെല്ലാരി സംഗനക്കൽ സ്വദേശികളാണ് മരിച്ചത്. ഇന്നോവ കാറും സ്വകാര്യ ബസും കൂട്ടിയിടിച്ചാണ് അപകടം. ഇന്നോവയിലുണ്ടായിരുന്ന രണ്ട് കുട്ടികളുൾപ്പെടെയുള്ളവരാണ് മരിച്ചത്.
ഇന്നുച്ചയോടെയാണ് അപകടമുണ്ടായത്. മൈസൂരുവിൽ വിനോദയാത്രയ്ക്കാണ് ഇവരെത്തിയത്. 13 പേരാണ് ടൊയോട്ട ഇന്നോവയിലുണ്ടായിരുന്നത്. ഇതിൽ പത്ത് പേരും മരിച്ചു. മൂന്ന് പേർ ആശുപത്രിയിലാണ്. ചാമുണ്ഡി ഹിൽസിൽ പോയി തിരികെ റെയിൽവേ സ്റ്റേഷനിലേക്ക് പോവുകയായിരുന്നു ഇവർ. ഇതിനിടെയാണ് അപകടമുണ്ടായത്.
അമിതവേഗതയിലെത്തിയ ബസ് കാറിൽ ഇടിക്കുകയായിരുന്നു എന്നാണ് വിവരം. മരിച്ചവരുടെ പേരുവിവരങ്ങൾ ലഭ്യമില്ല. പരിക്കേറ്റവരെ ചാമരാജ് നഗറിലെ ആശുപത്രിയിൽ പ്രവേശിപ്പിച്ചിരിക്കുകയാണ്.
അന്വേഷണം വാർത്തകൾ വാട്സ്ആപ്പിലൂടെ ലഭിക്കാൻ ക്ലിക്ക് ചെയ്യു
