തിരുവനന്തപുരം മെഡിക്കല്‍ കോളേജിൽ അ​ല​ർ​ജി​ക്ക് ചി​കി​ത്സ തേ​ടി​യ പ്ല​സ് ടു ​വി​ദ്യാ​ര്‍​ഥി​നി മ​രി​ച്ചു; ചി​കി​ത്സാ പി​ഴ​വെ​ന്ന് പ​രാ​തി

തിരുവനന്തപുരം: തിരുവനന്തപുരം മെഡിക്കൽ കോളജിൽ ചികിത്സാപിഴവ് മൂലം രോഗി മരിച്ചെന്ന് ആരോപണം. ആറ്റിങ്ങൽ, പൊയ്കമുക്ക് സ്വദേശിപ്ലസ് ടു വിദ്യാർഥിയായ മീനാക്ഷിയാണ് ഇന്നലെ തിരുവനന്തപുരം മെഡിക്കൽ കോളജിൽ മരിച്ചത്. കാത് കുത്തിയത് മൂലമുണ്ടായ അലർജി കാരണം മീനാക്ഷിയെ ഈ മാസം 17നാണ് ആശുപത്രിയില്‍ പ്രവേശിപ്പിച്ചത്. ഇന്നലെ ഡിസ്ചാര്‍ജ് ചെയ്ത് വീട്ടില്‍ കൊണ്ടുപോകുമ്പോള്‍ മരണം സംഭവിക്കുകയായിരുന്നു.
 
ഹൃ​ദ​യാ​ഘാ​ത​മാ​ണ് മ​ര​ണ​കാ​ര​ണം എ​ന്നാ​ണ് ഡോ​ക്ട​ര്‍​മാ​രു​ടെ വി​ശ​ദീ​ക​ര​ണം. ക​മ്മ​ലി​ല്‍ നി​ന്നാ​ണ് മീ​നാ​ക്ഷി​ക്ക് അ​ല​ര്‍​ജി ബാ​ധി​ച്ച​ത്. ഈ​മാ​സം ര​ണ്ടാം തീ​യ​തി വി​ദ്യാ​ര്‍​ഥി​നി​യെ വെ​ഞ്ഞാ​റ​മൂ​ട്ടി​ലെ സ്വ​കാ​ര്യ ആ​ശു​പ​ത്രി​യി​ല്‍ പ്ര​വേ​ശി​പ്പി​ച്ചു. ആ​രോ​ഗ്യ​സ്ഥി​തി മോ​ശ​മാ​യ​തി​നെ തു​ട​ര്‍​ന്ന് 17ന് ​മെ​ഡി​ക്ക​ല്‍ കോ​ള​ജി​ലേ​ക്ക് മാ​റ്റി.

ശ​നി​യാ​ഴ്ച മീ​നാ​ക്ഷി​യെ ഡി​സ്ചാ​ര്‍​ജ് ചെ​യ്തു. വീ​ട്ടി​ലേ​ക്ക് മ​ട​ങ്ങു​ന്ന​വ​ഴി ഓ​ട്ടോ​റി​ക്ഷ​യി​ല്‍​വ​ച്ച് ദേ​ഹാ​സ്വാ​സ്ഥ്യ​മു​ണ്ടാ​വു​ക​യും ഛര്‍​ദ്ദി​ക്കു​ക​യും ചെ​യ്തു. തു​ട​ര്‍​ന്ന് മെ​ഡി​ക്ക​ല്‍ കോ​ള​ജി​ലേ​ക്ക് എ​ത്തി​ച്ചെ​ങ്കി​ലും മ​ര​ണം സം​ഭ​വി​ച്ചു.
 
മീനാക്ഷിയുടെ മരണത്തിന് കാരണം ചികിത്സാ പിഴവാണെന്ന് ആരോപിച്ച് പിതാവ് ലാലു ആറ്റിങ്ങൽ പൊലീസിൽ പരാതി നൽകി.ആറ്റിങ്ങൽ പൊലീസ് അസ്വാഭാവിക മരണത്തിന് കേസെടുത്തു. പോസ്റ്റ്‌മോർട്ടം റിപ്പോർട്ട് ലഭിച്ചതിന് ശേഷം ആവശ്യമായ നടപടി സ്വീകരിക്കുമെന്ന് പൊലീസ് വ്യക്തമാക്കി. 

എന്നാൽ ചികിത്സാ പിഴവ് ഉണ്ടായിട്ടില്ലെന്ന് തിരുവനന്തപുരംമെഡിക്കൽ കോളജ് അധികൃതർ വ്യക്തമാക്കി. മതിയായ ചികിത്സ നൽകിയെന്ന് മെഡി.കോളജ് സൂപ്രണ്ട് വ്യക്തമാക്കി. രോഗപ്രതിരോധ സംവിധാനം ശരീരത്തിന് എതിരായി പ്രവർത്തിക്കുന്ന അസുഖം കുട്ടിക്കുണ്ടെന്ന് ആശുപത്രി വിശദീകരിച്ചു.