മന്ത്രി വീണ ജോർജിന്‍റെ പ്രസ്താവനയെ വ്യാഖ്യാനിക്കുന്നത് മനുഷ്യത്വമില്ലാതെ: എം.വി ഗോവിന്ദൻ

തിരുവനന്തപുരം: യുവ ഡോക്ടർ വന്ദനയുടെ കൊലപാതകവുമായി ബന്ധപ്പെട്ട് മന്ത്രി വീണ ജോർജിൻ്റെ പ്രസ്താവനയുടെ ഒരു ഭാഗം പിടിച്ച് സർക്കാരിനെതിരെ പ്രചാരണം അഴിച്ചു വിടുകയാണെന്ന് സിപിഐഎം സംസ്ഥാന സെക്രട്ടറി എം.വി ഗോവിന്ദൻ. മനുഷ്യത്വമോ മര്യാദയോ ഇല്ലാത്ത വ്യാഖ്യാനമാണ് വീണ ജോർജിൻ്റെ പ്രസ്താവനയ്ക്ക് നൽകുന്നതെന്നു എം.വി ഗോവിന്ദൻ പറഞ്ഞു. 

റോഡിൽ മുറിവ് പറ്റി കിടക്കുന്നയാളെ പൊലീസ് ആശുപത്രിയിൽ കൊണ്ട് പോകുകയാണ് ചെയ്തത്. അവിടെത്തിയ ശേഷം അയാൾ എല്ലാവരെയും ആക്രമിക്കുകയായിരുന്നു. നടക്കാൻ പാടില്ലാത്ത സംഭവമാണിത്. ദാരുണമായ സംഭവം നടന്നിട്ട് സർക്കാരിനെതിരെ എങ്ങനെ വാർത്ത ഉണ്ടാക്കാമെന്നാണ് ബൂർഷ്വാ പാർട്ടികളും മാധ്യമങ്ങളും നോക്കിയതെന്നും അദ്ദേഹം കുറ്റപ്പെടുത്തി. 

സം​ഭ​വ​ത്തി​ൽ ത​ന്‍റെ വാ​ക്കു​ക​ള്‍ വ​ള​ച്ചൊ​ടി​ച്ചെ​ന്ന് ആ​രോ​ഗ്യ​മ​ന്ത്രി വീ​ണാ ജോ​ര്‍​ജ് പറഞ്ഞു. വാ​ക്കു​ക​ള്‍ വ​ള​ച്ചൊ​ടി​ച്ച് വി​വാ​ദ​മാ​ക്കാ​ന്‍ ശ്ര​മി​ക്കു​ന്ന​ത് ക്രൂ​ര​ത​യാ​ണെ​ന്ന് മ​ന്ത്രി ഫേ​സ്ബു​ക്ക് കു​റി​പ്പി​ൽ പ​റ​ഞ്ഞു. ദു​ര​ന്ത​മു​ഖ​ത്തു​പോ​ലും വി​വാ​ദ​മു​ണ്ടാ​ക്കാ​നു​ള്ള നി​കൃ​ഷ്ട മ​ന​സാ​ണ് ഇ​വി​ടെ വെ​ളി​വാ​കു​ന്ന​തെ​ന്നും അ​വ​ർ കു​റ്റ​പ്പെ​ടു​ത്തി.

ഒ​രു പെ​ണ്‍​കു​ട്ടി ദാ​രു​ണ​മാ​യി കൊ​ല്ല​പ്പെ​ട്ട ദുഃ​ഖ​ക​ര​മാ​യ സാ​ഹ​ച​ര്യ​ത്തി​ലെ വാ​ക്കു​ക​ളെ, വ​ള​ച്ചൊ​ടി​ച്ച് വി​വാ​ദ​മാ​ക്കാ​ന്‍ ശ്ര​മി​ക്കു​ന്ന​ത് എ​ന്ത് ക്രൂ​ര​ത​യാ​ണ്. അ​ത് മാ​ധ്യ​മ​ങ്ങ​ളു​ടെ ത​ല​പ്പ​ത്തു​ള്ള​വ​രും പ്ര​തി​പ​ക്ഷ​വും ചി​ന്തി​ക്ക​ണം. ദു​ര​ന്ത​മു​ഖ​ത്ത് പോ​ലും വി​വാ​ദ​മു​ണ്ടാ​ക്കാ​നു​ള്ള നി​കൃ​ഷ്ട മ​ന​സാ​ണ് ഇ​വി​ടെ വെ​ളി​വാ​കു​ന്ന​ത്. താ​ന്‍ പ​റ​ഞ്ഞ വാ​ക്കു​ക​ള്‍ അ​വി​ടെ ത​ന്നെ​യു​ണ്ട്.

ദു​ര​ന്ത​ത്തെ​ക്കു​റി​ച്ച് ഇ​ത്ര ഇ​ന്‍​സെ​ന്‍​സി​റ്റീ​വാ​യി പ്ര​തി​ക​രി​ക്കു​ന്ന ആ​ള​ല്ല താ​നെ​ന്ന് ത​ന്നെ അ​റി​യു​ന്ന​വ​ര്‍​ക്ക് അ​റി​യാം. വി​ശ​ദീ​ക​ര​ണ​ത്തി​നു​ള്ള സ​മ​യ​മ​ല്ല ഇ​ത്. എ​ങ്കി​ലും മാ​ധ്യ​മ​ങ്ങ​ള്‍ വാ​ക്കു​ക​ള്‍ വ​ള​ച്ചൊ​ടി​ച്ച് പ്ര​ച​രി​പ്പി​ക്കു​മ്പോ​ള്‍ ജ​ന​ങ്ങ​ള്‍ വ​സ്തു​ത മ​ന​സി​ലാ​ക്ക​ണ​മെ​ന്ന​തു​കൊ​ണ്ട് ഇ​ത്ര​യും പ​റ​യു​ന്നു. ബാ​ക്കി പി​ന്നീ​ട് പ​റ​യാം- മ​ന്ത്രി ഫേ​സ്ബു​ക്കി​ൽ കു​റി​ച്ചു.
 
ഇന്ന് പുലർച്ചെയാണ് അതിക്രൂരമായ കൊലപാതകം നടന്നത്. കൊട്ടാരക്കര താലൂക്ക് ആശുപത്രിയിൽ വൈദ്യ പരിശോധനയ്ക്ക് പൊലീസ് എത്തിച്ച സന്ദീപ് ഹൗസ് സർജനായ വനിതാ ഡോക്ടർ 22 കാരിയായ വന്ദനയെ ക്രൂരമായി കുത്തിക്കൊലപ്പെടുത്തുകയായിരുന്നു. കോട്ടയം മുട്ടുചിറ സ്വദേശിയായ ഡോ വന്ദന ദാസ്, കോട്ടയം മുട്ടുചിറയിൽ വ്യാപാരിയായ കെ ജി മോഹന്‍ദാസിന്റെയും വസന്തകുമാരിയുടെയും ഏകമകളാണ്. കൊലയാളി കുവട്ടൂർ സ്വദേശി സന്ദീപ് നെടുമ്പന യുപി സ്കൂൾ അധ്യാപകനാണ്. ഇയാളെ സർവീസിൽ നിന്ന് സസ്പെന്റ് ചെയ്തു. പ്രതി ലഹരിക്ക് അടിമയാണെന്ന് പൊലീസ് പറയുന്നു.