ഡോ. വന്ദനയുടെ കൊലപാതകം: സമരം തുടരുമെന്ന് ഐ.എം.എ

കൊല്ലം: കൊട്ടാരക്കര താലൂക്ക് ആശുപത്രിയിൽ ജോലിക്കിടെ കുത്തേറ്റു മരിച്ച വന്ദനയുടെ മരണത്തിൽ പ്രതിഷേധം തുടരുമെന്ന് ഐ.എം.എ. സർക്കാരും ഡോക്ടർമാരും തമ്മിലുള്ള ചർച്ചയിലാണ് ഇക്കാര്യം അറിയിച്ചത്. അ​ത്യാ​ഹി​ത വി​ഭാ​ഗ​ങ്ങ​ളെ മാ​ത്ര​മാ​ണ് സ​മ​ര​ത്തി​ൽ നി​ന്ന് ഒ​ഴി​വാ​ക്കി​യി​ട്ടു​ള്ള​ത്.

ഡോക്ടർമാരുടെ സുരക്ഷിതത്വം ഉറപ്പാക്കാൻ മുഖ്യമന്ത്രി ഇടപെടണമെന്നും ചട്ടം ഓർഡിനൻസ് ആയി പുറത്തിരിക്കണമെന്നും ആവശ്യമുയർന്നു. വിഷയം മുഖ്യമന്ത്രി പിണറായി വിജയനെ ധരിപ്പിക്കാമെന്ന് ചീഫ് സെക്രട്ടറി വി.പി ജോയ് ഉറപ്പ് നൽകി.

ഡോക്ടർമാരുടെ സുരക്ഷ ഉറപ്പുവരുത്തിയുള്ള നിയമത്തിന് വന്ദനയുടെ പേര് നൽകി നീതി നടപ്പാക്കണമെന്നും ഐ.എം.എ ആവശ്യപ്പെട്ടു. ഡോക്ടർ വന്ദനയുടെ മരണത്തിൽ പ്രതിഷേധിച്ച് സംസ്ഥാന വ്യാപകമായി ഡോക്ടർമാർ മിന്നൽ പണിമുടക്ക് നടത്തി. സമരം നാളെ രാവിലെ എട്ടു മണിവരെയാണ്. എ​ല്ലാ മെ​ഡി​ക്ക​ൽ കോ​ള​ജു​ക​ളി​ലേ​യും അ​ധ്യാ​പ​ക​രും പി​ജി വി​ദ്യാ​ർ​ഥി​ക​ളും ഹൗ​സ് സ​ർ​ജ​ൻ​മാ​രും മ​റ്റ് ആ​ശു​പ​ത്രി​ക​ളി​ലെ ജീ​വ​ന​ക്കാ​രും പ​ണി​മു​ട​ക്കി​ൽ പ​ങ്കു​ചേ​ർ​ന്നു.

അ​ടി​യ​ന്ത​ര ചി​കി​ത്സ ഒ​ഴി​കെ​യു​ള്ള എ​ല്ലാ സേ​വ​ന​ങ്ങ​ളും അ​പ്ര​തീ​ക്ഷി​ത​മാ​യി നി​ർ​ത്തി​വ​ച്ച​തോ​ടെ രോ​ഗി​ക​ൾ വ​ല​ഞ്ഞു. കൊ​ല്ലം ജി​ല്ല​യി​ൽ അ​ത്യാ​ഹി​ത വി​ഭാ​ഗം ഉ​ൾ​പ്പെ​ടെ നി​ർ​ത്തി​വ​ച്ചാ​ണ് സ​മ​രം ന​ട​ത്തി​യ​ത്.