“വേദിയിൽ ഇരിക്കാൻ സോണിയ ഗാന്ധിയുടെ അനുമതി കാത്ത് നിൽക്കുന്ന മല്ലികാർജുൻ ഖാർഗെ” – പുതിയ വ്യജ വീഡിയോയുമായി ബിജെപി

രാജ്യം ഉറ്റുനോക്കുന്ന തെരഞ്ഞെടുപ്പ് ഇന്ന് കർണാടകയിൽ നടന്നുകൊണ്ടിരിക്കുകയാണ്. അഞ്ച് കോടിയിലേറെ ജനങ്ങൾ അവരുടെ വോട്ടവകാശം വിനിയോഗിക്കുകയാണ്. എന്നാൽ കോൺഗ്രസിനെതിരെയുള്ള ഒരു വ്യാജ വീഡിയോയും കഴിഞ്ഞ ദിവസങ്ങൾ മുതൽ വൈറലായി ഓടിക്കൊണ്ടിരിക്കുകയാണ്. കർണാടകയിലെ ഹുബ്ബാലിയിൽ നടന്ന തെരഞ്ഞെടുപ്പ് റാലിയിൽ നിന്നുള്ള 18 സെക്കൻഡ് ദൈർഘ്യമുള്ള ക്ലിപ്പ് ആണ് വൈറലായത്. വേദിയിൽ ഇരിക്കാൻ കോൺഗ്രസ് അധ്യക്ഷൻ മല്ലികാർജുൻ ഖാർഗെ സോണിയാ ഗാന്ധിയുടെ അനുമതിക്കായി കാത്തിരുന്നുവെന്ന അവകാശവാദവുമായാണ് ഈ വ്യാജ വീഡിയോ വൈറലായത്. 

വൈറലായ ക്ലിപ്പിൽ ഓഡിയോ ഇല്ല എന്നത് ശ്രദ്ധിക്കേണ്ടതാണ്. സോഷ്യൽ മീഡിയയിൽ നിരന്തരം തെറ്റായ വിവരങ്ങൾ പങ്കുവെക്കുന്ന ബിജെപിയുടെ ദേശീയ വിവര സാങ്കേതിക വകുപ്പിന്റെ ചുമതലയുള്ള അമിത് മാളവ്യ ക്ലിപ്പ് ട്വീറ്റ് ചെയ്തു. 

Reminds me of the famous dialogue from Zanjeer…

जब तक बैठने को नहीं कहा जाए, शराफ़त से खड़े रहो…

A vote for Congress means letting Sonia and Rahul Gandhi run Karnataka by proxy!

Don’t let that happen, Karnataka. You are too self respecting for that…

Vote wisely on 10th. pic.twitter.com/msYGfmseKF

— Amit Malviya (@amitmalviya) May 7, 2023

“സഞ്ജീറിന്റെ പ്രശസ്തമായ ഡയലോഗ് എന്നെ ഓർമ്മിപ്പിക്കുന്നു… से खड़े रहो… കോൺഗ്രസിന് ഒരു വോട്ട് എന്നാൽ സോണിയയെയും രാഹുൽ ഗാന്ധിയെയും കർണ്ണാടകയെ പ്രോക്സി ഉപയോഗിച്ച് നയിക്കാൻ അനുവദിക്കുക എന്നതാണ്. കർണാടക തെരഞ്ഞെടുപ്പ് നടക്കുന്ന മെയ് 10ന് വിവേകത്തോടെ വോട്ട് ചെയ്യണമെന്നും അദ്ദേഹം അനുയായികളോട് ട്വീറ്റിൽ അഭ്യർത്ഥിച്ചു.

Three generations of the Gandhi family have consistently disrespected Karnataka and its leaders: Indira humiliated Nijalingappa, Rajiv demeaned Veerendra Patil, and now Sonia-Rahul belittle Mallikarjun Kharge. This cycle of unrelenting humiliation will end on 10th May. pic.twitter.com/MNxCceFyXU

— BJP Karnataka (@BJP4Karnataka) May 7, 2023

ഭാരതീയ ജനതാ പാർട്ടി കർണാടകയുടെ ഔദ്യോഗിക ഹാൻഡിൽ ക്ലിപ്പ് ട്വീറ്റ് ചെയ്തു. “ഗാന്ധി കുടുംബത്തിലെ മൂന്ന് തലമുറകൾ കർണാടകയെയും അതിന്റെ നേതാക്കളെയും നിരന്തരം അനാദരിക്കുന്നു: ഇന്ദിര നിജലിംഗപ്പയെ അപമാനിച്ചു, രാജീവ് വീരേന്ദ്ര പാട്ടീലിനെ താഴ്ത്തി, ഇപ്പോൾ സോണിയ-രാഹുൽ മല്ലികാർജുൻ ഖാർഗെയെ ഇകഴ്ത്തി. വിട്ടുമാറാത്ത അപമാനത്തിന്റെ ഈ ചക്രം മെയ് 10 ന് അവസാനിക്കും.” എന്ന വാചകത്തോടെയാണ് ബിജെപി ഔദ്യോഗിക പേജ് വീഡിയോ പങ്കുവെച്ചത്.

To sit or not to sit.
A forlorn Mr @kharge wringing his hands, wondering whether Sonia Gandhi forgot to tell him he can sit or snubbed him by not telling him he could sit.pic.twitter.com/qTH0wEl7o0

— Kanchan Gupta 🇮🇳 (@KanchanGupta) May 8, 2023

വാർത്താവിതരണ പ്രക്ഷേപണ മന്ത്രാലയത്തിലെ മുതിർന്ന ഉപദേഷ്ടാവ് കാഞ്ചൻ ഗുപ്തയും ഇതേ അവകാശവാദത്തോടെ ക്ലിപ്പ് ട്വീറ്റ് ചെയ്തു. “ദയനീയമായ ഖാർഗെയെയാണ് ക്ലിപ്പ് ചിത്രീകരിക്കുന്നത്. സോണിയ ഗാന്ധി തന്നോട് ഇരിക്കാമെന്ന് പറയാൻ മറന്നോ അതോ ഇരിക്കാമെന്ന് പറയാതെ അവനെ കബളിപ്പിച്ചോ എന്ന് ആശ്ചര്യപ്പെടുന്നു” – എന്ന അടിക്കുറിപ്പുമായാണ് കാഞ്ചൻ ഗുപ്ത വീഡിയോ പങ്കുവെച്ചത്.

ഫാക്ട് ചെക്ക്

ഇന്ത്യൻ നാഷണൽ കോൺഗ്രസിന്റെ ഔദ്യോഗിക യൂട്യൂബ് ചാനലിൽ പോയി നോക്കിയാൽ തന്നെ വൈറലായ ക്ലിപ്പിന്റെ പൂർണരൂപം കാണാം. “സംയുക്ത മെഗാ റാലി | ഹുബ്ബള്ളി, കർണാടക |” എന്ന പേരിൽ വീഡിയോ ലഭ്യമാണ്. സോണിയ ഗാന്ധി, മല്ലികാർജുൻ ഖാർഗെ, രാഹുൽ ഗാന്ധി എന്നിവർ റാലിയെ അഭിസംബോധന ചെയ്തതായി വിവരണത്തിൽ പറയുന്നു. 

യൂട്യൂബ് വീഡിയോയിലെ 22:28 മിനിറ്റിലാണ് വൈറൽ ക്ലിപ്പ് ആരംഭിക്കുന്നത്. സോണിയ ഗാന്ധി തന്റെ പ്രസംഗം പൂർത്തിയാക്കി ഇരിപ്പിടത്തിലേക്ക് മടങ്ങുന്നത് ദൃശ്യത്തിൽ കാണാം. ഈ സമയത്ത് പ്രസംഗിക്കാൻ മല്ലികാർജുൻ ഖാർഗെ പോഡിയത്തിനടുത്തേക്ക് നടക്കാൻ ഒരുങ്ങുകയാണ്. ഈ സമയത്ത് സോണിയ വന്ന് ഇരിക്കുന്നു. ഖാർഗെ എണീറ്റതോടെ അദ്ദേഹത്തെ പരിചയപ്പെടുത്തിയുള്ള ഓഡിയോ പശ്ചാത്തലത്തിൽ അനൗൺസ് ചെയ്യുന്നു. ഇത് പൂർത്തിയാക്കാൻ അദ്ദേഹം കാത്ത് നിൽക്കുന്നതാണ് കട്ട് ചെയ്‌ത്‌ വ്യജമായി പങ്കുവെച്ചത്.  

മല്ലികാർജുൻ ഖാർഗെ വേദിയിലേക്ക് നടന്ന് തുടങ്ങാനായി ആമുഖം അവസാനിക്കാൻ കാത്തിരിക്കുന്ന ദൃശ്യം ‘സോണിയാ ഗാന്ധി ഇരിക്കാൻ പറയുന്നതിനായി കാത്തിരിക്കുകയായിരുന്നു’ എന്ന രീതിയിൽ വീഡിയോ എഡിറ്റ് ചെയ്‌ത്‌ പ്രചരിപ്പിക്കുകയായിരുന്നു. 

വീഡിയോയുടെ തുടക്കത്തിൽ സോണിയാ ഗാന്ധിയും രാഹുൽ ഗാന്ധിയും മല്ലികാർജുൻ ഖാർഗെയും വേദിയിലെത്തുമ്പോൾ സോണിയാ ഗാന്ധി ഖാർഗെയോട് ഇരിക്കാൻ വിനീതമായി ആവശ്യപ്പെടുന്നതും ശേഷം ഖാർഗെയും സോണിയ ഗാന്ധി, രാഹുൽ ഗാന്ധി എന്നിവർ ഒരേ സമയം ഒരുമിച്ച് ഇരിക്കുന്നതും കാണാം.